Peningamál - 01.05.2002, Blaðsíða 35
34 PENINGAMÁL 2002/2
Seðlabankar hafa víðast hvar haldið að sér höndum
Vaxtamunur milli Íslands og útlanda, mældur í þróun
þriggja mánaða ríkisvíxla hefur lækkað nokkuð frá
lokum janúar. Þá var vaxtamunurinn 6,8 prósentur en
í lok apríl var hann 6 prósentur. Meginástæða lækk-
unar var lækkun íslensku víxlanna sem lækkuðu úr
9,84% í 9,13%, en erlendu víxlarnir hækkuðu þó
lítillega. Fyrir utan seðlabanka Svíþjóðar, Kanada og
Nýja-Sjálands hafa seðlabankar um allan heim haldið
að sér höndum í vaxtabreytingum. Sænski seðla-
bankinn hækkaði stýrivexti sína um 0,25 prósentur í
4% hinn 19. mars og daginn eftir hækkaði seðlabanki
Nýja-Sjálands vexti sína jafnmikið en stýrivextir þar
eru nú 5%. Seðlabanki Svíþjóðar hækkaði síðan aftur
vexti hinn 26 apríl um 0,25 prósentur. Kanadíski
seðlabankinn hækkaði stýrivexti sína um 0,25
prósentur 16. apríl og eru þeir nú 2¼%.
Skuldabréfamarkaðurinn er enn við sama heygarðs-
hornið ...
Viðskipti á skuldabréfamarkaði voru sveiflukennd á
tímabilinu frá lokum janúar til loka apríl en námu að
meðaltali nærri tveimur milljörðum króna á dag.
Dregið hefur úr útgáfu húsbréfa vegna minni eftir-
spurnar á markaði en verð hefur lítið breyst vegna
þessa. Ætla má að betra jafnvægi verði á framboði
langtímaskuldabréfa á næstunni af þessum sökum.
Hugsanlegt er að breytingar á reglum Seðlabankans
um hæfi bréfa í endurhverfum viðskiptum kunni að
leiða til stækkunar eða sameiningar á útgáfu þeirra
stofnana sem hafa lánshæfismat yfir þeim mörkum
sem þar er miðað við.
... og viðskipti á hlutabréfamarkaði hafa verið stöðug
og lífleg
Veruleg umskipti hafa orðið á hlutabréfamarkaði.
Verð hefur verið nokkuð stöðugt og úrvalsvísitalan
hefur um skeið legið nærri gildinu 1.300 sem er
u.þ.b. 12% hækkun frá árslokagildi vísitölunnar árið
2001 og rúmlega 30% hækkun frá lágmarkinu í ágúst
á síðasta ári. Ljóst er að breytingar á skattalögum
hafa haft veruleg áhrif á afkomu íslenskra fyrirtækja
og þær ásamt heimild til afnáms verðbólgureiknings-
skila eiga eftir að hafa frekari áhrif á þessu ári. Útlit-
ið virðist allgott í útflutningsgreinum en síðra í þjón-
ustu og verslun. Breyting á lögum gerir íslenskum
fyrirtækjum kleift að færa ársreikninga sína í erlend-
um gjaldmiðlum. Nokkur fyrirtæki sem hafa veru-
legan hluta tekna og kostnaðar erlendis, hafa lýst því
yfir að þau hyggist nýta sér þessa heimild. Mynd 7
sýnir þróun úrvalsvísitölu hlutabréfa á VÞÍ frá ára-
mótum.
Janúar | Febrúar | Mars | Apríl
0
1
2
3
4
5
6
7
8
9
10
Ma.kr.
Daglán Vaxtafærð daglán
Daglán og daglán vegna uppgjörs í
greiðslukerfum 3. janúar - 30. apríl 2002
Mynd 6
Heimild: Seðlabanki Íslands.
Janúar | Febrúar | Mars | Apríl
1.100
1.150
1.200
1.250
1.300
1.350
31.des.1997=1.000
Mynd 7
Þróun úrvalsvísitölu VÞÍ frá áramótum 2002
(dagleg gildi)
Heimild: Seðlabanki Íslands.