Peningamál - 01.05.2002, Side 52

þjóðir einnig vera farnar að sýna þeim áhuga. Önnur
lántaka er einnig að miklu leyti erlend og í árslok
2001 var rétt innan við 50% af fjármögnun innláns-
stofnana aflað erlendis frá, samanborið við um 20%
árið 1995.
Vinna við þróun greiðslukerfa er komin vel á veg …
Þann 12. júní 2001 birti Alþjóðagjaldeyrissjóðurinn
(IMF) niðurstöður úttektar sinnar á stöðugleika
íslenska fjármálakerfisins (FSSA, Financial System
Stability Assessment). Meðal annars var þar metið
hvort íslensk greiðslukerfi uppfylltu svonefndar
kjarnareglur Alþjóðagreiðslubankans (BIS). Þessar
reglur kveða á um öryggi, gagnsæi og hagkvæmni í
rekstri greiðslukerfa. Niðurstöður úttektarinnar voru
í stórum dráttum þær að verulega skorti á að
greiðslukerfi hér á landi uppfylltu kröfurnar. Til
dæmis þótti ábótavant að ekki voru gerðar skýrar
kröfur um áhættugreiningu, áhættustýringu og
uppgjörstryggingar. Þá þegar stóð yfir umfangsmikil
vinna sem miðaði að því að færa fyrirkomulag
íslenskra greiðslukerfa í alþjóðlega viðurkennt horf.
Í samvinnu við lánastofnanir, Reiknistofu
bankanna (RB) og Fjölgreiðslumiðlun hf. mótaði
Seðlabankinn á síðasta ári tillögur um leiðir til úrbóta
í þessum efnum og náðist samstaða um tillögurnar í
lok ársins. Var þá hafin vinna við að hrinda þeim í
framkvæmd. Breytingarnar ná bæði til stórgreiðslu-
kerfis Seðlabanka Íslands og jöfnunarkerfis Fjöl-
greiðslumiðlunar hf. Af hálfu RB er nú unnið að því
að gera nauðsynlegar breytingar á hugbúnaðarkerf-
um. Breytingarnar munu hafa í för með sér nýjar
kröfur til lánastofnana um áhættustýringu og upp-
gjörstryggingar. Stefnt er að því að fullu samræmi
við kjarnareglurnar verði náð um mitt næsta ár.
… og hafin er endurskoðun á tilhögun uppgjörs
vegna verðbréfaviðskipta
Af hálfu Seðlabanka Íslands, Verðbréfaþings Íslands
hf. og Verðbréfaskráningar Íslands hf. er nú í undir-
búningi endurskoðun á umgjörð, eðli og fyrirkomu-
lagi uppgjörs vegna verðbréfaviðskipta. Skilgreina
má verðbréfauppgjörskerfi (e. securities settlement
system) sem kerfi um staðfestingu viðskiptaskilmála
vegna verðbréfaviðskipta (e. confirmation), ákvörð-
un skyldna og réttinda sem leiðir af verðbréfa-
viðskiptum (e. clearance), endanlega afhendingu
seljanda á verðbréfum til kaupanda (e. delivery) og
greiðslu kaupanda á fjármunum til seljanda (e. pay-
ment). Stefnt er að því að endurskoðuninni verði
lokið næstkomandi haust.
PENINGAMÁL 2002/2 51