Fréttatíminn - 12.02.2016, Side 19

|19fréttatíminn | Helgin 12. febrúar–14. febrúar 2016
Langþráður draumur Geirs
Gunnarssonar rættist á dög-
unum þegar hann fékk sína
fyrstu vinnu eftir að hafa setið
í fangelsi í 17 ár. Geir gat ekki
sofið fyrir spenningi nóttina
fyrir fyrsta vinnudaginn.
Það hefur verið draumur Geirs í ára-
raðir að losna úr fangelsi og verða betri
maður. Hann þráði að lifa eðlilegu lífi
og geta staðið á eigin fótum.
Á dögunum sótti hann um vinnu í
íþróttavöruversluninni Sports Direct.
„Ég fékk vinnuna þó ég hafi aldrei
unnið í svona umhverfi áður. Konan
sem réði mig þekkti söguna mína úr
fréttunum svo það hjálpaði aðeins til
að þurfa ekki fara yfir hana. Mér finnst
mjög skemmtilegt að geta gert eitthvað
sem er alveg nýtt fyrir mér. Nú hef ég
bara unnið hér í tvo daga og mér líst
mjög vel á.“
Geir vinnur í þjónustudeildinni og
var á afgreiðslukassa fyrsta daginn. „Ég
gerði mitt besta en það er margt nýtt
að læra. Ég gleymdi til dæmis að taka
þjófavörnina af allnokkrum vörum og
þarf að læra að fylgjast betur með því.“
Átján ár eru síðan Geir var síðast í
vinnu utan fangelsisins. Hann fann
því fyrir mikilli tilhlökkun að byrja í
nýju starfi og var andvaka aðfararnótt
fyrsta vinnudagsins. „Ég vaknaði klukk-
an þrjú um nóttina, alltof spenntur.“
Til að ná niður stressinu fékk hann sér
göngutúr um Elliðaárdalinn á fimmta
tímanum og mætti svo hress til vinnu
um morguninn.
Árið 1998 hlaut Geir 20 ára fangelsis-
dóm fyrir alvarlega líkamsárás og sat
inni í 17 ár. Það er næstum tvöfalt leng-
ur en morðingjar þurfa að sitja inni á
Íslandi. Geir afplánaði dóminn í örygg-
isfangelsi í Bandaríkjunum við bágar
aðstæður og varð fljótt staðráðinn í að
bæta upp fyrir gjörðir sínar. Hann var
látinn laus í september í fyrra og sneri
þá aftur til Íslands. Síðan hefur hann
unnið að því að byggja sig upp og að-
lagast gjörbreyttu samfélagi. -þt
„Það er synd að karlmenn
skuli missa af starfi sem
veitir mikla gleði, aðeins
vegna úreltra staðalímynda.“
„Mér finnst þetta ekki lagi,“ segir
Egill Óskarsson leikskólakenn-
ari um þá staðreynd að aðeins 1%
leikskólakennara séu karlmenn.
Egill flytur erindi um sína leið að
starfinu á ráðstefnunni Karlar í
yngri barna kennslu sem fer fram
í dag, föstudaginn 12. febrúar,
á Grand Hótel. „Við þurfum að
fjölga körlum í stéttinni fyrst og
fremst því þetta er svo skemmti-
legt starf og því synd að það skuli
ekki hvarfla að ungum strákum
að þetta geti orðið framtíðar-
starfsvettvangur. Það er synd að
karlmenn skuli missa af starfi sem
veitir mikla gleði, aðeins vegna úr-
eltra staðalímynda. Ef við værum
fleiri sæu fleiri þetta sem mögu-
legan starfsvettvang og þess vegna
þurfum við að hækka þessa tölu.
Ég held að það sé líka öllum vinnu-
stöðum gott að menningin sé sem
blönduðust og á leikskólum verður
þannig meiri fjölbreytni í því sem
gert er fyrir börnin.“
Egill er ekki viss um að fjölgun
karla í stéttinni myndi hafa áhrif
á launin, aðrar kennarastéttir
þar sem fleiri karlmenn séu til
staðar séu ekki með glimrandi
hærri laun en leikskólakennarar.
Það voru ekki launin sem drógu
hann í stéttina. „Ég fór þessa leið
sem margir karlmenn í þessari
stétt hafa farið, langaði í vinnu
sem væri skemmtileg og datt
óvart hérna inn. Ég hef alltaf haft
gaman af börnum og svo áttaði
ég mig smátt og smátt á því að
faglegi hlutinn er mjög skemmti-
legur líka. Það sem hvatti mig svo
að lokum til að fá leyfisbréfið var
sú stefna Kópavogsbæjar að borga
mér laun á meðan náminu stóð en
skuldbatt mig í staðinn til að vinna
í tvö ár eftir útskrift hjá leikskóla í
bænum.“ | hh
Andvaka fyrir fyrsta vinnudaginn
Geir Gunnarsson í nýju
vinnunni í Sports Direct.
Mynd | Rut
Agli Óskarssyni leik-
skólakennara finnst
ekki í lagi að einungis
1% leikskólakennara
séu karlkyns.
Vantar karlkyns
fyrirmyndir í
leikskólana
Mynd | Rut