Félagsbréf - 01.07.1962, Page 56

52
FÉLAGSBRÉF
um var Þorvaldur Skúlason kennari
minn. Ég held það hafi verið einhver
bezta skólun, sem ég hef fengið. Kurt
Zier kenndi teikningu. Loks fór ég á
Kunstakademíið í Kaupmannahöfn
haustið 1946.
— Hvað viltu segja þaðan?
— Ég var fyrst hjá Lundström, ein-
hverjum bezta málara Dana þá. Aðal-
lega lærði ég teikningu hjá honum. Svo
var ég hjá Iversen í tvo vetur. Ég var
alls fjóra vetur við Akademíið. Það
var fjöldinn allur af íslendingum við
myndlistarnám í Höfn á þessu tímabili.
Þegar ég kom heim frá Kaupmanna-
höfn var ég í vandræðum með vinnu-
pláss. Ég fór að vinna á eyrinni, það
var eftir mikið verkfall. Ég vann þar
í fjögur ár samfleytt, bar svona við að
mála. Eftir eyrarvinnuna fór ég til
Parísar og Ítalíu eins og fyrr segir.
Þegar ég kom heim þaðan tók ég að (
mála fyrir alvöru. Ég hafði komið mér
upp íbúðarskúr inni í Laugarnesi,
smíðaði hann sjálfur úr kössum og
fékk gamalt járnarusl hjá kunningja
mínum. Ég var tæplega ár að smíða
skúrinn og í honum hef ég búið síðan.