Þjóðmál - 01.03.2012, Blaðsíða 51

50 Þjóðmál VOR 2012
og Vesturlanda um þessar mundir kalli á
friðarstefnu, á svipuðum forsendum og
hagsmunir Sovétríkjanna gerðu í raun
fyrir þremur áratugum . Friðsamleg utan­
ríkisstefna kemur þó eðlilega ekki í veg
fyrir að Paul vilji öflugar landvarnir og
skilvirkt landamæraeftirlit . Stefna hans í
utanríkis­ og varnarmálum hefur gert hann
að langvinsælasta frambjóðandanum meðal
bandarískra hermanna; þeir skynja að nú­
verandi stefna þjónar ekki bandarískum
hags munum og að róttækra breytinga sé
þörf .
Barátta Rons Paul gegn fyrirt ækja ­hyggju og herskárri utanríkis stefnu
tengist nánum böndum, enda lítur hann
svo á að óttablandin varnaðarorð í kveðju­
ræðu forsetans Dwights D . Eisenhower árið
1961 hafi því miður ræst, það er að segja
að samkrull ráðamanna, stórfyrirtækja og
her gagnaiðnaðar (e . military­industrial
complex) hafi færst verulega í aukana og
stefni Banda ríkjunum í miklar ógöngur;
að ákvarðanir slíkrar vafasamrar valdaelítu
séu líklegar til að ganga gegn hagsmunum
banda rísku þjóðarinnar og hins vestræna
heims .
Í umræðum um hernaðarátök hefur
Ron Paul einnig gagnrýnt harðlega hina
formlegu málsmeðferð; hann vill að
þingið taki ákvörðun um stríðsrekstur
eins og kveðið er á um í stjórnarskránni,
en framselji ekki vald sitt til forsetans og
framkvæmdavaldsins eins og raunin hefur
verið um skeið . Vísun í stjórnarskrána og
krafa um að henni sé fylgt er leiðarstef
í málflutningi Pauls, ásamt skírskotun í
afstöðu stofnfeðra Bandaríkjanna . Af þess­
um sökum hefur hann hlotið viður nefn­
ið kempa stjórnarskrárinnar (e . Champ­
ion of the Constitution) . Paul bendir á að
hugmyndir hans um frelsi einstaklinga og
friðsamleg samskipti þjóða séu einmitt þær
hugmyndir sem stofnfeðurnir töluðu fyrir
og sem stjórnarskráin byggist á . Eins og
íhaldsmanni sæmir setur hann hugmyndir
sínar í sögulegt samhengi og sýnir fram
á djúpar rætur þeirra í bandarískri
menningu .
En ekki þarf þó að leita aftur á 18 . og 19 .
öld til að finna hugmyndabræður og ­systur
kempu stjórnarskrárinnar . Hugmynda fræði
Rons Paul tilheyrir armi Repúblikana­
flokksins, sem var áberandi fyrir seinni
heims styrjöldina, en var vikið til hliðar af
valdaöflum sem voru fyrirrennarar þeirra
sósíaldemókratísku stríðsæstu nýíhalds­
manna sem nú ráða ríkjum í bland við
hálfheilaþvegið bókstafstrúarfólk . Armur­
inn hefur verið nefndur Gamla hægrið
(e . Old Right) og stefna hans einkennd­
ist af róttækri frjálshyggju og ein dreginni
friðarstefnu . Góður vinur Pauls, hag fræð­
ingurinn Murray Rothbard heitinn, fór í
fylkingarbrjósti þeirra sem vildu endurvekja
Gamla hægrið undir lok síðustu aldar .
Í því augnamiði voru hugtökin „paleo­
conservative“ og „paleo­libertarian“ búin
til, en paleo er latneskt orð sem merkir
gamall . Mikið af afbragðsfólki tilheyrði
Gamla hægrinu, þar á meðal Robert Taft,
Rose Wilder Lane, H . L . Mencken, Albert
Jay Nock, William Faulkner, Isabel Paterson
og Frank Chodorov . Sumir vilja meina að
hvorki fyrr né síðar hafi risið upp jafnöflug
og andrík hægri „intelligensía“ og Gamla
hægrið í Bandaríkjunum, en því miður
höguðu örlögin því svo til að hún vék fyrir
lágkúrunni sem nú drottnar í bandarískri
stjórnmálaumræðu — hæstu hæðir urðu
að djúpum dal . Vin í eyðimörkinni er þó
Ludwig von Mises­stofnunin, hugveita
sem Lew Rockwell stofnaði árið 1982,
en hún hefur verið gagnleg bækistöð fyrir
íhalds menn og frjálshyggjumenn af gamla
skólanum .
Rauður þráður í gegnum hugmynda­