Tímarit hjúkrunarfræðinga - 01.04.2011, Qupperneq 38

Tímarit hjúkrunarfræ›inga – 2. tbl. 87. árg. 201134
Formlegt stuðningsnet
Á 10 ára afmælisári Krafts var stuðnings­
net félagsins sett í formlegri farveg en áður
hafði verið. Í stað einstaka félagsmanns,
sem veitti stuðning, án þjálfunar eða
handleiðslu, var Gyða Eyjólfsdóttir
sálfræðingur ráðin í að byggja upp og
halda utan um stuðnings netið. Undanfarin
þrjú ár hafa 34 ein staklingar lokið sérstöku
námskeiði fyrir sjálfboðaliða sem vilja
veita stuðning. Þeir sem geta orðið
stuðningsfulltrúar þurfa að hafa greinst með
krabbamein eða vera aðstandendur þess
sem greindist. Miðað er við að liðin séu um
tvö ár síðan meðferð lauk. Sjálfboðaliðarnir
byrja á því að fylla út umsókn og ræða í
framhaldi af því við Gyðu þar sem farið
er yfir sögu þeirra, líðan þeirra, af hverju
þeir vilja verða sjálfboðaliðar, hvers krafist
verður af þeim og hvort þeir séu tilbúnir í
slíkt starf. Upplýsingarnar eru trúnaðarmál
og ef viðkomandi telst fær um að veita
stuðning þá fer hann á námskeið fyrir
stuðningsfulltrúa en þar er farið yfir ýmiss
konar efni sem viðkemur stuðningi (sjá
töflu 1).
JAFNINGJASTUÐNINGUR FYRIR
KRABBAMEINSSJÚKA OG AÐSTANDENDUR
SKIPTIR MÁLI – STUÐNINGSNET KRAFTS
Frá stofnun Krafts árið 1999 hefur félagið beitt sér fyrir jafningjastuðningi fyrir
krabbameinsgreinda og aðstandendur þeirra. Undanfarið ár hefur orðið tæplega
þreföldun á beiðnum um stuðning en sálfræðingur heldur utan um allar beiðnir,
þjálfun og handleiðslu stuðningsfulltrúanna. Þeir sem nýta sér þjónustuna eru
þakklátir og rannsóknir sýna að ávinningur af jafningjastuðningi getur verið
margvíslegur auk þess sem hann getur lengt lífdaga sjúklinga.
Gyða Eyjólfsdóttir, salarafl@gmail.com