Morgunblaðið - 10.03.2016, Blaðsíða 18

18 FRÉTTIRErlent
MORGUNBLAÐIÐ FIMMTUDAGUR 10. MARS 2016
hefði hann verið sannfærður um að
þar væri á ferð bráðefnileg hljóm-
sveit. Hann sagði þó að sér hefði
ekki litist vel á fyrstu lagasmíðarnar
sem þeir spiluðu fyrir hann. Martin
ákvað þó að gera samning við Bítl-
ana, eftir að nánast öll önnur plötu-
fyrirtæki Bretlands höfðu hafnað
þeim. Reyndist það mikið gæfuspor
fyrir bæði Martin og Bítlana.
Á þeim átta árum sem Bítlarnir
tóku upp tónlist með Martin átti
hann stóran þátt í að búa til „Bítla-
hljóminn.“ Má þar nefna sem dæmi
lögin Eleanor Rigby, þar sem Mart-
in samdi og útsetti undirspil
strengjakvartetts, sem setur sterk-
an svip á lagið og Strawberry Fields
Forever, þar sem Martin fann leið
til þess að tengja saman tvær
óskyldar upptökur af laginu, jafnvel
þó að þær væru á mismunandi
hraða og í mismunandi tónteg-
undum.
það George,“ sagði McCartney.
Fjölskyldu Martins bárust marg-
ar samúðarkveðjur í gær. David
Cameron, forsætisráðherra Bret-
lands, sagði meðal annars að Martin
hefði verið „risi í tónlistargeiran-
um.“ Þá sendi Abbey Road-hljóð-
verið, þar sem mörg af þekktustu
lögum Bítlanna voru tekin upp, frá
sér samúðarkveðju þar sem Martin
var þakkað fyrir að hafa breytt
dægurlagatónlist með framsýni
sinni og ástríðu.
Sá óslípuðu demantana
George Martin fæddist 3. janúar
1926 í Norður-London og lærði á pí-
anó. Eftir að hafa þjónað í hernum í
síðari heimsstyrjöld hóf hann störf
við tónlistardeild breska ríkis-
útvarpsins BBC áður en hann gekk
til liðs við Parlophone, deild í hljóm-
plöturisanum EMI. Árið 1955 var
hann orðinn yfirmaður Parlophone,
einungis 29 ára að aldri.
Martin sagði í viðtölum að þegar
hann hefði heyrt í Bítlunum fyrst
Stefán Gunnar Sveinsson
sgs@mbl.is
Upptökustjórinn George Martin
lést í gær, níræður að aldri. Hans er
helst minnst fyrir að hafa stýrt upp-
tökum á tónlist Bítlanna, vinsælustu
hljómsveitar allra tíma, og hefur
Martin oft verið kallaður „fimmti
bítillinn“ fyrir framlag sitt til tón-
listar þeirra.
Ringo Starr, trommuleikari
hljómsveitarinnar, tilkynnti um-
heiminum fréttirnar með því að
birta mynd af Martin ásamt Bítl-
unum á Twitter-síðu sinni. Bað
hann Guð um að blessa Martin og
fjölskyldu hans, og sagði að hans
yrði sárt saknað.
Paul McCartney, hinn eftirlifandi
meðlimur sveitarinnar, birti yfirlýs-
ingu á heimasíðu sinni, þar sem
hann sagði að Martin hefði verið
„sannkallaður herramaður“ og að
upptökustjórinn hefði verið eins og
sinn annar faðir. „Ef einhver átti
skilið titilinn fimmti bítillinn, þá var
Ljósmynd/Wikipedia
Fimmti bítillinn George Martin átti stóran þátt í að búa til hljóm Bítlanna. Frá vinstri: George Harrison, Paul
McCartney, George Martin og John Lennon. Á myndina vantar Ringo Starr, trommara hljómsveitarinnar.
„Fimmti bítill-
inn“ kveður
 George Martin lést í gær
Buckingham-höll lýsti því yfir í gær að Elísabet Breta-
drottning væri pólitískt hlutlaus varðandi stöðu Bret-
lands gagnvart Evrópusambandinu. Væri sú afstaða í
samræmi við stjórnskipulega stöðu drottningarinnar.
Yfirlýsingin kemur í kjölfar þess að breska götublað-
ið The Sun greindi frá því á forsíðu sinni að drottningin
væri hlynnt því að Bretland gengi úr Evrópusamband-
inu en breskir kjósendur munu greiða atkvæði um það
hinn 23. júní í sumar.
Byggði blaðið frétt sína á tveimur atvikum þar sem
drottningin er sögð hafa látið ummæli falla þess efnis,
annars vegar í samtali við Nick Clegg, þáverandi for-
sætisráðherra Bretlands, og hins vegar í móttöku fyrir
þingmenn í Buckingham-höll.
Í yfirlýsingu hallarinnar segir ennfremur að rangar
yfirlýsingar ónafngreindra heimildamanna blaðsins
verði ekki virtar svars. Kallaði höllin
jafnframt eftir því að fjölmiðlaeft-
irlit ríkisins brygðist við þessum
rangfærslum blaðsins. Samkvæmt
AFP er afar sjaldgæft að Buck-
ingham-höll bregðist við með þess-
um hætti. Sé þetta til marks um
hnignandi samband hallarinnar við
breska fjölmiðla. Hefur the Sun dag-
blaðið sagt að það muni verjast öll-
um kvörtunum af miklum móð.
„Drottningin er pólitískt hlutlaus
eins og hún hefur verið í 63 ár,“ sagði talsmaður hall-
arinnar en það væri í höndum þjóðarinnar að ákveða
hvort hagsmunum Bretlands væri betur borgið innan
eða utan Evrópusambandsins. laufey@mbl.is
Drottningin haldi hlutleysi
 Segja drottninguna vilja að Bretland gangi úr ESB
Elísabet Bretlands-
drottning.
Laufey Rún Ketilsdóttir
laufey@mbl.is
Hillary Clinton laut óvænt í lægra
haldi fyrir Bernie Sanders í forkosn-
ingum demókrata í Michigan-ríki
Bandaríkjanna í fyrrinótt. Er þetta
stærsti sigur Sanders til þessa en
hann snaraði til sín 49,9% at-
kvæðanna á meðan Clinton náði ein-
göngu 48,2%. Clinton jók þó við for-
skot sitt í heildina með sigri sínum í
Mississippi.
„Ég er þakklátur fólkinu í Michi-
gan fyrir að ögra spámönnunum og
skoðanakönnunum með því að veita
okkur stuðning sinn,“ lét Sanders
hafa eftir sér stuttu eftir að úrslitin
urðu ljós, samkvæmt BBC.
Andstaða Sanders við alþjóðlegra
viðskiptasamninga hitti í mark í rík-
inu þar sem verkafólk hefur upp til
hópa misst vinnu sína við framleiðslu
og kennir slíkum samningum um.
Þá er einnig að merkja að stuðn-
ingur svartra við Clinton fer minnk-
andi. Gæti það reynst henni dýr-
keypt í komandi forkosningum í
ríkjum þar sem samsetning kjós-
enda er sú sama og í Michigan.
Sterkari Trump
Donald Trump styrkti stöðu sína á
meðal frambjóðenda repúblikana í
fyrrinótt með sannfærandi sigri í
forkosningum flokksins í Michigan
og Mississippi. John Cassidy í The
New Yorker segir að þrátt fyrir að
Sanders og Trump greini á um mál-
efnin séu þeir báðir á þeirri skoðun
að stjórnmálakerfið í Bandaríkjun-
um sé ónýtt og grípa þurfi til rót-
tækra aðgerða og nýrra leiðtoga til
að laga það.
Sigur Trumps kemur í kjölfar tap-
aðra forkosninga í Louisiana og
höfðu spámenn gert því skóna að
slæm frammistaða hans í kappræð-
um síðastliðna viku hefði haft var-
anleg áhrif. Málflutningur Trumps
gegn því að missa störf úr landi náði
hins vegar fótfestu í ríkjunum.
Frambjóðendurnir Ted Cruz og
John Kasich enduðu í jafntefli í öðru
sæti í forkosningunum í Michigan.
Möguleikar Rubio fjara út
Marco Rubio, sem hefur farið mik-
inn undanfarið í gagnrýni sinni á
Trump, lenti í fjórða sætinu í for-
kosningunum í fyrrinótt. Staða hans
þykir svo slæm að Trump sá ekki
ástæðu til að gera lítið úr honum í
sigurræðu sinni, segir á BBC.
Talið er að Rubio hafi ekki meira
en eina viku til að snúa dæminu sér í
hag og sigra Trump í heimaríki sínu,
Flórída. Sigur hans þar hefði þó ein-
göngu í för með sér meiri líkur á úr-
slitin ráðist að lokum á ráðstefnu
Repúblikanaflokksins en ekki í for-
kosningunum.
Óvæntur sigur
Bernie Sanders
 Donald Trump styrkir enn stöðu sína
AFP
Sigur Bernie Sanders bar mjög óvæntan sigur úr býtum í forkosningum
Demókrataflokksins í Michigan. Kannanir höfðu verið Clinton í hag.
Z-Brautir og gluggatjöld
Faxafeni 14 - 108 Reykjavík - S. 525 8200 - z.is
Allt fyrir
gluggana
á einum
stað
Úrval - gæði - þjónusta