Tímarit hjúkrunarfræðinga - 01.04.2011, Page 18
Tímarit hjúkrunarfræ›inga – 2. tbl. 87. árg. 201114
Nálaskiptiþjónusta, sem miðar að því að draga úr þeim skaða sem sprautunotkun fíkla veldur
þeim sjálfum ásamt samfélaginu í heild, hefur víða gefið góða raun. Á Íslandi er áætlað að
sprautunotendur séu um 700 talsins og að um 300 þeirra séu smitaðir af lifrarbólgu C.
Hingað til hefur HIVsmit ekki náð að breiðast út í þennan hóp en nú virðist vera breyting þar
á. Jafnvel þó að HIVsmit hafi enn ekki náð mikilli útbreiðslu á meðal vímuefnaneytenda sem
sprauta sig er mikilvægt að koma á samfélagsmiðuðu forvarnarstarfi. Slíkt getur takmarkað
frekari útbreiðslu smits verulega þó að lítið sé um smit hérlendis enn sem komið er.
Helga Sif Friðjónsdóttir, Jóna Sigríður Gunnarsdóttir og Rúna Guðmundsdóttir, helgasif@hi.is
NÁLASKIPTIÞJÓNUSTA MINNKAR
SKAÐA VEGNA NEYSLU
Erfitt er að uppræta fíkniefnanotkun en nauðsynlegt að takmarka
hliðarverkanir hennar. Síðan haustið 2009 er í Reykjavík dreift nálum
og sprautum til fíkla sem sprauta sig í æð. Þetta verkefni borgar sig
væntanlega fyrir samfélagið ef tekst að koma í veg fyrir að menn smitist
af HIV eða Clifrarbólguveirunni. Hér er sagt frá reynslunni af slíku starfi
í öðrum löndum og rannsóknum í þessum efnum.
Dr. Helga Sif Friðjónsdóttir er
lektor við hjúkrunarfræðideild HÍ og
hjúkrunarfræðingur á göngudeild
fíknimeðferðar á Landspítala.
Jóna Sigríður Gunnarsdóttir er
hjúkrunarfræðingur á göngudeild
fíknimeðferðar á Landspítala.
Rúna Guðmundsdóttir er
hjúkrunarfræðingur á slysa
og bráðadeild á Landspítala.
Hjólhýsið sem notað hefur verið við nálaskiptiþjónustu.