Jón á Bægisá - 01.12.2001, Page 70

Jón á Bægisá - 01.12.2001, Page 70
Gabríel García Marquez Ljósið er eins og vatnið Um jólin báðu drengirnir aftur um árabát. „Segjum það,“ sagði faðirinn, „við kaupum hann þegar við komum aftur til Kartagenu." Tótó, níu ára, og Jóel, sjö ára, voru stefnufastari en foreldrar þeirra ætluðu. „Nei,“ sögðu þeir einum rómi, „við þörfnumst hans hér og nú.“ „í fyrsta lagi,“ sagði móðirin, „þá er hér ekki annað vatn að hafa til að sigla á en það sem kemur úr hananum á steypibaðinu." Þarna hafði hún og bóndi hennar rétt fyrir sér. í húsi þeirra í Karta- genu í Vestur-Indíum var húsagarður með bryggju við flóann og skýli fyr- ir tvær stórar lystisnekkjur. En hér í Madrid bjuggu þau aftur á móti við mikil þrengsli á fimmtu hæð í húsi númer 47 við Kastilíustræti. En að lokum gat þó hvorugt þeirra staðið gegn þessu, því þau höfðu lofað drengjunum árabáti með sextanti og áttavita, ef þeir ynnu til verðlauna í þriðja bekk barnaskólans, sem þeir og gerðu. Og því keypti faðir þeirra allt saman og sagði konu sinni ekki frá því, en hún var ófúsari en hann að eyða peningum í óþarfa. Það var dýrindisbátur úr áli með gylltri rönd eftir sjólínunni. „Báturinn er í bílskúrnum," upplýsti faðirinn við morgunverðarborð- ið. „Vandinn er sá að hvorki er hægt að koma honum upp í lyftunni né stiganum og í bílskúrnum er ekki pláss að hafa.“ Samt sem áður gerðist það síðdegis næsta laugardag að drengirnir kölluðu til skólafólaga sína svo koma mætti bátnum upp stigana og þeim tókst að koma honum alla leið inn í vinnukonuherbergið. „Til hamingju," sagði faðir þeirra. „Og hvað nú?“ „Ekkert nú,“ sögðu drengirnir. „Það eina sem okkur langaði til var að hafa bátinn inni í herberginu og nú er hann þar.“ Á miðvikudagskvöld, eins og öll miðvikudagskvöld, fóru foreldrarnir í bíó. Drengimir, sem nú voru herrar og forsvarsmenn hússins, lokuðu dyrum og gluggum og brutu ljósaperu sem logaði á í einum af lömpum 68 á — TÍMARIT ÞÝÐENDA NR. 6 / 2001

x

Jón á Bægisá

Direct Links

If you want to link to this newspaper/magazine, please use these links:

Link to this newspaper/magazine: Jón á Bægisá
https://timarit.is/publication/1166

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.