Peningamál - 01.05.2002, Page 12

PENINGAMÁL 2002/2 11
Seðlabankinn hefur nú í fyrsta sinn kannað álit sér-
fræðinga á fjármálamarkaði á horfum í efnahagsmál-
um. Könnunin var send til sex fyrirtækja sem birta
greiningu sína á efnahagsmálum: Búnaðarbanka
Íslands, Gjaldeyrismála, Íslandsbanka, Kaupþings
banka, Landsbanka Íslands og Sparisjóðs Reykjavíkur
og nágrennis (SPRON). Er ætlunin að sambærileg
könnun verði gerð reglulega í tengslum við útgáfu
Peningamála.
Meðfylgjandi tafla sýnir niðurstöður könnunar-
innar. Fyrst sýnir taflan mat greinenda á verðbólgu-
horfum fyrir þetta og næsta ár. Eins og sjá má eru spár
þeirra mjög samhljóma nýrri spá Seðlabankans. Þó
virðist sem sérfræðingar á fjármálamarkaði telji sumir
að 2½% verðbólgumarkmiði bankans verði ekki náð
fyrir árslok 2003.
Í könnuninni kemur fram að sérfræðingar á fjár-
málamarkaði telja að hagvöxtur þessa og næsta árs
verði nokkuð í takt við nýlega spá Þjóðhagsstofnunar.
Einnig kemur fram að sérfræðingarnir virðast bjart-
sýnir á að styrking krónunnar að undanförnu sé við-
varandi. Að meðaltali er ekki búist við meiri styrkingu
næstu tvö árin. Hins vegar var mat þeirra nokkuð mis-
munandi og töldu nokkrir að krónan myndi veikjast til
næstu tveggja ára á meðan aðrir töldu áframhaldandi
styrkingu líklega.
Greinendur telja jafnframt að Seðlabankinn haldi
áfram að lækka vexti á þessu ári og að stýrivextir hans
verði orðnir um 8% í árslok. Hins vegar virðast þeir
ekki telja að vextir muni lækka mikið á næsta ári og að
meðaltali gera þeir ráð fyrir að stýrivextir verði um
7,7% í lok næsta árs, sem er nokkuð umfram 5½-6½%
vexti sem líklega geta samrýmst hlutlausri stöðu
peningastefnunnar, sbr. umfjöllun í rammagrein 5.
Sumir greiningaraðilar töldu jafnvel að stýrivextir
bankans færu að hækka aftur á næsta ári eftir lækkun á
þessu ári.
Langtímavextir koma einnig til með að lækka eitt-
hvað á næstu tveimur árum samkvæmt spám grein-
enda. Langtímanafnvextir verða komnir niður í tæp-
lega 8% í lok þessa árs og munu þeir haldast þar út
næsta ár. Langtímaraunvextir munu einnig lækka eitt-
hvað og verða komnir í um 5% í lok þessa árs og munu
þeir haldast þar út næsta ár samkvæmt spám
greiningaraðila. Verðbólguálag verðtryggðra ríkisbréfa
verður því tæplega 3% í lok þessa og næsta árs, sem
Rammi 3 Könnun á mati greiningaraðila á horfum í efnahagsmálum
Yfirlit yfir spár sérfræðinga á fjármálamarkaði
Meðaltal Hæsta gildi Lægsta gildi Meðaltal Hæsta gildi Lægsta gildi
2002 2003
Verðbólga (yfir árið) ............................................. 2,7 3,3 2,2 2,7 3,0 2,1
Verðbólga (milli ársmeðaltala) ............................. 5,4 6,0 5,0 3,0 3,7 2,5
Hagvöxtur ............................................................. -0,4 0,1 -1,0 2,0 2,6 0,8
Eitt ár fram í tímann Tvö ár fram í tímann
Gengisvísitala erlends gjaldmiðils......................... 133,3 138,0 126,0 132,5 138,0 123,8
Stýrivextir Seðlabankans ...................................... 8,0 8,5 7,6 7,7 9,5 6,1
Langtímanafnvextir .............................................. 7,9 8,4 7,5 7,9 8,8 7,2
Langtímaraunvextir .............................................. 5,1 5,2 4,8 5,0 5,5 4,5
Úrvalsvísitala Aðallista ......................................... 7,7 18,0 -15,0 19,4 36,1 12,6
Breyting fasteignaverðs ........................................ 1,8 5,0 -2,0 0,7 9,0 -4,0
Taflan sýnir prósentubreytingar, nema fyrir vexti (prósentustig) og gengisvísitölu erlendra gjaldmiðla (vísitölustig). Þátttakendur í könnuninni eru
greiningardeildir Búnaðarbanka Íslands, Gjaldeyrismála, Íslandsbanka, Kaupþings, Landsbanka Íslands og SPRON. Heimild: Seðlabanki Íslands.