Þjóðmál - 01.03.2012, Blaðsíða 11

10 Þjóðmál VOR 2012
Af vettvangi stjórnmálanna
_____________
Björn Bjarnason
Jóhanna ræður ekki við
meginmálin þrjú
I .
Stuðningsmenn Jóhönnu Sigurðardótt­ur innan Samfylkingarinnar segja að
ekki megi hrófla við henni eða ríkisstjórn
hennar fyrr en þremur meginmarkmiðum
stjórnarsamstarfsins sé náð: 1 . Samþykkt
hafi verið ný lög um stjórn fiskveiða . 2 .
Samin hafi verið ný stjórnarskrá . 3 . Samið
hafi verið um aðild að Evrópusambandinu .
Stundum er einnig minnst á nauðsyn þess að
ljúka rammaáætlun um nýtingu orkugjafa
sem árum saman hefur valdið togstreitu .
Hér verður ekki vikið að vandræðum vegna
áætlunarinnar .
Þegar ríkisstjórnin settist að völdum 1 .
febrúar 2009 einsetti hún sér að slá skjald­
borg um heimilin og sjá til þess að hin
sanngjarnasta leið yrði fundin til að bjarga
þeim sem best út úr rústum fjármálakerfisins
eftir hrun þess haustið 2008 . Sett hafa verið
lög með þetta markmið að leiðarljósi en
þau hafa verið því marki brennd að vekja
meiri deilur en þau áttu að leysa . Síðasta
skjól þingmanna ríkisstjórnarinnar, sem
staðið hafa lagasetningunni, er að vísa til
þess að leita þurfi til dómara til að fá úr efni
laganna skorið .
Ummæli af þessu tagi af hálfu ráðherra og
þingmanna staðfesta úrræðaleysi . Stjórn­
mála mennirnir setja sig í stellingar þeirra
sem þvo hendur sínar og vísa á niðurstöður
annarra, skorast með öðrum orðum undan
ábyrgð sinni . Aðferðirnar sem beitt er til að
skella skuldinni á aðra eru margar . Jóhanna
Sigurðardóttir velur sjálf þann kost að láta
helst ekki ná tali af sér eða neita að verða
við óskum um að hún láti ljós sitt skína á
mannamótum . Óánægju einstaklinga og
samtaka yfir þessu skeytingarleysi hennar
leyfir hún sér síðan að túlka á þann hátt að
um sé að ræða óskilgreinda þrá eftir að heyra
hana og sjá, fyrir það sé hún óumræðilega
þakklát .
Hér skal sú skoðun áréttuð að lélegri for­
sætisráðherra gátu Íslendingar ekki valið til
að takast á við vandann eftir hrunið en Jó­
hönnu Sigurðardóttur . Er þakkarvert að hún