Tímarit hjúkrunarfræðinga - 01.06.2006, Side 14

Margrét Margeirsdóttir, formaður Félags eldri borgara í Reykjavík og nágrenni, margret.margeirsdottir@isl.is
„ALDRAÐIR EIGA AÐ FÁ TÆKIFÆRI TIL AÐ LIFA MEÐ REISN
TIL ÆVILOKA" - ályktanir Félags eldri borgara
Á síðasta aðalfundi Félags eldri borgara
í Reykjavík og nágrenni 18. febrúar sl.
voru samþykktar fjölmargar ályktanir
og áskoranir til stjórnvalda, bæði ríkis-
stjórnarinnar og borgarstjórnar Reykjavíkur,
varðandi brýn verkefni sem bíða úrlausnar
í málefnum eldri borgara. Hér á eftir verður
gerð grein fyrir nokkrum þeirra.
Félag eldri borgara telur að núgildandi
lög um málefni aldraðra séu úrelt og ekki
í takti við nútímaleg viðhorf og dragbítur
á eðlilega og nauðsynlega framþróun
í þessum málaflokki. Þess vegna var
skorað í ríkisstjórnina að beita sér fyrir
endurskoðun á lögunum. Sú endurskoðun
á m.a. að fela í sér eftirfarandi:
Að undirbúa flutning málefna aldraðra frá
ríki til sveitarfélaga þannig að stjórnsýsla
og ábyrgð verði hjá einum aðila, en slíkt
er grundvallaratriði.
Að marka heildarstefnu í málum aldraðra
sem byggi á jafnrétti og mannréttindum.
Að marka nýja stefnu í búsetumálum
þar sem ýmsir kostir séu til staðar í
samræmi við óskir og þarfir eldri borgara,
s.s. þjónustuíbúðir, leiguíbúðir, hjúkrunar-
íbúðir, sambýli o.fl. Mikilvægt er að
tryggja öryggi og 'sjálfræði eldra fólks í
sjálfstæðri búsetu.
Að setja skýr ákvæði um heimaþjónustu,
dagdvöl (dagvistun) og hvíldarinnlagnir.
Að setja ákvæði í lögin um réttindagæslu
aldraðra. Vitað er að réttindi þeirra eru oft
fyrir borð borin, bæði utan stofnana sem
og innan þeirra. í þessu sambandi má vitna
í lög um málefni fatlaðra frá 1992 þar sem
eru ýtarleg ákvæði um réttindagæslu.
Að breyta fyrirkomulagi greiðslna íbúa á
dvalar- og hjúkrunarheimilum þannig að
þeir haldi áfram fjárforræði sínu Samkvæmt
núgildandi lögum fellur niður ellilífeyrir og
allar aðrar bætur frá Tryggingastofnun
ríkisins og rennur beint til stofnunarinnar
þegar aldraðir eru vistaðir á dvalar- og
hjúkrunarheimilum, án þess að viðkomandi
fái nokkru ráðið um það.
Félag eldri borgara samþykkti einnig
áskorun til ríkisstjórnarinnar um að láta
fara fram endurskoðun á lögum um
almannatryggingar með það m.a. að
markmiði:
Að einfalda kerfi lífeyristrygginga svo að
það verði sem auðskildast og jafnframt
virkast fyrir þá sem byggja meginafkomu
sína á því.
Að fækka bótaflokkum og skilgreina þá
upp á nýtt.
Að stefna markvisst að þvi' að fella niður
eða draga verulega úr tekjutengingum
bótafiokka til þess að áhrif jaðarskatta
verði ekki svo tilfinnanleg sem þau eru nú.
Að tryggja að öryrkjar, sem hafa til
67 ára aldurs notið aldurstengdrar
örorkuuppbótar, fái áfram haldið
þessum áunna bótaflokki.
Að endurskoða ákvæðið um endurkröfu
lífeyrisgreiðslna T ryggingastofnunar
ríkisins þar sem heimildin er alltof rúm
eins og hún er nú.
Félagið skorar einnig á ríkisstjórnina að
láta fara fram stjórnsýsluúttekt á starfsemi
Tryggingastofnunar ríkisins. Sérstaklega
verði skoðað hvernig unnt sé að bæta
upplýsingar og þjónustu og gera starf-
semina skilvirkari. í greinargerð með
þessari síðustu áskorun kemur fram að
á undanförnum árum hafa eldri borgarar
í ríkari mæli leitað til skrifstofu Félags
eldri borgara vegna erinda sem snúa að
lífeyrismálum, ofgreiðslum, tekjuskerðingu,
tryggingabótum og öðru sem tengist beint
Tryggingastofnun. Þetta eru mál sem
eðlilegt væri að fengju viðunandi úrlausn
hjá TR en sú virðist ekki vera raunin.
Því miður hafa miklar kvartanir borist til
félagsins varðandi afgreiðslu og samskipti
við TR. Þar sem um fjölda fólks er að
12
Tímarit hjúkrunarfræðinga - 2. tbl. 82. árg. 2006