Tímarit hjúkrunarfræðinga - 01.04.2011, Qupperneq 28

Tímarit hjúkrunarfræ›inga – 2. tbl. 87. árg. 201124
Valgerður Jónsdóttir, ugla@internet.is
Minningavinna er ný aðferð í öldrunar­
þjónustu. Hér er sagt frá nýrri bók á
íslensku en í bókinni er aðferðin útskýrð
og ýmsir sögulegir atburðir rifjaðir upp.
Árið 2009 gaf Bókaútgáfan Salka út
bókina Þegar amma var ung. Höfundur
er Sigrún Huld Þorgrímsdóttir hjúkrunar­
fræðingur. Hún vann að gerð þessarar
bókar í framhaldi af meistaraverkefni sínu.
Þetta er handbók fyrir fólk sem vinnur
að minningavinnu með öldruðu fólki.
Höfundur ræðir í upphafi bókar um
það hvað minningavinna er. Orðið
minningavinna er þýðing höfundar á
orðinu reminiscence. Þetta hugtak er
notað þegar rifjaðar eru upp minningar
og er aðferð þessi einkum notuð til að
bæta líðan fólks.
Þegar amma var ung. Mannlíf og
atburðir á Íslandi 1925­1955. Höfundur:
Sigrún Huld Þorgrímsdóttir. Útgefandi:
Salka, Reykjavík, 2009. ISBN: 978­
9979­650­95­9. Bókin er 192 bls.
Höfundur segir í formála að minninga­
vinna sé starf sem unnið er með
skjólstæðingum í hópum, svokölluðum
minningahópum, og er oftast notuð í
félags­ eða heilbrigðisþjónustu. Þessi
aðferð hefur ekki verið notuð lengi á
Íslandi en um miðja 20. öld var sú
skoðun ríkjandi í öldrunarþjónustu í
Bandaríkjunum að hún gæti jafnvel verið
skaðleg og stæði í vegi fyrir því að aldrað
fólk gæti aðlagast aðstæðum sínum.
Það þurfti því áræði til að berjast gegn
þessum fordómum og segja að slík vinna
gæti jafnvel haft aðlögunargildi, en þetta
gerði bandaríski geðlæknirinn Robert
Butler í grein sem birtist í tímaritinu
Psychiatry árið 1963. Eftir að greinin
birtist fór af stað minningavinna sem varð
að blómlegri starfsemi í öldrunarþjónustu
í Bandaríkjunum.
BÓKARKYNNING
ÞEGAR AMMA VAR UNG
Fróðleg, gagnleg og skemmtileg bók
Ráðstefna
um hugræna
atferlismeðferð
í Hörpu