Morgunblaðið - 17.11.2016, Qupperneq 15

FRÉTTIR 15Innlent
MORGUNBLAÐIÐ FIMMTUDAGUR 17. NÓVEMBER 2016
www.heild.isfyrirspurn@heild.is
Skrifstofuhúsnæði
HEILD
fasteignafélag
Um er að ræða 1.800 fm atvinnuhúsnæði á frábærum stað í Reykjavík.
Eignin skiptist í 1.600 fm skrifstofurými á efri hæðum ásamt 220 fm
verslunarrými á jarðhæð.
• Bjart og opið skrifstofuhúsnæði
• Góð staðsetning
• Næg bílastæði
Grensásvegur 10, 108 Reykjavík
Útlendingastofnun hefur gert
samning um leigu á gamla Her-
kastalanum í miðbæ Reykjavíkur.
Unnið er að því að útvega starfs-
leyfi og að gera húsnæðið klárt.
Vonast er til þess að hælisleitendur
geti flutt þangað innan skamms.
Hjálpræðisherinn seldi Herkast-
alann fyrr á þessu ári. Húsið er
1.405,4 fermetrar að stærð og var
byggt árið 1916.
Um 140 manns hafa sótt um
vernd á Íslandi í þessum mánuði. Í
október var fjöldinn um 200. Á
þessu ári hafa því rúmlega 900
manns sótt um alþjóðlega vernd á
Íslandi.
Búsetuúrræði Útlendingastofn-
unar fyrir hælisleitendur eru öll
fullnýtt. Um 200 hælisleitendur
dvelja því t.d. á hótelum hér á
landi.
Viðhald í Bæjarhrauni
Störfum meindýraeyðis, vegna
veggjalúsar, er lokið í móttöku-
miðstöðinni í Bæjarhrauni og verð-
ur hún tekin aftur í notkun að hluta
á allra næstu dögum. Þar er unnið
að viðhaldi og því verður húsnæðið
tekið í notkun á ný í áföngum.
Aðstæður í hverju búsetuúrræði
eru mjög mismunandi. Á sumum
stöðum er eldhús en á öðrum ekki.
Þegar ekkert eldhús er á staðnum
er boðið upp á aðsendan mat.
Morgunblaðið/Árni Sæberg
Herkastalinn Reiknað er með að hælisleitendur flytji þangað innan skamms.
Hælisleitendur fá
inni í Herkastalanum
 Yfir 900 manns hafa sótt um vernd í ár
Steinþór Guðbjartsson
steinthor@mbl.is
Markmið rannsóknarinnar Blóð-
skimun til bjargar – þjóðarátak gegn
mergæxlum, sem hleypt var af
stokkunum í fyrradag á vegum Há-
skóla Íslands, Landspítala og
Krabbameinsfélagsins, er að rann-
saka hvort ávinningur sé af því að
skima fyrir forstigi mergæxlis.
„Því fleiri sem við fáum þeim mun
líklegra er að við fáum þau svör sem
við erum að leita eftir,“ segir Sig-
urður Yngvi Kristinsson, prófessor í
blóðsjúkdómum og forsvarsmaður
verkefnishópsins.
Kynning á rannsókninni er í bréfi í
fjólubláu umslagi sem sent hefur
verið öllum íbúum hérlendis, sem
fæddir eru 1975 og fyrr, alls 148.000
manns. Sigurður Yngvi segir að til
þess að fá örugg svör á fimm árum
þurfi um 70.000 þátttakendur. „Því
fleiri sem við fáum því fyrr liggja
niðurstöður fyrir,“ segir hann, en
rannsóknin svarar væntanlega
spurningum um orsakir mergæxla,
hentugasta greiningarferli, lífsgæði
og hvort hægt sé að lækna mergæxli
með því að greina þau snemma.
Ekki sérstök blóðprufa
Mergæxli er krabbamein í bein-
merg og verður einkenna oft ekki
vart fyrr en sjúkdómurinn hefur haft
alvarleg áhrif á heilsuna. Um 25
manns greinast með sjúkdóminn ár-
lega hérlendis og um 120.000 manns
á heimsvísu. Hægt er að greina for-
stig mergæxlis með því að skima fyr-
ir tilteknum próteinum í blóði. „Við
erum ekki að fara af stað með skipu-
lagða krabbameinsleit heldur gera
rannsókn hvort ástæða sé til þess að
skima fyrir forstigi mergæxlis,“ seg-
ir Sigurður Yngvi.
Fyrir um sex vikum var gerð for-
könnun á Akranesi og gekk hún von-
um framar, að sögn Sigurðar Yngva,
en 58% íbúa í rannsóknarhópnum
hafa þegar skráð sig til þátttöku.
Sigurður Yngvi leggur áherslu á að
fólk mæti ekki í blóðprufu sérstak-
lega vegna rannsóknarinnar heldur
veitir það samþykki sitt til þess að
rannsóknarhópurinn fái hluta af
blóðsýninu til skimunar, þegar það
fer næst í blóðprufu einhverra hluta
vegna. „Við köllum þátttakendur
ekki sérstaklega inn fyrir blóðpruf-
una heldur veitir fólk okkur sam-
þykki sitt til þess að fá blóðsýni,“
áréttar hann.
Þátttakendur fá nánari upplýsing-
ar og veita upplýst samþykki á vef-
síðu átaksins (www.blodskimun.is)
eða með því að senda undirritaða
samþykkisyfirlýsingu gjaldfrjálst
með pósti.
Þurfa um 70.000
manns í þjóðarátak
 Kanna ávinning af því að skima fyrir forstigi mergæxlis
Þjóðarátak Sigurður Yngvi Kristinsson prófessor kynnir rannsóknina.