Bjartur og frú Emilía: tímarit um bókmenntir og leiklist - 01.01.1994, Síða 2

SAMKEPPNI
PÓSTKORT
SEM
BÓKMENNTAFORM
Ritnefnd TÍMARITSINS BJARTUR OG FRÚ EMILÍA hefur komist
að þeirri niðurstöðu að nú sé tímabært að halda nýja
bókmenntasamkeppni. Árið 1991 stóð tímaritið fyrir vali á
örverki ársins og voru undirtektir þá mjög góðar. í ár ber
samkeppnin yfirskriftina PÓSTKORTSEM BÓKMENNTAFORM.
Þátttakendur senda dómnefnd útgáfunnar póstkort
undirritað með dulnefni. Rétt nafn þarf að fylgja í lokuðu
umslagi. Dómnefnd lætur fyrst og fremst heillast af snjallri
orðræðu en einnig er mikilvægt að myndefni póstkortsins
falli að fáguðum smekk dómnefndarmanna. Kortin þurfa að
berast útgáfunni fyrir 15. ágúst 1994. Utanáskriftin er:
BJARTUR, PÓSTHÓLF447,121 REYKJAVÍK.
1. verðlaun helgarferð til PARÍSAR fyrir tvo auk 15.000 kn í
farareyri.
Ritnefnd tímaritsins áskilur sér rétt til að birta fjörutíu bestu
póstkortin í hausthefti BJARTS OG FRÚ EMILÍU.
BJARTUR