Múlaþing: byggðasögurit Austurlands - 01.01.1992, Side 30

28
MÚLAÞING
1863 en síðar bjó hann á Langhúsum í Fljótsdal. Eitthvað mun hann
hafa unnið með hestaverkfærum eftir að hann hóf búskap. Hann flutti
síðar vestur um haf. Faðir hans var sr. Pétur Jónsson í Berufirði og síðar
á Valþjófsstað.
Fjórði ungi maðurinn, sem fór til búnaðarnáms var Björn Asbjörnsson
frá Einarsstöðum í Vopnafirði. Hann fór til námsins vorið 1853, kom
aftur næsta sumar og vann næstu árin með jarðyrkjuverkfærum hjá
bændum í sveitinni. Þess má geta hér að Búnaðarfélag Vopnafjarðar var
stofnað 22. apríl 1850 og er talið að jarðrækt hafi aukist mikið í Vopna-
firði eftir stofnun félagsins. En Björn Asbjörnsson gerðist síðar bóndi á
Ljótsstöðum í Vopnafirði og mun hafa tekið unga menn til jarðyrkju-
náms þar. Böm Björns fóru vestur um haf.
Á fundi, sem haldinn var að Þinghöfða við Krakalæk í Tungu árið
1856 er þess getið að jarðyrkjuverkfærum sé að fjölga á Austurlandi.
Mun það hafa orðið eftir 1850. Greint er frá þessu í fundargerðinni.
Og þá er komið að öðrum og samstæðari hópi búfræðinga, þeim sem
fóru til náms að Stend í Noregi. Mun Jón Sigurðsson hafa haft hönd í
bagga með að útvega þeim skólavist þar eins og áður er getið.
Fyrstur þeirra var Sveinn Sveinsson
frá Brekkuborg í Mjóafirði, f. 21. janúar
1849. Faðir hans var Sveinn Sigurðsson
en móðir Sigríður Benediktsdóttir og
voru þau frumbyggjar í Brekkuþorpi,
byggðu hús sitt þar árið 1865. Nefndist
það síðar Borgareyri. Sveinn Sveinsson
fór til náms í Stend árið 1868 og út-
skrifaðist þaðan árið 1870. Hann var
auk þess á búnaðarháskóla í Danmörku
árið 1879-1881 og sigldi oftar en einu
sinni til að kynna sér sandgræðslu,
mjólkuriðnað, fjárrækt og fleira. Hann
ritaði um fjölmargt, sem örugglega
mátti koma að gagni fyrir íslenskan
landbúnað. Hann varð skólastjóri búnaðarskólans á Hvanneyri, þegar
hann tók til starfa haustið 1889. Sveinn lést 4. maí 1892. Hann virðist
hafa verið mikill sóknarmaður í þekkingu og hvaðeina sem að gagni
mátti koma við búskap og horfði til heilla landi og þjóð. Má telja mik-
inn skaða að hans skyldi ekki njóta lengur við.
Næst er þess að geta að fjórir ungir menn tóku sig upp árið 1875 og
Sveinn Sveinsson.