Gerðir kirkjuþings - 2002, Blaðsíða 35

tilmælum til þingfulltrúa að þeir vandi málatilbúnað og sendi þingmál inn tímanlega til að
auðvelda enn ffekar undirbúning og störf þingsins.
Bylting hefur orðið í upplýsingastreymi með tilkomu vefs Kirkuþings. Nú er hægt að nálgast
þingmál og aðrar upplýsingar fýrr en ella og á einfaldan hátt. Einnig veitir
tölvuskjalavistunarkerfi á Biskupsstofu greiðan aðgang að skjölum er varða Kirkjuþing en
þau eru vistuð þar ásamt skjölum Biskupsstofu. Kirkjuþing þakkar þessar nýjungar. Einnig
ber að þakka endumýjun á samræmdu formi fýrir reikningsskil sókna sem kynnt er á
þinginu.
Kirkjuþing harmar þá skerðingu sem varð á sóknar- og kirkjugarðsgjöldum á þessu ári og
tekur undir ályktun Kirkjuráðs er send var Alþingi þar að lútandi. Kirkjuþing minnist orða
kirkjumálaráðherra við setningu yfirstandandi Kirkjuþings: "Nú í haust var ákveðið að
framlagið [sóknar-og kirkjugarðsgjöld] fái eðlilega uppfærslu frá fýrra ári og engar
ráðagerðir eru uppi um frekari skerðingu á sóknar-og kirkjugarðsgjöldum." Kirkjuþing hlýtur
að krefjast þess að þessi skerðing fáist leiðrétt og hvetur Kirkjuráð til þess að vinna að því
máli.
í þessu sambandi vill Kirkjuþing minna stjómvöld á að Þjóðkirkjan telur sig eiga inni hjá
ríkissjóði rúmar 150 milljónir króna vegna skerðingarinnar í ár eins og ffam hefur komið í
umræðum hér á þinginu. Skerðing þessi hefur sannanlega varanleg áhrif á starf og
fjárhagsstöðu safhaða Þjóðkirkjunnar.
Ákveðið hefur verið að stofna á vegum Kirkjuráðs starfshóp um lögffæðileg málefni.
Kirkjuþing styður áform Kirkjuráðs um stofnun hópsins enda samræmist sú ákvörðun
starfsreglum um Kirkjuráð, sbr. 12 grein starfsreglna nr. 817/2000.
Starf kirkjumiðstöðva Þjóðkirkjunnar stendur nú í blóma. Kirkjuþing fagnar vaxandi starfi
sem unnið er í Skálholti, á Löngumýri, á Eiðum og Vestmannsvatni og fagnar jafnframt
ffamkomnum hugmyndum Kirkjuráðs um að mynda starfseyki þriggja manna til þess að gera
tillögur til ráðsins um kirkjumiðstöðvamar og verkaskiptingu þeirra. Kirkjuþing lýsir
stuðningi við áform um stofnun kirkjumiðstöðvar að Holti í Önundarfirði og lýsir ánægju
sinni með hugmynd um þjónustumiðstöð Þjóðkirkjunnar á höfuðborgarsvæðinu. Þess er
vænst að þjónustumiðstöð af þessu tagi geti orðið mikilvæg til lausnar á þjónustuvanda
kirkjunnar þar.
í ljósi þjónustuþarfar og takmarkaðs fjölda prestsembætta telur Kirkjuþing rétt að athuga
þann möguleika að prestar séu ráðnir í hlutastöður. Við slíkar ráðningar sem og aðrar þarf að
gæta vel að því að starfslýsing sé greinargóð og affnörkuð. Æskilegt væri að nefnd um
hlutverk presta og djákna, sem stofnuð var að tilhlutan biskups árið 1999 fjallaði einnig um
mál presta í hlutastöðu og skilaði áliti þar um fýrir Kirkjuþing 2003.
Kirkjuþingi hefur borist bréf frá stjóm Þroskahjálpar á Suðurlandi varðandi Sólheima í
Grímsnesi. Kirkjuþing lætur í ljós vonbrigði vegna þeirra deilna sem þar em uppi og hvetur
til þess að lausn verði fundin og að hagsmunir fatlaðra íbúa byggðahverfisins séu ávallt
hafðir að leiðarljósi. Kirkjuþing mælist til þess að Kirkjuráð fýlgi eftir samþykkt Prestastefnu
2002 varðandi endurskoðun skipulagsskrár Sólheima. Kirkjuþing telur æskilegt að aðild
31