Tímarit hjúkrunarfræðinga - 01.02.2010, Qupperneq 16

Tímarit hjúkrunarfræ›inga – 1. tbl. 86. árg. 201012
Anna Sigríður brautskráðist frá hjúkrunar­
fræðideild Háskóla Íslands árið 1988
og hefur starfað við hjúkrun síðan, utan
barnseignarleyfa.
„Ég byrjaði á hjartadeildinni á Borgar­
spítalanum eftir útskrift og fór svo á
öldrunardeildina þar. Eftir barnseignarfrí
var ég á geðdeildinni á Sjúkrahúsi
Reykjavíkur og var þar í tvö ár. Var í
framhaldinu deildarstjóri á hjartadeildinni
í Fossvogi eða þar til hún var sameinuð
hjartadeild á Hringbraut. Eftir það var
ég deildarstjóri á hágæsludeild en eftir
að hún var lögð niður hafði ég viðkomu
á lungna­ og svefnrannsóknardeild. Ég
byrjaði að vinna á Kleppi í ágúst 2005,
var fyrst í afleysingum sem deildarstjóri og
síðar ráðin í stöðuna,“ segir Anna Sigríður.
Renndi fyrir pennaveskið
Jafnhliða starfinu hefur Anna Sigríður í
tímans rás ávallt reynt að bæta við sig
menntun og þekkingu sem nýst getur í
starfi.
„Þegar ég vann á geðdeild Sjúkra­
húss Reykjavíkur fór ég í nám í Endur­
Sigurður Bogi Sævarsson, sigbogi@simnet.is
LÆRUM MIKIÐ HVERT AF ÖÐRU
segir Anna Sigríður Þórðardóttir deildarstjóri og EMPH-nemi
menntun Háskóla Íslands í stjórnun
og rekstri heilbrigðisstofnana. Eftir
að hágæsludeildin var lögð niður og
ég aftur komin í hlutverk almenns
hjúkrunarfræðings hóf ég diplómanám
í hjúkrun fullorðinna og stefndi á
meistaranám í stjórnun í hjúkrunardeild
HÍ. Ég færði mig svo yfir í diplómanám í
hjúkrunarstjórnun og útskrifaðist í janúar
2008. Þá renndi ég fyrir pennaveskið og
tilkynnti sjálfri mér og öllum öðrum að nú
væri ég hætt þessu. Sú yfirlýsing varð
fljótt að engu því í maí sama ár var ég svo
búin að skrá mig til náms í Háskólanum í
Reykjavík og sé ekki eftir því.“
Þroski hæfileikana sjálfur
Tvö ár eru síðan Háskólinn í Reykjavík
setti á laggirnar svonefnt EMPH (Executive
Master of Public Health) nám í lýðheilsu
og stjórnun. Námið er tvö ár og er afar
víðtækt. „Í raun og veru er farið yfir allt frá
faraldursfræði og rannsóknaraðferðum að
öllum þáttum stjórnunar, eins og mann­
auðs­, fjármála­ og breytingastjórnun. Það
er mikil áhersla lögð á að maður sjálfur
taki þátt og þroski hæfileika sína sem
stjórnandi,“ segir Anna Sigríður.
Í EMPH­náminu er Háskólinn í Reykjavík í
samstarfi við Columbia­háskóla í Banda­
ríkjunum, McGill­háskólann og Mayo
Clinic hvað varðar skipulag námsins
og koma margir kennarar frá þessum
stofnunum. Í fyrstnefnda skólanum hefur
raunar verið boðið upp á EMPH­nám
síðastliðin tuttugu ár og er námstilhögun
þar höfð sem fyrirmynd í HR.
„Þó lýðheilsa sé ung fræðigrein hefur
heilbrigðisþjónustan á Íslandi auð vitað
stuðlað að bættri lýðheilsu um langa hríð. Til
dæmis var stofnun heilsuverndarstöðvarinnar
í Reykjavík, laust fyrir 1960, gífurlegt
framfaraskref á sviði lýðheilsu. Lýðheilsustöð
í þeirri mynd, sem hún er nú, er ung stofnun
en vinnur mjög merkilegt starf á sviði fræðslu
og forvarna. Á einhvern máta höfum við
frætt kynslóðir mann fram af manni en núna
er það gert með betra og samræmdara
skipulagi. Lýðheilsa fjallar í raun um að bæta
heilbrigði, lengja líf og bæta almenna líðan
fólks í víðum skilningi. Þróunin í þessum
efnum hefur verið mjög áhugaverð.“
Anna Sigríður Þórðardóttir starfar sem deildarstjóri
á Kleppi. Jafnhliða starfinu stundar hún námið
þar sem mikil áhersla er lögð á samvinnu og
teymisvinnu.
„Hjúkrun, eins og aðrar vísindagreinar, taka
jafnan gagnreyndum breytingum. Fagið er
lifandi og fylgir þeim breytingum sem verða
á samfélaginu. Það er slæmt að botnfrjósa
og ávísun á stöðnun,“ segir Anna Sigríður
Þórðardóttir, hjúkrunarfræðingur og deildarstjóri
á Landspítalanum á Kleppi. Hún er ein fjölmargra
hjúkrunarfræðinga sem á undanförnum árum
hafa vent sínu kvæði í kross og farið í nám til
að auka faglega þekkingu en ekki síður auka
persónulega færni. Þetta segir hún hafa gert sér
ákaflega gott. „Því er ég þess mjög hvetjandi að
hjúkrunarfræðingar afli sér aukinnar menntunar,
hver sem hún er,“ segir hún.