Tímarit Máls og menningar - 30.03.2001, Side 8

Svíar eru að upplitast
Fólkinu í miðbænum stekkur ekki bros þegar ég
segist vera að kanna hvort Lína Langsokkur og Emil
í Kattholti séu komin með svartar krullur. Ég spyr
hvort það væri ekki allt í lagi þótt Lína Langsokkur
ætti ekki pabba sem væri sjóræningi í Suðurhöfum
heldur hreinlega innflytjandi frá Suðurhöfum. Og
væri svört. Ég segist vera að velta þessu fyrir mér
því þjóðin sé orðin svo skemmtilega litrík, hún hljóti
smátt og smátt að breyta um svip.
„Erki-Svíinn er ekkert að breytast,“ svarar
maðurinn sem er að fletta Aftonposten í bókabúð-
inni á Kóngsgötu. Hann lítur upp og nikkar afsakandi
til Línu sem glottir til okkar af ótal bókakápum og
veggspjöldum.
„Ertu viss?“ hugsa ég en kinka bara kolli.
Kannski hefur hann aldrei komið til Rinkeby.
Sænskar konur fæða sitt fyrsta barn 27,7 ára og
meðaltalið er 1,52 börn pr. konu sem er miklu minna
en áður, í byrjun 10. áratugarins var það 2,1 barn.
Margar innflytjendakonur koma frá samfélögum þar
G8126 tmm mars 22x27 Q.4.1 3/30/01 11:46 PM Page 8