Jón á Bægisá - 01.12.2001, Qupperneq 81

íslensklr höfundar og þýðendur
Pjetur Hafstein Lárusson (í gálganum bls. 27, Óskatréð bls. 38, Þraut
bls. 44) fæddur í Vestmannaeyjum 1952. Ljóðskáld, fæst einnig við smá-
sagnagerð og hafa nokkrar sögur eftir hann birst í Lesbók Morgunblaðs-
ins, Ríkisútvarpinu og Útvarpi Suðurlands. Auk frumortra ljóðabóka
hefur hann sent frá sér tvær bækur með þýðingum á sænskum ljóðum.
Pjetur er búsettur í Hveragerði
Sigurður A. Magnússon (Fróðleiksmolar um Georgíu bls. 11) rithöfund-
ur, fæddist 1928. Hann hefur þýtt úr ensku, grísku og þýsku; einnig úr
íslensku á ensku. Nýjasta bók hans er Á hnífsins egg (2001).
Stefán Sigurkarlsson (Ljósið er eins og vatnið bls. 68, Tússteikningin
bls. 71) fæddist í Reykjavík 1930, lauk stúdentsprófi í MR 1949 og prófi
í lyfjafræði í Danmörku 1957. Hann starfaði um skeið sem lyfjafræðing-
ur og stundakennari við MR en var síðan lyfsali á nokkrum stöðum.
Hann hefur stundað nám í myndlist og sent frá sér þrjár frumsamdar
bækur, tvö ljóðasöfn og eitt smásagnasafn.
Stefán Snævarr (Þunglyndi bls. 58) fæddist 1953. Hann er dósent í
heimspeki við svæðisháskólann í Lillehammer. Hann hefur gefið út sjö
ljóðabækur á íslensku og eitt heimspekirit á ensku.
á- — ELEPTER DJÁKNI VAR MEIRA FYRIR SOPANN EN SÁLINA
79