Morgunblaðið - 10.11.2015, Blaðsíða 12

12 FRÉTTIRInnlent
MORGUNBLAÐIÐ ÞRIÐJUDAGUR 10. NÓVEMBER 2015
Kristján H. Johannessen
khj@mbl.is
Loftslagsráðstefna Sameinuðu þjóð-
anna (SÞ) verður haldin í París, höf-
uðborg Frakklands, dagana 30. nóv-
ember til 11. desember, en miklar
væntingar eru gerðar til ráðstefn-
unnar. Er vonast til þess að þjóðir
heims undirriti nýjan rammasamn-
ing SÞ vegna loftslagsbreytinga og
ráðstefnan festi í sessi breytta hug-
myndafræði viðvíkjandi baráttunni
gegn hnattrænni hlýnun.
Búist er við að um 40 þúsund þátt-
takendur mæti á loftslagsráðstefn-
una og hefur Reykjavíkurborg í
hyggju að senda þangað 12 fulltrúa.
Samkvæmt upplýsingum frá borg-
inni eru það Dagur B. Eggertsson
borgarstjóri, S. Björn Blöndal, for-
maður borgarráðs, Sóley Tóm-
asdóttir, forseti borgarstjórnar, Pét-
ur Ólafsson, aðstoðarmaður
borgarstjóra, Ellý Katrín Guð-
mundsdóttir borgarritari, Ólöf Örv-
arsdóttir, sviðsstjóri umhverfis- og
skipulagssviðs, Hrönn Hrafnsdóttir,
sérfræðingur í loftslagsmálum, Hall-
dór Halldórsson, oddviti Sjálfstæð-
isflokksins, Guðfinna Jóhanna Guð-
mundsdóttir, oddviti Framsóknar og
flugvallarvina, Halldór Auðar Svans-
son, oddviti Pírata, Hjálmar Sveins-
son, borgarfulltrúi Samfylkingar, og
Hildur Sverrisdóttir, varaborg-
arfulltrúi Sjálfstæðisflokksins.
Munu þau sækja ráðstefnuna dag-
ana 2. til 6. desember, en kostnaður
á hvern fulltrúa vegna ferðarinnar
er 260.000 kr., eða samtals yfir 3,1
milljón kr.
Borgir gegna lykilhlutverki
„Reykjavíkurborg hefur mjög
metnaðarfull áform í þessum efnum
en á fundinum verður stór vett-
vangur sveitarstjórna sem láta sig
málefnið varða,“ segir m.a. í svari
borgarinnar við fyrirspurn Morgun-
blaðsins, en þar er einnig bent á að
borgir gegni „lykilhlutverki“ þegar
kemur að því að draga úr mengun og
losun gróðurhúsalofttegunda, en
fyrsta vika loftslagsráðstefnunnar
verður helguð sveitarfélögum.
Næstkomandi mánudag munu yfir
60 fyrirtæki skrifa undir yfirlýsingu
um loftslagsmál í Höfða, en með því
skuldbinda þau sig til að setja sér
markmið og fylgja þeim eftir með
aðgerðum sem miða að því að draga
úr losun gróðurhúsalofttegunda og
minnka um leið myndun úrgangs. Í
hópi þessara fyrirtækja má, sam-
kvæmt upplýsingum frá borginni,
finna flest stærstu fyrirtæki lands-
ins og stofnanir á borð við háskóla.
Verður yfirlýsing þessi lögð fram á
ráðstefnunni í París.
Þá hefur Reykjavíkurborg einnig
verið boðið að halda kynningu á
verkefninu „Torg í biðstöðu“ á TAP-
hluta ráðstefnunnar ásamt Malmö
og Bristol hinn 30. nóvember nk.
Samkvæmt upplýsingum frá borg-
inni eru Malmö og Bristol fram-
arlega á sviði umhverfismála og er
það því „mikill heiður fyrir Reykja-
víkurborg að fá tækifæri til að kynna
verkefni sín við hlið þeirra“, en Ólöf
Örvardóttir mun annast kynninguna
fyrir hönd Reykjavíkurborgar.
Komi aftur með þekkingu
Halldór Halldórsson, oddviti
Sjálfstæðisflokksins, segir mik-
ilvægt að tryggja góða dreifingu ís-
lensku fulltrúanna á þá fyrirlestra
sem í boði verða á ráðstefnunni í
París. „Ég á eftir að fara betur yfir
það hvernig ráðstefnan mun gagnast
Reykjavík mest, en ég tel mjög mik-
ilvægt að við komum til baka með
eins mikla þekkingu og mögulegt
er,“ segir hann.
AFP
Loftslagsmál Fjölmargir þjóðarleiðtogar munu mæta á ráðstefnuna en utanríkisráðherra Frakklands stýrir henni.
Miklar vonir bundnar
við fundinn í París
 Reykjavíkurborg sendir 12 fulltrúa á loftslagsráðstefnuna
Stjórn Björgunarbátasjóðs Vest-
fjarða, sem rekur björgunarskipið
Gunnar Friðriksson á Ísafirði, býð-
ur stjórnvöldum aðstoð, bæði
mannskap og skip, til þess að ná
upp flakinu af Jóni Hákoni BA.
„Óvissan sem fylgir því hvers
vegna gúmmíbjörgunarbátar blésu
ekki upp er ólíðandi en slíkir bátar
eru helsta öryggistæki sjómanna og
því mjög mikilvægt að fá botn í
hvernig á þessu stendur,“ segir í til-
kynningu frá stjórninni. Einnig
skorar stjórnin á stjórnvöld að bæta
fjarskipti austan við Straumnes og
austur fyrir Strandir. gudni@mbl.is
Ljósmynd/Jón Páll Jakobsson
Jón Hákon BA Báturinn sökk í júlí sl. Einn
fórst en þrír björguðust af kili bátsins.
Bjóða aðstoð við að
ná Jóni Hákoni upp
Styrkur gróðurhúsalofttegunda í
lofthjúpi jarðar náði enn á ný nýjum
hæðum í fyrra, en Alþjóðaveður-
fræðistofnunin (e. World Meteoro-
logical Organization) greindi í gær
frá niðurstöðum mælinga sinna á
styrk gróðurhúsalofttegunda í and-
rúmsloftinu fyrir árið 2014.
Kemur þar einkum fram að koltví-
sýringur er nú um 143% meiri en
fyrir iðnbyltingu, þ.e. áður en byrjað
var að dæla miklu magni af gróður-
húsalofttegundinni út í lofthjúpinn
með bruna á jarðefnaeldsneyti, en
styrkur hans er 397,7 hlutar af millj-
ón (ppm).
Greina frá meti á hverju ári
Michel Jarraud, forstöðumaður
Alþjóðaveðurfræðistofnunarinnar,
segir íbúa jarðar brátt koma til með
að „lifa við meðaltalsstyrk koltvísýr-
ings upp á rúmlega 400 ppm sem
varanlegan veruleika“, en svo hár
hefur styrkurinn ekki verið í millj-
ónir ára. Margir vísindamenn telja
styrk koltvísýrings þurfa að vera
nær 350 ppm til þess að forðast
hættulega hlýnun jarðar.
„Við greinum frá nýju meti í losun
gróðurhúsalofttegunda hvert ein-
asta ár,“ segir Jarraud í tilkynningu
sem birt er á heimasíðu stofnunar-
innar. „Ár hvert greinum við frá því
að tími okkar er að renna út. Við
verðum að bregðast við núna og
minnka losun gróðurhúsaloftteg-
unda eigum við að eiga færi á að ráða
við hækkandi hitastig.“
Í skýrslunni er einnig dregið fram
samband vatnsgufu, sem telst til
gróðurhúsalofttegunda, og koltví-
sýrings, en samhliða hækkandi hita-
stigi eykst vatnsgufa í lofthjúpnum.
„Hlýtt loft hefur að geyma meiri
raka og því mun aukið hitastig á
jörðu niðri, sem orsakast af koltví-
sýringi, leiða til aukinnar vatnsgufu
sem eykur enn á þær afleiðingar sem
fylgja gróðurhúsalofttegundum.“
„Við sjáum ekki koltvísýring.
Þetta er ósýnileg ógn en mjög raun-
veruleg. Hún þýðir hærra hitastig
jarðar, fleiri öfgakennd veðurfyrir-
brigði á borð við hitabylgjur og flóð,
bráðnun íss, hækkun sjávarborðs og
frekari súrnun sjávar. Þetta á sér
stað núna og við færumst nú á ógn-
vekjandi hraða inn á ókannað
svæði,“ segir Jarraud.
Horfum fram á
nýjan veruleika
 Styrkur gróðurhúsalofttegunda slær
öll met  Ósýnileg en raunveruleg ógn
Áframhaldandi hlýnun jarðar gæti,
samkvæmt nýrri skýrslu Alþjóða-
bankans (e. World Bank Group),
valdið fátækt hjá um 100 milljónum
manna um heim allan fyrir árið
2030.
Fréttaveita AFP greinir frá því
að haldi hlýnun jarðar áfram á þeim
hraða sem nú er, þ.e. fjögurra gráða
hækkun á meðalhitastigi í heim-
inum, muni hækkun yfirborðs sjáv-
ar hrifsa til sín landsvæði sem yfir
600 milljónir manna búa á. Er búist
við að svæði innan landamæra Kína
verði þá einna verst úti, en um 145
milljónir búa nú á hættusvæðum.
Undir lok þessa mánaðar hefst al-
þjóðleg ráðstefna um loftslagsmál,
svonefnd COP21, í París í Frakk-
landi. Í henni taka þátt fulltrúar 146
ríkja, en vonir standa til að samið
verði um lagalega bindandi alþjóð-
legan samning sem koma mun í veg
fyrir að meðalhitastig hækki um
meira en tvær gráður. Vísindamenn
vestanhafs benda hins vegar á að
slíkt sé e.t.v. ekki nóg og að heimili
280 milljóna manna séu í hættu
þrátt fyrir hugsanlegan samning.
AFP
Gríma Mikil loftmengun mælist nú í
Kína og þarf fólk að hylja vit sín.
Heimili 600 milljóna
manna sögð í hættu
Breyttu heimilinu með
gluggatjöldum frá okkur
Suðurlandsbraut 6 sími 553 9990 nutima@nutima.is www.nutima.is