Morgunblaðið - 17.11.2016, Side 18

18 FRÉTTIRErlent
MORGUNBLAÐIÐ FIMMTUDAGUR 17. NÓVEMBER 2016
Ármúla 24 - s. 585 2800 - www.rafkaup.is
Opið virka daga 9-18, laugardaga 11-16
Ljós á mynd:
POP frá BELID
Bogi Þór Arason
bogi@mbl.is
Donald Trump, verðandi forseti Bandaríkj-
anna, hefur stokkað upp í hópnum sem undir-
býr valdatöku hans og er talið að uppstokkun-
ina megi rekja til deilna í innsta hring hans, að
sögn bandarískra fjölmiðla. Rudy Giuliani,
fyrrverandi borgarstjóri New York, hefur ver-
ið nefndur sem líklegur utanríkisráðherra í
stjórn Trumps en Rand Paul, repúblikani í öld-
ungadeild þingsins, hefur lagst gegn því. John
McCain, annar repúblikani í öldungadeildinni,
hefur gefið til kynna að hann verði Trump
óþægur ljár í þúfu á þinginu og gagnrýnt
áform hans um að bæta samskiptin við stjórn-
völd í Rússlandi.
Uppstokkunin í liði Trumps hófst á föstu-
daginn var þegar hann fól Mike Pence, verð-
andi varaforseta, að fara fyrir hópnum sem
undirbýr valdatökuna. Hann leysti af hólmi
Chris Christie, ríkisstjóra New Jersey, sem
Trump fól að stjórna undirbúningnum fyrir
hálfu ári.
Skýrt var síðan frá því í fyrradag að tveimur
ráðgjöfum í öryggismálum, Mike Rogers og
Matthew Freedman, hefði verið vikið úr undir-
búningshópnum. Mike Rogers hafði verið tal-
inn líklegur til að verða yfirmaður leyniþjón-
ustunnar CIA. The Wall Street Journal kvaðst
hafa heimildir fyrir því að Rogers hefði verið
sagt að öllum sem Chris Christie valdi í hópinn
yrði vikið úr honum.
Erjunum lýst sem „hnífaslag“
Bandarískir fjölmiðlar segja að tengdasonur
Trumps og einn af nánustu ráðgjöfum hans,
Jared Kushner, standi á bak við uppstokkun-
ina. Ástæðan er sögð sú að Chris Christie var
ríkissaksóknari í New Jersey þegar faðir
Kushners var saksóttur og dæmdur í tveggja
ára fangelsi fyrir skattsvik og brot á lögum um
framlög til kosningabaráttu árið 2004. Faðir
Kushners viðurkenndi þá að hann hefði fengið
vændiskonu til að tæla mág hans til fylgilags
við sig og tekið myndir af þeim hafa samfarir.
Hann sendi síðan systur sinni og máginum
myndirnar til að reyna að þvinga þau til að
neita að bera vitni gegn honum.
Fréttaskýrendur CNN-sjónvarpsins segja
að heimildarmenn, sem tengist undirbúnings-
hópnum, hafi lýst innanflokkserjum repúblik-
ana í tengslum við hann sem „hnífaslag“. CNN
hefur þó eftir samstarfsmanni Chris Christie
að fréttir um „hreinsanir“ í undirbúnings-
hópnum séu ýkjur. Sumir þeirra sem Christie
hafi valið séu enn í hópnum.
Andvígur „herskáum íhlutunarsinnum“
The Wall Street Journal segir að öldunga-
deildarþingmaðurinn Rand Paul, repúblikani
frá Kentucky, hafi lagst gegn því að Rudy
Giuliani verði utanríkisráðherra í stjórn
Trumps. Paul hefur m.a. gagnrýnt borgar-
stjórann fyrrverandi fyrir að hafa hvatt til loft-
árása á Íran í fyrra.
John Bolton, sendiherra Bandaríkjanna hjá
Sameinuðu þjóðunum í forsetatíð George W.
Bush, hefur einnig verið nefndur sem líklegur
utanríkisráðherra en Rand Paul er andvígur
honum vegna stuðnings hans við innrásina í
Írak árið 2003. Þingmaðurinn lýsir Giuliani og
Bolton sem „herskáum íhlutunarsinnum“ í
utanríkismálum. „Ég get ekki stutt neinn í
embætti utanríkisráðherra sem lærði ekki af
Íraksstríðinu.“
John McCain, formaður hermálanefndar
öldungadeildarinnar, hefur gagnrýnt áform
Trumps um að bæta samskiptin við Rússland
og sakað Vladimír Pútín, forseta Rússlands,
um harðstjórn, morð á pólitískum andstæðing-
um, innrás í grannríki, hótanir í garð banda-
manna Bandaríkjanna og tilraunir til að hafa
áhrif á kosningar í Bandaríkjunum. „Síðustu
tilraun stjórnar Obama til að bæta tengslin við
Rússland lauk með því að Pútín fyrirskipaði
innrás í Úkraínu og hernaðaríhlutun í Mið-
Austurlöndum,“ sagði McCain í yfirlýsingu.
Hann bætti við að með annarri tilraun til að
vingast við stjórnvöld í Rússlandi yrðu Banda-
ríkin samsek um fjöldamorð hersveita Pútíns
og einræðisstjórnarinnar í Sýrlandi á saklausu
fólki í landinu. „Það er verð sem mikil þjóð eins
og Bandaríkjamenn getur ekki sætt sig við.
Þegar Bandaríkin hafa risið hæst hafa þau
staðið með þeim sem berjast gegn harðstjórn.
Þar þurfum við að standa aftur.“
Erjur í innsta hring Trumps
 Tengdasonur talinn standa á bak við uppstokkun á undirbúningshópi  Repúblikani í öldungadeild-
inni andvígur því að Giuliani verði utanríkisráðherra  McCain leggst gegn bættum tengslum við Rússa
Reince Priebus verður skrifstofustjóri Hvíta hússins og Stephen Bannon aðalráðgjafi forsetans en hverjir fleiri verða í innsta hring hans?
Donald Trump velur menn í mikilvæg embætti
Reince Priebus
Rudy Giuliani
Newt Gingrich
Úr viðskiptalífinu
Steve Mnuchin
Stjórnaði vefsíðunni
breitbart.com,
var kosningastjóri
Trumps
Þingið
Jared Kushner
Michael Flynn
Harold Hamm
Ivanka Trump
Fjölskyldan
Yfirmenn í Hvíta húsinu
Öldungadeildarþingm.
frá Alabama
Jeff Sessions
69 ára
Öldungadeildarþm.
frá Tennessee
Utanríkismál
Flokksmenn
John Bolton
44 ára
35 ára
Formaður landsnefndar
Repúblikanaflokksins
Ráðnir 13. nóvember
72
Fyrrv. borgarstjóri
NewYork
(1994-2001)
73 ára
Bob Corker
64 ára
Skrifstofustjóri
70 ára
62 ára
Forstjóri
olíufyrirtækis
53 ára
Fjármálastjóri
Trumps í
kosningabaráttunni
Steve Bannon
Aðalráðgjafi
Chris Christie
Fyrrv. forstjóri
Nucor Steel
54
Ríkisstjóri
New Jersey
65 ára
Daniel DiMicco Eric Trump
Sonur Trumps
32 ára
Sonur Trumps
38 ára
Donald Trump yngri
58
Fyrrverandi yfirmaður
leyniþjónustu varnar-
málaráðuneytisins (DIA)
67 ára
Fyrrverandi sendi-
herra Bandaríkjanna
hjá Sameinuðu
þjóðunum
Dóttir Trumps
35 ára
Eiginmaður Ivönku
Fyrrverand forseti
fulltrúadeildar
Bandaríkjaþings
Neitar fréttum um ringulreið
» Donald Trump sagði í gær að ekkert
væri hæft í fréttum um að undirbún-
ingurinn fyrir valdatöku hans ein-
kenndist af ringulreið og leiðtogar ann-
arra landa hefðu kvartað yfir því að
erfitt væri að ná sambandi við hann.
» Trump sagði að undirbúningurinn
gengi „vel og skipulega fyrir sig“ og
kvaðst vera að velja menn í ríkisstjórn-
ina og mikilvæg embætti. „Ég er sá eini
sem veit hverjir komast í úrslitin,“
sagði hann.
» Talið er að Donald Trump skipi alls
um 4.000 embættismenn.
Sænska akademían skýrði í gær frá
því að bandaríska söngvaskáldið
Bob Dylan hygðist ekki fara til
Stokkhólms í desember til að taka á
móti bókmenntaverðlaunum Nóbels.
Þetta kæmi fram í bréfi sem aka-
demían hefði fengið frá honum.
Í yfirlýsingu frá akademíunni
sagði að Dylan hefði skýrt frá því að
hann gæti ekki veitt verðlaununum
viðtöku í Stokkhólmi 10. desember
vegna þess að hann hefði áður skuld-
bundið sig til að vera annars staðar.
„Hann lagði aftur áherslu á að hon-
um þætti það mikill heiður að fá
verðlaunin og vildi geta veitt þeim
viðtöku sjálfur.“
Akademían sagði að það væri
„óvenjulegt“ en ekki fordæmalaust
að handhafi bókmenntaverðlauna
Nóbels færi ekki til Stokkhólms til
að taka við þeim. Á meðal þeirra sem
ekki hefðu getað veitt verðlaununum
viðtöku væru Doris Lessing, Harold
Pinter og Elfriede Jelinek.
Dylan svaraði ekki símhring-
ingum nóbelsverðlaunanefndarinnar
eftir að tilkynnt var í október að
hann fengi verðlaunin í ár. Það varð
til þess að einn nefndarmannanna
sakaði hann um hroka og dónaskap.
Um hálfum mánuði síðar skýrði
verðlaunanefndin frá því að Dylan
hefði hringt í Söru Danius, fram-
kvæmdastjóra sænsku akademíunn-
ar, og sagt að fréttirnar um að hann
hlyti Nóbelsverðlaunin hefðu gert
hann orðlausan. Honum þætti afar
vænt um þann heiður sem honum
væri sýndur.
Bob Dylan er fyrsti tónlistarmað-
urinn sem hreppir bókmenntaverð-
laun Nóbels og fyrsti Bandaríkja-
maðurinn frá því að Toni Morrison
varð heiðursins aðnjótandi árið 1993.
Dylan fer ekki
til Stokkhólms
 Veitir ekki Nóbelnum viðtöku
AFP
Nóbelsskáld Bob Dylan á tónleikum
í Kaliforníu í júlí síðastliðnum.