Morgunblaðið - 22.03.2016, Blaðsíða 38

38 MENNING
MORGUNBLAÐIÐ ÞRIÐJUDAGUR 22. MARS 2016
Silja Björk Huldudóttir
silja@mbl.is
„Þetta er eitt umfangsmesta verkefni
kórsins frá því ég tók við stjórnar-
taumunum,“ segir Sveinn Arnar Sæ-
mundsson, organ-
isti og stjórnandi
Kórs Akranes-
kirkju, sem flytur
St John Passion
eða Jóhannesar-
passíu eftir Bob
Chilcott í vöru-
húsi á Kalmans-
völlum á Akranesi
í kvöld kl. 20.30.
Einsöngvarar eru
Gissur Páll Giss-
urarson, Hafsteinn Þórólfsson, Örn
Arnarson og Elfa Margrét Ingva-
dóttir, en um hljóðfæraleik sjá Aðal-
heiður Þorsteinsdóttir á orgel, Örn-
ólfur Kristjánsson á selló, Elín Björk
Jónasdóttir á lágfiðlu, Jón Arnar
Einarsson á básúnu, Ásgrímur Ein-
arsson á túbu, Erna Ómarsdóttir á
horn og trompetleikararnir Vil-
hjálmur Ingi Sigurðarson og Steinar
Matthías Kristinsson.
„Bob Chilcott kom til Íslands sl.
haust og hélt námskeið fyrir organ-
ista í Skálholti,“ segir Sveinn Arnar
og bendir á að enska kórtónskáldið
Bob Chilcott hafi byrjað feril sinn
sem atvinnusöngvari. „En um tólf ára
skeið söng hann með hinum heims-
fræga sönghópi, King’s Singers.
Undanfarin ár hefur hann unnið með
kórum og sönghópum og samið fjölda
kórverka,“ segir Sveinn Arnar og
rifjar upp að Chilcott hafi kynnt
fjölda verka sinna á fyrrnefndu nám-
skeiði. „Ég féll strax fyrir þessu
verki, því þetta er áhrifamikil saga og
fallegt tónmál. Mig langaði því til að
flytja a.m.k. hluta þess, en síðan vatt
verkefnið upp á sig og ákveðið var að
ráðast í það umfangsmikla, stóra
verkefni að flytja það í heild sinni,“
segir Sveinn Arnar, en Jóhnnesar-
passían tekur rúma klukkustund í
flutningi.
Kórinn í stóru hlutverki
„Verkið samdi Chilcott árið 2013
og er textinn tekinn beint upp úr Jó-
hannesarguðspjalli og fjallar um
handtöku og krossfestingu Jesú
Krists. Sagan er sögð af guðspjalla-
manni sem sunginn er af tenór og
hlutverk Jesú og Pílatusar eru sung-
in af barítónum. Inn í verkið fléttar
hann glæsilegum kórköflum þar sem
sungnir eru sálmar og ljóð sem tengj-
ast þessum dramatísku atburðum,
þannig að kórinn er í stóru hlut-
verki,“ segir Sveinn Arnar og tekur
fram að verkið hafi aldrei verið flutt
hérlendis áður.
Hlutverk guðspjallamannsins
syngur Gissur Páll, Hafsteinn túlkar
Jesú, Örn syngur hlutverk Pílatusar.
Sveinn Arnar hefur stjórnað Kór
Akraneskirkju frá árinu 2002. „Þegar
ég hóf hér störf voru 25 félagar í
kórnum, en í dag eru þeir um fimmtíu
talsins,“ segir Sveinn Arnar og bend-
ir á að sami kjarninn hafi verið í kórn-
um sl. átta ár. Spurður um tónleika-
staðinn segir Sveinn Arnar að kórinn
hafi nokkrum sinnum haldið tónleika
í vöruhúsinu á síðustu árum, en húsið
rúmar um 300 gesti. „Húsið hefur
staðið autt með hléum frá 2008. Um
jólin það ár héldum við okkar fyrstu
tónleika þar og höfum síðan haldið
þrenna tónleika í húsinu. Í gegnum
árin höfum við auðvitað líka haldið
tónleika í kirkjunni, safnaðarheim-
ilinu, tónlistarskólanum og bíóhöll-
inni. Vöruhúsið býr yfir góðum
hljómburði og býður auk þess upp á
að við getum leikið okkur með húsið
til að skapa réttu stemninguna,“ seg-
ir Sveinn Arnar og bendir á að fyrir
tónleikana verði gluggar byrgðir með
svörtu efni. „Við munum varpa bæði
myndum og íslenskri þýðingu Guð-
mundar Kristjánssonar, hirð-
ljóðskálds kórsins, á enska sálma-
textanum á tjald svo tónleikagestir
geta fylgst með. Þannig viljum við
skapa sterka sjónræna upplifun sam-
hliða tónlistarflutningnum.“ Forsala
miða er í verslunni Bjargi á Akranesi,
en þeir verða einnig seldir við inn-
ganginn.
Metnaður Sveinn Arnar hefur stjórnað Kór Akraneskirkju frá árinu 2002 og eru félagar nú fimmtíu talsins.
„Féll strax fyrir verkinu“
 Kór Akraneskirkju flytur Jóhannesarpassíu á Akranesi
Sveinn Arnar
Sæmundsson
Listasafn Íslands tók við 33 mynd-
verkum að gjöf á laugardag. Tvíeyk-
ið Cooper & Corfer, Sarah Cooper
(f. 1974 í Bandaríkjunum) og Nina
Gorfer (f. 1979 í Austurríki), afhenti
safninu þá 27 verk úr seríunni „In a
House of Snow, SEEK Volume 01
Iceland,“ frá 2008. Verkin byggjast á
ljósmyndum sem þær Cooper og-
Gorfer tóku á ferðalagi um landið ár-
ið 2005. Dulrænar frásagnir, íslensk-
ar fyrirsætur og eyðilegt landslag
einkenna þennan myndaflokk sem
markaði tímamót á ferli þeirra. Nýj-
asta verkefni þeirra Gooper & Gor-
fer, „The Weather Diaries“ (Veður-
dagbækurnar), sem sýnir áhrif
náttúru og veðurfars á listsköpun,
má nú sjá á sýningu í Norræna hús-
inu í Reykjavík.
Þóra Sigurðardóttir (f. 1954) af-
henti safninu um leið sex olíu-
málverk að gjöf. Annars vegar verk-
ið Skammdegi frá 1988-1989 og hins
vegar fimm verka seríu frá 1990-
1992 sem ber heitið Ferli og hún
vann á árunum 1990-1992. Í verk-
unum kannar Þóra tvívíðan flöt mál-
verksins og möguleika hans, lífræn
form og geómetrísk.
Í tilkynningu frá Listasafni Ís-
lands segir að um 75% af safneign-
inni hafi verið gjafir til safnsins, eða
um 8.400 verk af um 11.300.
Íslandsmyndir Hluti myndraðarinnar sem Cooper & Corfer gáfu Listasafni
Íslands. Þá gaf Þóra Sigurðardóttir safninu sex málverk frá 1988 til 1992.
Listasafninu gefin verk
 Cooper & Corfer og Þóra gáfu
Fákafeni 9 | 108 Reykjavík | Sími 553 7060 | Opið mánud.-föstud. 11-18 og laugard. 11-16
www.facebook.com/gaborserverslun
Dömuskór
í úrvali
Gæði & glæsileiki
IB ehf • Fossnes 14 • 800 Selfoss • ib.is
Sími 4 80 80 80
• Varahlutir • Sérpantanir
• Aukahlutir • bílasala
• Verkstæði
2016 Ram Black Edition
2016 GMC Sierra SLT og Denali