Náttúrufræðingurinn - 2016, Qupperneq 34

Náttúrufræðingurinn
34
15. Sandvík, Ytra-Álandi,
Þistilfirði, N.-Þing.
(66.216291°N; 15.567363°V),
25. júlí 2013.
Hundruð eintaka en engum safnað
á fundardegi. Kristín Jónsdóttir,
Skógum 1, Vopnafirði (nú Hvammi
2 í Þistilfirði). Einn höfunda (Ævar
Petersen) fór á staðinn 28. júní
árið eftir og safnaði 10 eintökum.
– Sumarið 2013 voru vatnamýs
dreifðar yfir nokkurt svæði
austarlega í Sandvík austan við
mynni Sandár. Einnig lágu stórar
gróðurtorfur í víkinni en þær eru
taldar hafa rofnað úr bökkum eða
hólmum Sandár, flotið niður ána
og skolast upp á ströndina austar í
Sandvík (7. mynd).
Þegar staðurinn var skoðaður
aftur ári síðar höfðu gróðurtorfurnar
stóru að mestu brotnað niður
og aðeins leifar eftir af þeim að
sjá í fjörunni í Sandvík. Tugir
vatnamúsa lágu þá á víð og dreif
í fjöruarfabeltinu efst í fjörunni (8.
mynd).
16. Sandur, Aðaldal,
S.-Þing. (65.977321°N;
17.568068°V), 19. júní 2014.
Eitt eintak. Jim Williams, Orkneyjum,
Skotlandi. – Finnandi rakst á eina
vatnamús þegar hann var á göngu
nálægt ósi Skjálfandafljóts. Ekki
sáust fleiri eintök á svæðinu en
leit var takmörkuð. Líkur eru á að
vatnamúsina hafi rekið þarna á
land eftir flóð í fljótinu um vorið en
hún var orðin uppþornuð og hafði
greinilega legið um tíma. Óljóst er
hvort hún hefur myndast í fljótinu
eða í einum af fjölda lækja sem í
það renna.
17. Ytra-Lón, Langanesi,
N.-Þing. (66.264028°N;
15.174512°V), 25. maí 2015.
Eitt eintak. Guðmundur Ö.
Benediktsson, Kópaskeri. –
Vöndullinn fannst á ströndinni
ofan við þarabinginn, nálægt fugla-
skoðunarskýli sem þar stendur.
Ekki fundust fleiri vatnamýs við
leit.
8. mynd. Tvær vatnamýs innan um fjöruarfabreiðu sem myndaði belti efst í fjörunni í
Sandvík hjá Ytra-Álandi í Þistilfirði. – Two false lake balls in the line of Sea Sandwort at
high water mark on the sandy beach at Sandvík, Ytra-Áland, Þistilfjörður. Ljósm./Photo:
Ævar Petersen, 28.6. 2014.
7. mynd. Stórir jarðvegshraukar (gróðurtorfur) í Sandvík við Ytra-Áland í Þistilfirði. Fjær
(ofarlega á myndinni til vinstri) sést dökkur flekkur af vatnamúsum og gróðursneplum sem
losnað hafa úr hraukunum. Efst í fjörunni er ljósgrænt gróðurbelti sem fjöruarfi Honkenya
peploides myndar. – Large pieces of turf on the sandy beach in Sandvík, at Ytra-Áland,
Þistilfjörður. In the upper left hand corner numerous false lake balls can be seen distributed
and small bits from the large pieces of turf. The light green belt at the top of the sand beach
is formed from the seashore plant Sea Sandwort Honkenya peploides. Ljósm./Photo:
Kristín Jónsdóttir, 25.7. 2013.