Morgunblaðið - 10.11.2015, Qupperneq 17

FRÉTTIR 17Innlent
MORGUNBLAÐIÐ ÞRIÐJUDAGUR 10. NÓVEMBER 2015
„Þetta venst vel og er alltaf gaman þó að hvers-
dagurinn sé tekinn við,“ segir Guðmundur Fr.
Björgvinsson sem var valinn knapi ársins á
uppskeruhátíð hestamanna sem fór fram um
liðna helgi. Hann er knapi ársins í annað sinn á
þremur árum.
Þegar Morgunblaðið sló á þráðinn til hans í
gærmorgun var hann á fullu að temja trippin,
ungu hrossin, á Efri-Rauðalæk við Hellu þar sem
hann býr og rekur tamningastöð ásamt konu
sinni, Evu Dyröy, og ungum syni. Guðmundur
hefur átt góðu gengi að fagna á árinu og var
m.a. heimsmeistari í fjórgangi í sumar á Hrímni
frá Ósi, en þeir félagar urðu einnig Íslandsmeist-
arar í sömu grein á árinu. Þá hefur hann sýnt
fjölda kynbótahrossa á árinu, t.d. Garúnu frá
Árbæ, sem varð heimsmeistari í flokki sex vetra
hryssna á heimsmeistaramótinu, og Ríkeyju frá
Flekkudal, sem varð önnur í flokki fimm vetra
hryssna. Guðmundur var einnig tilnefndur sem
íþróttaknapi ársins í ár.
Frábærir hestar og gott bakland, einkum
þolinmóð kona, er það sem Guðmundur segir að
búi að baki árangrinum. Guðmundur á titil að
verja eftir tvö ár á heimsmeistaramótinu en enn
sem komið er er hann ekki búinn að ákveða
hvaða hestur verður fyrir valinu. Hann segist
vera með marga efnilega hesta en til þess að fara
alla leið þarf sterka og reynda hesta. Enn sem
komið er er ekkert ákveðið.
„Aldrei að gefast upp og trúa og treysta á
sjálfan sig og hrossin sem maður er með,“ segir
Guðmundur að sé lykillinn að árangrinum.
Á uppskeruhátíðinni var einnig verðlaunað í
fleiri flokkum: Íþróttaknapi ársins var Kristín
Lárusdóttir, gæðingaknapi ársins Kári Steins-
son, skeiðknapi ársins Teitur Árnason, efnileg-
asti knapinn Jóhanna Margrét Snorradóttir og
kynbótaknapi ársins Daníel Jónsson.
Þá hlaut Sigurður Sæmundsson heiðurs-
verðlaun Landssambands hestamannafélaga.
Hrossaræktarbúið Ketilstaðir/Syðri-Gegnis-
hólar, í eigu Bergs Jónssonar og Olil Amble,
hlaut bæði verðlaun Landssambands hesta-
mannafélaga sem ræktunarbú keppnishesta árið
2015 og sem ræktunarbú ársins frá Ráðgjaf-
armiðstöð landbúnaðarins. thorunn@mbl.is
„Treysta á sjálfan sig og hrossin“
 Guðmundur Fr. Björgvinsson knapi ársins á uppskeruhátíð hestamanna
Bú Olil og Bergur eigendur keppnishestabúsins
2015, Ketilstaða/Syðri-Gegnishóla.
Viðskiptablaðið/hag
Uppskeruhátíð hestamanna Knapar sem tilnefndir voru sem knapi ársins. Guðmundur Fr. Björgvinsson heldur á verðlaunagripnum fjórði frá vinstri.
Gæði, þjónusta, ábyrgð - það er Tengi
Opið virka daga frá kl. 8-18 og laugardaga kl. 10-15
Smiðjuvegi 76 • Kópavogi • Sími 414 1000 • Baldursnesi 6 • Akureyri • Sími 414 1050 • www.tengi.is • tengi@tengi.is
MORA MMIX TILBOÐSDAGAR
25% afsláttur
sturtuklefar og -hurðir
25% afsláttur
IFÖ innréttingar
30% afsláttur
Mora MMIX blöndunartæki
30%afsláttur
Mora MMIX K5
eldhústæki
19.581 kr.
verð áður 27.973 kr.
Bandaríska flugfélagið Delta Air
Lines hefur ákveðið að hefja flug
milli Íslands og Minneapolis næsta
sumar. Flogið verður daglega milli
Keflavíkurflugvallar og Minneapol-
is-St Paul alþjóðaflugvallarins
(MSP). Fyrsta flugferðin verður
27. maí. Við þetta verður Delta
með tvær daglegar ferðir til
Bandaríkjanna yfir háannatímann,
en félagið hefur flogið milli Íslands
og New York frá 2011. Delta er
eina bandaríska flugfélagið með
áætlunarflug til Íslands, segir í til-
kynningu.
„Með þessari nýju flugleið býður
Delta 14 flugferðir í viku milli Ís-
lands og Bandaríkjanna næsta
sumar. Þetta er stóraukin þjónusta
fyrir viðskiptavini okkar á Íslandi
og í Bandaríkjunum,“ segir Nat
Pieper, forstjóri Delta í Evrópu, í
tilkynningunni.
Líkt og á flugleiðinni til New
York mun Delta notast við Boeing
757 þotu til Minneapolis. Um er að
ræða 199 sæta flugvél. Fyrir
skömmu tilkynnti Delta að áætl-
unarflug milli Íslands og New York
hæfist í febrúar og standa í sjö
mánuði á næsta ári. Það er þremur
mánuðum lengur en áður. Með
fluginu til Minneapolis til viðbótar
geta farþegar Delta valið um tengi-
flug frá þessum borgum til 130
áfangastaða innan Bandaríkjanna,
til Kanada og Suður-Ameríku.
Ljósmynd/Delta Air Lines
Keflavík Ein véla flugfélagsins á
leiðinni vestur til New York.
Delta
bætir við
flugleið
 Beint flug héðan
til Minneapolis
Ferðamönnum fjölgar stöðugt og
til að tryggja að þeir eigi völ á gist-
ingu við hæfi hafa fyrirtæki og ein-
staklingar ráðist í hótelbyggingar
víða um land. Ný hótel hafa sprottið
upp á skömmum tíma og unnið er
við byggingu annarra, meðal ann-
ars við Hverfisgötu í Reykjavík.
Morgunblaðið/Eggert
Hótel á hótel ofan