Tímarit hjúkrunarfræðinga - 01.10.2001, Qupperneq 37

Helga Birna Ingimundardóttir
hagfræðingur
Hvað þýðír Að \a
tímAkAup sem verktaki?
i 2. tbl. Tímarits hjúkrunarfræðinga
frá apríl 1999 er tekið saman yfirlit
yfir mismun á réttindum verktaka
annars vegar og hjúkrunarfræðinga í
opinberri þjónustu hins vegar. í þeirri
samantekt kemur fram að mikill
munur er á réttindum þessara
tveggja hópa. Fyrirspurnir til Félags
íslenskra hjúkrunarfræðinga vegna
þessa eru mjög tíðar. Hjúkrunarfræðingar leita í auknum
mæli á mið hjúkrunar á almenna markaðinum. Því er
eðlilegt að þeir velti fyrir sér þeim mun sem er á kaupi og
kjörum annars vegar hjá ríki og hins vegar á almenna
markaðinum. Hér er tekið saman sams konar yfirlit og
birtist í nefndu tímariti frá apríl 1999 og tölur uppfærðar
miðað við t.d. breyttan veikindarétt og ný
fæðingarorlofslög.
Mismunur á helstu réttindum verktaka og hjúkrunarfræðinga í opinberri þjónustu ríkisins
Réttindi/kjör Hjúkrunarfræðingur í opinberri þjónustu hjá ríkinu Verktaki
Laun í veikindum: Full laun í 1/2 - 12 mánuði. Engin laun.
Laun í barnsburðarleyfi: 80% heildarlauna frá Tryggingastofnun ríkisins á grundvelli laga um fæðingar- og foreldraorlof nr. 95/2000. Fjölskyldu- og styrktarsjóður greiðir mis- mun sem vera kann á eldri reglugerð um barns- burðarleyfi og 80% heildarlauna frá TR. 80% heildarlauna frá Tryggingastofnun ríkisins á grundvelli laga um fæðingar- og foreldraorlof nr. 95/2000.
Hlutur atvinnurekanda í greiðslum í lífeyrissjóð: 6% í lífeyrissjóð hjúkrunarfræðinga. 11,5% í A-deild LSR. Enginn, vektaki verður sjálfur að standa skil á öllum greiðslum í lífeyrissjóð skv. lögum.
Laun í orlofi: Laun í 24 - 30 daga og greiðsla orlofs á álags- og yfirvinnu. Engin laun.
Laun á sérstökum frídögum og stórhátíðum: Já. Engin laun á frídögum, aðeins greitt fyrir unnar klukkustundir.
Kaffitímar: Greiddar 15 mínútur á hverja vakt í yfirvinnu hjá vaktavinnufólki í 100% starfi. Dagvinnumenn eiga rétt á matar- og kaffitímum skv. kjarasamningi. Engin launuð neysluhlé.
Endurmenntun og námsleyfi: Námsleyfi ávinnst skv. kjarasamningi, 1 1/2 dagur fyrir hvern mánuð í starfi. Endurmenntunarkostn- aður er greiddur skv. ákveðnum reglum í kjara- samningi. Taka námsleyfisins er háð samþykki stjórnar stofnunar. Enginn réttur.
Uppsagnarfrestur: 3 mánuðir hjá fastráðnum hjúkrunarfræðingum. Að jafnaði enginn nema um það sé sérstaklega samið.
Slysatrygging: Hjúkrunarfræðingar er skv. kjarasamningi slysatryggður vegna andláts eða varanlegrar örorku. Tryggingin gildir allan sólarhringinn. Verktaki þarf sjálfur að kaupa sér slysatryggingar.
Réttindi úr orlofssjóði: Atvinnurekandi greiðir 0,25% af heildarlaunum í orlofssjóð. Nei.
Tímarit hjúkrunarfræðinga • 4. tbl. 77. árg. 2001
261