Múlaþing: byggðasögurit Austurlands - 01.01.1992, Side 177

MÚLAÞING
175
orðið á Jöklu í frosta- og dalgoluvetrum, og er þá hægt að aka bílum
langs og þvers um ána. Ana leggur síðast þar sem straumbönd eru mikil
og þar er ís oft ótryggur. Líka þarf að gæta varúðar þar sem þverár falla
í hana.
Jökla er ein af þeim ám sem þjóðtrúin segir um að þar eigi 20 menn í
að farast. Fullvíst má telja að hún sé komin langt yfir markið. Hér verð-
ur sagt frá þeim sem sennilega voru Hlíðarmenn eða þeim sem fóru úr
Hlíð austur yfir ána - og ennfremur síðasta slysinu.
A seinni hluta 16. aldar var Bjöm Gunnarsson á Burstarfelli sýslu-
maður í Múlaþingi. Hann drukknaði af ferju á leið yfir ósinn á Jökulsá,
skammt frá Kirkjubæ, segja annálar. Trúlega hefur hann verið á leið í
Kirkjubæ, komið austur Hellisheiði og ætlað að spara sér krókinn inn á
brúna undan Fossvöllum. Lík Bjöms fannst ekki. Þetta er eina dauða-
slysið sem vitað er um af ferju yfir ósinn.
I Hestannál segir svo við árið 1697: Maður drukknaði í Jökulsá á Brú.
Ekki er sagt hvar sá maður drukknaði.
A síðari hluta 18. aldar fórst í Jökulsá Þórey Bergþórsdóttir frá Torfa-
stöðum, ógift og bamlaus, segir í Ættum Austfirðinga nr. 10286. Þórey
og Björg kona Hjörleifs sterka frá Höfn voru bræðradætur.
Ein furðulegasta þjóðsagan í sögum Sigfúsar Sigfússonar heitir: Förin
með moldinni í. Þar segir frá ekkju sem fer yfir Jökulsá með börnum
sínum. Hún hefur verið tvígift og misst menn síða báða í ána. Guðrún
dóttir Sigurðar Svarta-Hallssonar fer yfir ána á sama stað nokkru síðar.
Sér hún þá mannsför í klakanum í miðjan legg á dýpt. Förin voru fyrst
eins og eftir mann á hnjánunt og mold í þeim. Þau smáminnkuðu er
austar dró og urðu þar að venjulegum mannsförum. Þar tók sig upp önn-
ur slóð og lá samhliða austur Ey. Hafði sinn hestur rakið hvor manns-
förin austur á árbakkann, en þar hurfu þau.
Annar maður ekkjunnar hafði farist undan Hrafnabjörgum, en hinn
nærri þessum slóðum. Hvorugur hafði fundist.
Þessi þjóðsaga segir trúlega þann sannleika að um þetta leyti eða fyrir
miðja 19. öld hafi tveir menn farist í ánni.
Sigurður Sigurðsson drukknaði í Jökulsá 15. des. 1853. Bróðir hans,
Jón Sigurðsson síðar bóndi í Bakkagerði bjó um tíma á Hrafnabjörgum.
Sú saga er enn lifandi í Hlíðinni að Sigurður hafi drekkt sér í Jöklu. Það
var út af Arnarmel skammt utan við Laxárós sem hann fór í ána. A meln-
um fundust vettlingar hans og húfa. Sagt er að hann hafi verið veill á
geði. Lík hans fannst og var jarðsett 26. apríl 1854. (Æ. Au. nr. 918) Frá
Jóni Sigurðssyni segir margt í æviminningum Guðmundar frá Húsey.