Ráðunautafundur - 15.02.1994, Page 113

105
Noregs. í Svfþjóð stendur hrossarækt og hestamennska á mjög gömlum og traustum merg.
Þar í landi átti svipuð þróun sér stað og hér á landi að mjög dró úr hrossaeign um miðbik
aldarinnar en síðastu tuttugu árin eða svo hefur mikil uppsveifla átt sér stað í hrossarækt og
hestamennsku með tilheyrandi fjölgun hrossa. Þjóðlegu hrossakynin í Svíþjóð eru Gotlands-
hestar og Norðursænsku dráttarhestamir. Sum hinna hrossakynjanna sem nú eru til í Svíþjóð
eiga sér síðan margra alda ræktunarsögu í landinu. Reiðmennska er vinsæl íþrótt í Svíþjóð og
veðreiðar, einkum brokkið, njóta einnig gífurlegra vinsælda. Ræktun hins alþjóðlega veðreiða-
brokkhests stendur enda mjög framarlega í Svíþjóð. í Finnlandi hefur gamla landkynið finnska
afar sterka stöðu miðað við landkyrún í Danmörku, Noregi og Svíþjóð en veðreiðabrokkarar
eru þó algengasta kynið í landinu núorðið.
Hrossakynin á Norðurlöndum
12. til 5. töflu eru fjölþættar upplýsingar um hrossahald og hrossarækt á Norðurlöndum en hér
á eftir verða hrossakynin er koma fyrir í framanskráðum töflum kynnt stuttlega. Danski
fullblóðshesturinn er tilkominn við blöndun Friðriksborgarhestsins og Oldenborgarhestsins.
Friðriksborgarhesturinn er traustbyggður og glæsilegur brúkunarhestur, t.d. til að draga létti-
vagna. Oldenborgarhesturinn er mjög frambærilegur iþróttahestur einkum er hann vel hæfur til
að nota í hlýðnikeppnum. Danska fullblóðshestakynið var síðan kynbætt enn frekar með
innblöndun veðreiðahrossa en við ræktun danska fullblóðshestsins hafa menn ætíð verið opnir
fyrir möguleikum kynblöndunar og þess vegna hefur ýmsum fleiri hrossakynjum verið blandað
í kynið sem ekki verður gerð frekari grein fyrir hér.
Ræktun annarra fullblóðshesta á Norðurlöndum á sér á margan hátt hliðstæða sögu og
ræktun þess danska að vísu koma Friðriksborgar hestar og Oldenborgar hestar ekki að ráði þar
við sögu en enski veðreiðahesturinn hefur í öllum tilvikum veigamiklu hlutverki að gegna.
Veðreiðahestarnir (hlaupahestar) eru enskir að uppruna eins og um var getið og hafa dreifst
víða um heim og er ræktun þeirra stunduð mjög víða. Veðreiðabrokkararnir eru einnig alþjóð-
legt hrossakyn sem upprunnið er í Englandi en hefur á seinni túnum verið ræktað hvað mest í
Bandaríkjunum. Svíar eru stórræktendur veðreiðabrokkhestsins á alþjóðlegan mælikvarða.
Við ræktun veðreiðastökkhesta og veðreiðabrokkara koma arabískir hestar mikið við
sögu. Þá gerist vart þörf að kynna en hreinræktun araba hefur gengið frekar illa nú á síðari
tímum. Arabískir hestar eru þrekmiklir og þolnir en að öðru leyti hitta þeir fyrir ofjarla sína í
öðrum hrossakyjum þó þau hrossakyn hafi flest hver einhvemtíma verið kynbætt með arab-
anum.
Trakehner hestar em fríðir og fagurskapaðir, þeir em afskaplega hæfir og þolnir
keppnishestar í hestaíþróttum, t.d. hindmnarstökki.
Knabstruphesturinn er ekki algengur nú orðið, hann var ræktaður í Danmörku fyrr á
öldum og stóð sú ræktun með mestum blóma á nítjándu öld. Knabstruphesturinn er auð-
þekktur af litnum, dropaskjóttur. Hann var t.d. vinsæll sirkushestur.