Ráðunautafundur - 15.02.1994, Side 160

152
FRAMKVÆMD
í viðauka er sýnieintak af eyðublöðunum sem nota á við skráninguna. (Til að spara pláss var
formið einfaldað nokkuð). Skráningin nær einungis til atriða sem breytast lítið, til skemmri
tíma litið. Það veldur því að gagnagrunnurinn heldur gildi sínu lengi og þarf lítillar endur-
nýjunar við. Komið hafa fram hugmyndir um að nýta gögn úr fjósaskoðun dýralækna til að
fylgjast með skammtímabreytingum, sé þess óskað.
Ljóst er að hér er um viðamikið verkefni að ræða, en þó ætti söfnun og skráning gagna
ekki að kosta meiri vinnu en sem nemur einu til einu og hálfu ársverki. Ef Búnaðar-
samböndin eru reiðubúin til að taka þessa vinnu að sér, skiptist hún á allmarga aðila og ef
skipulega er að verki staðið má fella skráninguna að öðru leiðbeiningastarfi. Fyrir þá
ráðunauta sem vilja miðla betur þekkingu um aðbúnað og hirðingu nautgripa, skapar
skráningin tilefni til heimsókna og góðan umræðugrundvöll.
Skráning og ffumvinnsla fer væntanlega fram í samvinnu Búnaðarfélags íslands og
Rannsóknastofnunar landbúnaðarins.
ÚRVINNSLA
Gagnasafn af því tagi sem hér um ræðir býður upp á nær óendanlega möguleika til úrvinnslu.
Það sem skapar þessum gagnagrunni sérstöðu (miðað við erlenda gagnagrunna) er að hér
mundu nást upplýsingar frá nær öllum ffamleiðendum á landinu. Hér er því ekki um að ræða
úrtak úr stærri hópi eða einhvers konar líkindareikning heldur raunsanna mynd af ástandinu
eins og það er.
Þarfagreining
Á döfinni eru breytingar á gagnasöfnun mjólkureftirlitsmanna. Stefnan er að samræma þeirra
skráningu milli héraða og tengja hana svo með einhveijum hætti þessari fjósaskráningu.
Samtenging við afurðaskýrsluhald og fyrirhugað sjúkdómaskýrsluhald mun gera kleift að
greina áhrif bygginga og innréttinga á afurðir og heilsufar kúnna og gæði afurðanna. Þannig
fæst skýr mynd af því hvaða atriði valda mestu beinu og óbeinu afurðatjóni. Þegar búið er að
safna upplýsingum um algengustu og mikilvægustu gallana í byggingum og innréttingum má
beina leiðbeininga- og rannsóknastarfseminni markvisst þangað sem mest þörf er fyrir hendi.
Er þá bæði átt við fagsvið og markhópa. Þannig má tryggja að rannsóknir og leiðbeiningar
nýtist sem best til að auka hagkvæmni og gæði framleiðslunnar.
Með sama móti skapast grundvöllur til að meta kosti og galla fjósanna með tilliti til
vinnuumhverfis bóndans en með aukinni sérhæfingu og einhæfari störfum eykst mikilvægi
þessa málaflokks. Að lokum má nefna að svona upplýsingar auðvelda framtíðarskipu-
lagningu stoðgreinanna með því að sýna endingu og endumýjunarþörf bygginga og
innréttinga.