Morgunblaðið - 10.03.2016, Blaðsíða 10

10 FRÉTTIRInnlent
MORGUNBLAÐIÐ FIMMTUDAGUR 10. MARS 2016
• AMT eru hágæða pönnur úr 9 mm þykku áli
• Allar pönnur mega fara inn í ofn við allt að 240° hita
• 3 ára ábyrgð á verpingu
• Ný byltingakennd viðloðunarfrí húð sem
er sterkari en Teflon og án eiturefna
• Nothæf fyrir allar eldavélar
• Má setja í
uppþvottavél
• Kokkalands-
liðið notar
AMT potta
og pönnur
Úlfar Finnbjörnsson
notar AMT potta og pönnur
WORLD’S
BESTPAN
„
“
THE
* “The world‘s best pan”according to VKD, largest German Chefs Association
*
Allir velkomnir
Progastro | Ögurhvarfi 2, Kópavogi
Sími 540 3550 | progastro.is
Opið alla virka daga kl. 9–18. Allt fyrir eldhúsið
Þýskar hágæða pönnur frá AMT
Hjörtur J. Guðmundsson
hjortur@mbl.is
„Hlemmur er bara í endurnýjun líf-
daganna ef svo má að orði komast og
verður orðinn miklu flottari þegar
þessum framkvæmdum lýkur,“ segir
Jóhannes Rúnarsson, framkvæmda-
stjóri Strætó, spurður um fyrirhug-
aðar breytingar á Hlemmi og að-
stöðu fyrirtækisins þar. Til stendur
að opna matarmarkað og veitinga-
sölu í húsnæðinu sem hýst hefur bið-
stöð Strætó. Til lengri tíma litið er
gert ráð fyrir að starfsemi fyrirtæk-
isins færist að Umferðarmiðstöðinni,
BSÍ.
Miðasalan þegar komin annað
„Fólk mun áfram geta farið þarna
inn og beðið. Það er gert ráð fyrir
því að því ég best í þessum tillögum.
Það verður náttúrlega lokað þarna á
meðan framkvæmdir standa yfir en í
dag er þetta opið til sex. Síðan erum
við með aðstöðu þarna fyrir vagn-
stjórana sem færist þegar fram-
kvæmdirnar byrja í annað hús,“ seg-
ir Jóhannes. Miðasalan hafi hins
vegar fyrir nokkru verið flutt úr
húsnæðinu við Hlemm og yfir í
verslun 10-11. „Mér skilst að þarna
verði jafnvel aukin þjónusta. Það
verði þarna almenningssalerni og
fleira,“ segir Jóhannes en í dag sé
aðeins salerni staðsett fyrir utan
húsnæðið.
„Þannig að það er alveg hægt að
færa rök fyrir því að þarna verði
ekki verri þjónusta en verið hefur og
jafnvel miklu betri og þá miklu meiri
möguleikar í boði fyrir þá sem bíða.
Ég held að þetta sé mjög sniðug leið
sem Reykjavíkurborg er að fara í
þessum efnum og mun klárlega nýt-
ast okkar farþegum vel.“
Fólk geti áfram
beðið á Hlemmi
 Þjónusta sögð verða betri en áður
Morgunblaðið/Þórður
Strætó Miklar breytingar eru fyr-
irhugaðar á Hlemmi í Reykjavík.
Hjörtur J. Guðmundsson
hjortur@mbl.is
„Við erum að yfirgefa miðbæinn.
Þetta eru í rauninni bara ruðnings-
áhrif túrismans. Við fengum það
gott tilboð í húsnæðið okkar að við
gátum ekki hafnað því,“ segir Ragn-
ar Símonarson gullsmiður en skart-
gripaverslunin Jón Sigmundsson,
sem hann rekur ásamt föður sínum,
Símoni Ragnarssyni, og verið hefur
eitt af kennileitum Laugavegarins í
Reykjavík um margra áratuga
skeið, fer þaðan í maí.
Ragnar segir að ekki sé verið að
loka fyrirtækinu enda hafi rekst-
urinn gengið mjög vel. Hins vegar
hafi tilboðið í húsnæðið komið með
skömmum fyrirvara og því liggi
ekki endanlega fyrir hvert verslunin
flytji, sennilega þó annaðhvort í
Kringluna eða Smáralind. Hann
segir fleira hafa áhrif á þá ákvörðun
að hætta verslun í miðbæ Reykja-
víkur og þar á meðal ákvarðanir um
að loka Laugaveginum á sumrin
fyrir bílaumferð.
Ferðamannaverslun í staðinn
Skartgripaverslunin Jón Sig-
mundsson hefur sem fyrr segir um
margra áratuga skeið verið eitt af
helstu kennileitunum við Laugaveg-
inn. Hefur verslunin verið þar til
húsa ásamt smíðaverkstæði í meira
en öld eða allt frá árinu 1907.
Lengst af á Laugavegi 8 en frá 1984
í núverandi húsnæði á Laugavegi 5.
Sjálft fyrirtækið er þó enn eldra, en
það var sett á laggirnar
heimastjórnarárið 1904 af Jóni Sig-
mundssyni sem gerir það að einu af
elstu starfandi fyrirtækjum lands-
ins.
Fyrst í stað rak Jón Sigmundsson
vinnustofu og seldi gripi sína í
Grjótaþorpinu í Reykjavík þar sem
hann bjó áður en hann flutti starf-
semina á Laugaveg 8 sem og heimili
sitt. Fyrirtækið hefur þannig verið
starfandi í núverandi húsnæði í tæp-
lega þrjá áratugi. Staða verslunar-
innar sem kennileitis, bæði við
Laugaveg 8 og síðar 5, sést meðal
annars vel í gömlum dagblöðum þar
sem auglýstar eru samkomur af
ýmsu tagi í nágrenninu og tekið
fram í sviga hvar staðsetningin er í
afstöðu við hana.
„Miðbærinn er í rauninn bara að
breytast í túristaverslanir og veit-
ingastaði,“ segir Ragnar. Hann
bendir þannig á að fleiri gamlar og
rótgrónar verslanir hafi verið að yf-
irgefa Laugaveginn af sömu ástæð-
um. Þessi þróun sé ekki góð. Þannig
verði ferðamannaverslun opnuð í
húsnæðinu þar sem Jón Sigmunds-
son er nú til húsa.
„Við fengum þetta tilboð með það
skömmum fyrirvara og eigum að af-
henda það fljótt þannig að það ligg-
ur ekki fyrir endanlega hvert við
förum. En núna erum við bara með
útsölu í gangi til að gleðja kúnnann í
ljósi þess að við erum að segja skilið
við Laugaveginn.“
Kennileiti hverfur
af Laugaveginum
 Fengu tilboð í eignina sem ekki var hægt að hafna
Morgunblaðið/Golli
Gullsmiðir Feðgarnir Ragnar Símonarson og Símon Ragnarsson fyrir utan
skartgripaverslunina Jón Sigmundsson sem rekin hefur verið í rúma öld.
Vilhjálmur A. Kjartansson
vilhjalmur@mbl.is
Velferðarráðuneytið flytur úr Hafn-
arhúsinu við Tryggvagötu í Reykja-
vík vegna vísbendingar um að loft-
gæðum innandyra í suðurhluta 4.
hæðar hússins sé ábótavant, þar sem
rakavandamál eru víða og myglu-
vöxtur er kominn í byggingarefni á
nokkrum stöðum.
„Ég get ekki sagt til um það núna
hvað þarf að ráðast í miklar fram-
kvæmdir. Við höfum ráðið verk-
fræðistofuna EFLU til að gera
heildarúttekt á ástandinu og niður-
stöður hennar ættu að liggja fyrir
með vorinu,“ segir Gísli Gíslason
hafnarstjóri en húsið er í eigu Faxa-
flóahafna.
Þar sem ekki liggur fyrir hversu
viðamiklar framkvæmdir á húsinu
verða, bæði innandyra og utan, segir
Margrét Erlendsdóttir, upplýsinga-
fulltrúi velferðarráðuneytisins, ekki
hægt að fullyrða að ráðuneytið flytji
aftur í húsið.
„Á þessari stundu erum við að
leita að nýju húsnæði fyrir alla starf-
semi ráðuneytisins. Hvort við eigum
afturkvæmt í Hafnarhúsið get ég
ekki sagt á þessari stundu. Eins og
staðan er í dag eru engin áform um
annað en að ráðuneytið fari í nýtt
húsnæði.“
Morgunblaðið/G.Rúnar
Viðgerð Velferðarráðuneytið leitar sér núna að nýju húsnæði þar sem raka-
skemmdir og mygluvöxtur er kominn í byggingarefni Hafnarhússins.
Ráðuneyti flýr
undan myglu
Katrín Jakobsdóttir, formaður VG,
greindi frá því á Facebook í gær-
morgun að hún myndi ekki bjóða
sig fram í embætti forseta Íslands.
Jafnframt segist hún vona að kosn-
ingabarátta þeirra einstaklinga
sem gefa kost á sér í þetta embætti
verði málefnaleg og innihaldsrík og
í embættið veljist góður þjónn þjóð-
arinnar, sem beiti sér fyrir mann-
réttindum og lýðræðisumbótum,
vernd náttúru og umhverfis og
stöðu íslenskrar tungu.
Katrín segir margt gott fólk hafa
komið að tali við
sig, fólk af öllum
stéttum, konur
og karla og fólk
hvaðanæva af
landinu. Hún
segir að það
standi upp úr
mörg góð orð frá
stórum og fjöl-
breyttum hópi
fólks, sem hún ber virðingu, fyrir í
sinn garð. Þá hvatningu vill hún
þakka fyrir.
Katrín Jakobsdóttir ætlar ekki í framboð
Katrín Jakobsdóttir
Skartgripaverslunin Jón Sig-
mundsson var sett á laggirnar
árið 1904 af Jóni Sigmundssyni
gullsmiði. Jón fæddist árið 1875
á Skarfsstöðum í Hvammssveit.
Hann tók sveinspróf í gullsmíði
árið 1897 og stundaði í fram-
haldinu nám í úrsmíði. Jón lést
árið 1942 og tóku þá ekkja
hans, Ragnhildur Sigurðar-
dóttir, og fjölskylda við rekstri
fyrirtækisins. Símon Ragnars-
son, sonarsonur Jóns, tók síðan
við rekstrinum árið 1969 en
sonur Símonar, Ragnar, hefur
séð um daglegan rekstur und-
anfarin ár.
Fjölskyldan
starfað lengi
JÓN SIGMUNDSSON