Dagblaðið Vísir - DV - 15.05.2015, Blaðsíða 55

Helgarblað 15.–18. maí 2015 Menning 55
dk Viðskiptahugbúnaður
- Þróaður fyrir íslenskar aðstæður
- Öruggur, einfaldur í notkun og veitir
góða yfirsýn yfir rekstur fyrirtækisins
- Yfir 5.000 fyrirtæki á Íslandi nýta sér
þjónustu okkar
dk POS afgreiðslukerfið
- Hraðvirkt og einfalt í notkun
- Eitt öflugasta afgreiðslukerfið á markaðnum í dag
- Yfir 900 afgreiðslukerfi um land allt
dk Vistun
- Heildarlausn í hýsingu forrita og gagna
- Örugg vistun og framúrskarandi þjónusta
dk hugbúnaður
Bæjarhálsi 1, 110 Reykjavík
Sími: 510 5800
www.dk.is
Íslenskur hugbúnaður í 16 ár
Veldu íslenskan
hugbúnað
Tíu áhugaverðir listviðburðir
Svartar fjaðrir
Það er Sigríður Soffía Níelsdóttir sem
stýrir Svörtum fjöðrum, en verkið er byggt á
fyrstu ljóðabók Davíðs Stefánssonar, sem
var aðeins 24 ára þegar hann sendi hana
frá sér. Sigríður Soffía er líklega þekktust
á meðal almennings fyrir áhugaverðar
flugeldasýningar á Menningarnótt, sem
voru uppbyggðar líkt og danssýning. Meðal
leikara er Ingvar E. Sigurðsson, en Jónas Sen
og Valdimar Jóhannsson sjá um tónlist og
Hildur Yeoman sér um búninga.
Hvar: Þjóðleikhúsið Hvenær: 13. til 31. maí.
Innsetning í bíó Elín Hansdóttir er einn af efnilegustu myndlistar­
mönnum þjóðarinnar en innsetningar hennar hafa að jafnaði vakið mikla athygli.
Hún sýnir verkið Supsension of disbelief á listahátíðinni en verkið var opnað í mars
síðastliðnum í KW Institute for Contemporary Art í Berlín og var unnið sérstaklega
inn í rými sýningarstaðarins. Segja má að verkið sé tilraun til að afhjúpa nýjar víddir í
skynrænni upplifun þvert á þau mæri sem liggja á milli þrívíðra miðla og kvikmynda­
miðilsins. Aðeins kvikmyndaverkið verður sýnt í Bíó Paradís en það er bróðir Elínar,
Úlfur Hansson, sem sér um hljóðmyndina. Þá sér Margrét Bjarnadóttir um hreyfingar. Á
bak við tökuvélina er Frerk Linz kvikmyndagerðarmaður.
Hvar: Bíó Paradís Hvenær: 15. maí.
Íslenskt tónverk frumflutt
Nicola Lolli, nýr konsertmeistari Sinfóníuhljómsveitar Íslands,
og píanistinn Domenico Codispoti munu frumflytja verk
Þuríðar Jónsdóttur, Solid Hologram. Verkið var samið að
beiðni Listahátíðarinnar. Þuríður hefur samið verk af ýmsum
toga, sum þeirra studd rafhljóðum, þátttöku áheyrenda,
leikrænum tilburðum eða náttúruhljóðum. Verk hennar hafa
verið tilnefnd til Íslensku tónlistarverðlaunanna og Rostrum,
alþjóðlegu tónskáldaþingi útvarpsstöðva (UNESCO). Þuríður
var tilnefnd til Tónskáldaverðlauna Norðurlandaráðs 2006,
2010 og 2012.
Hvar: Harpa, Norðurljós Hvenær: 29. maí.
Ósómaljóð með Megasi og Skúla
Megas og Skúli Sverrisson, ásamt hljómsveit, frumflytja Ósómaljóð Þorvalds Þorsteins­
sonar í heild sinni á Listahátíð Reykjavíkur. Þorvaldur samdi ljóðin einhvern tímann undir
lok níunda áratugarins en leyfði síðan Megasi, sem var skólafélagi hans, að heyra ljóðin og
leist söngvaskáldinu vel á. Þorvaldur fór að vinna með lögin aftur og notaði hljómborð sem
Helena kona hans gaf honum í jólagjöf en aðeins fáum vikur síðar varð hann bráðkvaddur á
heimili þeirra í Antwerpen í Belgíu. Í ljóðunum tala ímyndaðar persónur sem þusast út í lífið
og samfélagið.
Hvar: Gamla Bíó Hvenær: 26. maí.
Óður til eilífðar
Gyðu Valtýsdóttur þekkja margir en hún
gerði garðinn frægan með hljómsveitinni
Múm ásamt tvíburasystur sinni Kristínu.
Gyða hefur getið sér gott orð sem tónlistar­
og sviðslistamaður síðustu ár. Hún mun
flytja verkið Galagalactic í tónleikasaln­
um Mengi en salurinn var tilnefndur til
Menningarverðlauna DV á síðasta ári. Verk
Gyðu er lýst sem óði til eilífðarinnar. Auk
þess að hafa verið í Múm er Gyða búin með
meistaranám í sellóleik og hefur spilað með
fjölda listamanna.
Hvar: Mengi Hvenær: 6. júní.