Morgunblaðið - 17.11.2016, Side 24

24 UMRÆÐAN
MORGUNBLAÐIÐ FIMMTUDAGUR 17. NÓVEMBER 2016
Smáratorgi 1, 201 Kóp., s. 588 6090, vl@verkfaeralagerinn.is
Verkfæralagerinn
Mán.-fim. kl. 9-18, fös. kl. 9-18:30, lau. kl. 10-18, sun. kl. 12-17
Kolibri trönur
í miklu úrvali, gæða-
vara á góðu verði
Kolibri penslar
Handgerðir þýskir penslar
í hæsta gæðaflokki
á afar hagstæðu verði
Ennþá meira úrval af
listavörum
WorkPlus
Strigar frá kr. 195
Húðhreinsilína frá ENJO þrífur af
allan farða, aðeins með vatni
Reykjavíkurvegi 64, Hfj,
s. 555 1515, enjo.is
Komið í verslun okkar og sjáið úrvalið
Opið kl. 11-18 alla virka daga
- Augnpúði 1.000
- Andlitspúði 1.900
- Krókur 200
- Net 1.000
Verð 4.100
3.300
Tilboð
Til jólagjafa
Fjármálafyrirtækið
Gamma hefur gefið út
skýrslu sem á að sýna
útlendingum hag-
kvæmni þess að festa
fé sitt í grunnstoðum
og innviðum íslensks
samfélags.
Áróður fyrir að-
komu einkafjármagns,
þ.e. fjármálafyr-
irtækja, að nýbygg-
ingu og rekstri nauðsynlegra
grunnstoða samfélagsins hefur
aukist mjög að undanförnu. Fjár-
málafyrirtæki leggja talsvert í að
reka áróður fyrir hagkvæmi þess
að samfélagið selji til þeirra fyr-
irtæki sem eru innviðir samfélags-
ins. Skýrslur þeirra um þetta fá
mikla auglýsingu í fjölmiðlum.
Vafasömum málflutningi er beitt
við að útbreiða boðskap fjárfest-
anna um hagkvæmi þess að þeir
eigi og reki helstu innviði sam-
félagsins.
Til að gera boðskapinn trúverð-
ugan í augum almennings er
skýrslunum gefið fræðilegt yf-
irbragð af fræðimönnum, gjarnan
tengdum fjármálafyrirtækjunum,
sem rita jákvætt um efni þeirra.
Skýrslurnar eiga ekki síst að sýna
stjórnmálamönnum Alþingis og
sveitarstjórna fram á hagkvæmi
þess að ríki og sveitarfélög losi sig
frá rekstri sem flestra mikilvæg-
ustu grunnstoða samfélagsins og
fái þær fjárfestum í hendur. Allt á
þetta við fyrirtæki sem samfélagið
getur ekki verið án svo sem orku-
og veitufyrirtæki, samgöngu-
mannvirki og ýmis þjónustufyr-
irtæki, sem sækja tekjur sínar
beint og óbeint til almennings.
Fyrirtæki og mannvirki sem
samfélagið hefur byggt upp á
löngum tíma til framþróunar sam-
félagsins og án aðkomu fjárfesta.
Fjárfesta sem nú sjá mikla mögu-
leika á hagnaði orkufyrirtækja
vegna hækkandi orkuverðs í heim-
inum. Rekstur vatnsveitna og hol-
ræsa sveitarfélaga yrði í eigu fjár-
festa sem verðlegðu þjónustu
þeirra með öðrum hætti en nú er
gert þar sem eigendurnir krefðust
arðs af hlutafé sínu. Tekjur slíkra
fyrirtækja eru öruggar. Almenn-
ingur verður að greiða uppsett verð
og samkeppni er engin. Þá er fyr-
irsjáanlegur mikill hagnaður
Landsvirkjunar á næstu árum af
raforkusölu til stóriðju. Í þann
hagnað vilja fjárfestar komast með
því að kaupa sig inn í eða kaupa
allt fyrirtækið. Orkufyrirtæki sem
eru í opinberri eigu og dreifa og
selja orku til almennra nota eru
rekin þannig að rekstartekjur
standi undir kostnaði og skili hóf-
legum arði til eigandans sem er
samfélagið. Ekki til hluthafa fjár-
festingarfélaga, sem að hluta eða
öllu leyti væru í eigu útlendinga
sem flyttu arðinn úr
landi.
Í skýrslunni sem
Gamma fjármálafyr-
irtæki gaf nýlega út,
og ætluð er til að
benda útlendum fjár-
festum á möguleika á
hagkvæmum fjárfest-
ingum í innviðum sam-
félagsins á Íslandi eru
tilgreind, samkvæmt
frétt sem birtist í
Markaðnum, fylgiriti
Fréttablaðsins, „vænleg innviða-
verkefni svo sem Sundabraut,
stækkun Hvalfjarðarganga, breikk-
un vega, orkufyrirtæki, Landsnet,
Isavia (alþjóðaflugvöllur), sæ-
strengur til Bretlands, Landspítali,
léttlestakerfi á höfuðborgarsvæðinu
og lest milli Reykjavíkur og Kefla-
víkurflugvallar“. Gísli Hauksson,
forstjóri Gamma, segir m.a. í viðtali
í Markaðnum: „Vextir í heiminum
hafa verið í sögulegu lágmarki sem
þýðir að lánsfé er sögulega ódýrt.
Fjárfestar þurfa því að hafa tals-
vert fyrir því að finna fjárfestingar
sem skila viðunandi ávöxtun.“ Og
síðar segir Gísli: „Við höfum fundað
með stórum innviðafjárfestum
beggja vegna Atlantshafsins og
finnum fyrir miklum áhuga þeirra á
að fjárfesta í innviðaverkefnum hér
á landi.“
Samkvæmt þessu virðist Gamma
vera að gylla fyrir útlendum fjár-
festum að vænlegt sé að hagnast á
Íslendingum. Hér væri mögulegt
að fá meiri arð af fé þeirra en fáist
með þeim lágu vöxtum, sem Gísli
segir að séu í sögulegu lágmarki,
með því að kaupa fyrirtæki sem
eru innviðir samfélagsins á Íslandi.
Arður fjárfestanna fengist aðeins
með hækkun allra þjónustugjalda
fyrirtækjanna. Með því væru lagð-
ar byrðar á almenning í þágu fjár-
festa. Ekki vegna hagsmuna sam-
félagsins.
Engin framkvæmd vegna innviða
samfélagsins er svo nauðsynleg og
aðkallandi að verjandi sé að selja
eitthvað af grunnstoðum og inn-
viðum samfélagsins hennar vegna.
Öllum ætti að vera ljóst hve mikið
glapræði það væri að selja þær og
þar með hluta sjálfstæðis þjóð-
arinnar í hendur fjárfesta. Eru ís-
lenskir stjórnmálamenn tilbúnir að
láta teyma sig í slík viðskipti?
Gamma kallar
á innviðina
Eftir Árna
Þormóðsson
Árni Þormóðsson
»Engin framkvæmd
vegna innviða
samfélagsins er svo
nauðsynleg og aðkall-
andi að verjandi sé að
selja eitthvað af grunn-
stoðum samfélagsins
hennar vegna.
Höfundur er eldri borgari.
Framundan er erf-
iður tími fyrir þjóðfé-
lagið því þenslan í við-
skiptalífinu er komin
langt yfir þolmörk og
ekki sjáanleg auðveld
leið út úr þeirri kreppu.
Verkamannalaun voru
árið 1996 um 70 þús.
kr. á mánuði en eru nú
300 þús. kr. Verði þró-
unin sú sama næstu
tuttugu árin verða
verkamannalaun 1.350.000 kr. árið
2036 og 30 milljóna kr. íbúðin á 135
milljónir. Ef við hugsum svo sömu
þróun til 2056 þá er íbúðin komin í
607.500.000. kr. og verkamannalaun-
in í 6.075.000. Þingmaður sem hefur
eina milljón í dag, væri komin með
20.250.000 kr. á mánuði
árið 2056. Eftir þetta
yrði verðþróunin
ískyggilega hröð. Sem
sagt, það stefnir í óða
verðþenslu sem þjóðfé-
lagið hefur enga mögu-
leika á að standa af sér.
Ástæðan fyrir þessu
virðist vera sú að yf-
irstéttir þjóðfélagsins
hafa komist upp með
það að soga inn í of-
urmatsvirðingu sína
allan hagvöxt þjóð-
félagsins og meira til,
eins og sést greinilega á mati Kjar-
aráðs er það uppfærði laun þing-
manna í samræmi við það sem há-
launastéttir höfðu áður fengið og
byggt kröfur sínar á því að þeir eigi,
vegna þess hversu hámenntaðir þeir
séu, að fá laun á Íslandi er jafnast á
við laun sem þjóðfélög með milljónir
íbúa greiða fyrir þjónustu við millj-
arðamæringa. Þeir fjármunir sem
þjóðfélagið leggur til menntunar há-
launamanna virðist ekki vera þess
virði að minnast á það, hvað þá held-
ur að þakka þjóðfélaginu fyrir að-
stoðina, eða virða það við verkamenn
að þeir sköpuðu þau verðmæti sem
gerðu þjóðfélaginu kleift að styrkja
fólk til náms. Það var mikið talað um
misskiptinguna í þjóðfélaginu fyrir
kosningarnar, en að sjálfsögðu allt
gleymt nú. Misskiptingin er einmitt
kveikjan að verðþenslu.
Annað er það sem sýnir hvað heið-
arleikinn er á lágu plani, að við erum
að þróa þrælahald á íslenskum
vinnumarkaði með viðskiptum við
starfsmannaleigur sem eru aðeins
dulbúnar þrælaleigur með svindl á
launagreiðslum í huga og sumar
reknar af atvinnurekandanum sjálf-
um. Alþingismenn þurfa að gera sér
grein fyrir því að þeim ber að sjá til
þess að þjóðfélagið sé ekki rekið af
undirheimakóngum en það er lítið
um lýðræðislegan heiðarleika að
finna í íslensku þjóðfélagi. Aðeins
auðhyggja virðist blómstra og hafa
völd á flestum þáttum þjóðfélagsins.
Misskiptingunni verður ekki breytt
nema með lögum frá Alþingi, sem er
langtímaverkefni fyrir alþingis-
menn. Einn er sá ljóður sem mér
finnst einkenna alþingismenn um of
er þeir eru í ræðustól á þingi og eiga
að taka afstöðu til þess máls sem er á
dagskrá, að þá fara þeir að halda
framboðsræður og skamma and-
stæðingana fyrir það sem þeir gerðu
fyrir löngu og nota svo örfáar mín-
útur til þess, í restina, að taka af-
stöðu til málsins sem er til umræðu.
Málþóf er einnig ljóður á vinnu-
brögðum þingmanna því okkar kóm-
íska réttlæti byggist á valdi meiri-
hlutans en ofbeldið á valdbeitingu
minnihlutans.
Hvað gerist næst?
Eftir Guðvarð
Jónsson » Alþingismenn þurfa
að gera sér grein
fyrir því að þeim ber að
sjá til þess að þjóðfélag-
ið sé ekki rekið af undir-
heimakóngum.
Guðvarður
Jónsson
Höfundur er eldri borgari.
Móttaka aðsendra greina
Morgunblaðið er vettvangur lifandi umræðu í landinu og birtir aðsendar
greinar alla útgáfudaga.
Þeir sem vilja senda Morgunblaðinu greinar eru vinsamlega beðnir að
nota innsendikerfi blaðsins. Kerfið er auðvelt í notkun og tryggir öryggi í
samskiptum milli starfsfólks Morgunblaðsins og höfunda. Morgunblaðið
birtir ekki greinar sem einnig eru sendar á aðra miðla.
Að senda grein
Kerfið er aðgengilegt undir Morgunblaðslógóinu efst í hægra horni for-
síðu mbl.is. Þegar smellt er á lógóið birtist felligluggi þar sem liðurinn
„Senda inn grein“ er valinn.
Í fyrsta skipti sem innsendikerfið er notað þarf notandinn að nýskrá sig
inn í kerfið. Ítarlegar leiðbeiningar fylgja hverju þrepi í skráningarferlinu.
Eftir að viðkomandi hefur skráð sig sem notanda í kerfið er nóg að slá inn
kennitölu notanda og lykilorð til að opna svæðið. Hægt er að senda greinar
allan sólarhringinn.
Nánari upplýsingar veitir starfsfólk Morgunblaðsins alla virka daga í síma
569-1100 frá kl. 8-18.
fasteignir