Tímarit Máls og menningar - 30.03.2001, Síða 17

Sesselja G.Magnúsdóttir: Nútímadans, afsprengi borgarlífsmenningar bls. 17
Óður til vatnsins
Rui Horta er einn þekktasti danshöfundur Evrópu.
Hann hefur sett upp verk fyrir fjölda leikhúsa og
sýnt með sínum eigin dansflokki víða um heim.
Undanfarin ár hefur Horta kosið að vinna frekar með
litlum leikhúsum en stórum vegna þess að þar er að
hans mati meiri tími til þess að gefa sig að fullu í
hvert verk. Eins og er leggur hann meiri áherslu á
gæði sýninga en fjölda. Verk Rui Horta eru mjög
tæknilega útfærð og má sjá í þeim sterk áhrif frá
byggingarlist. Hann bendir á að tæknin sé eðlilegur
þáttur í lífi nútímamannsins, bæði í daglegum störf-
um og umhverfi hans, og að það séu arkitektar sem
skapi það landslag sem flestir lifa í, það er að segja
landslag borganna. Að hans sögn er líkaminn það
eina náttúrlega sem einstaklingurinn er í daglegum
G8126 tmm mars 22x27 Q.4.1 3/30/01 11:48 PM Page 17