Ráðunautafundur - 15.02.1994, Side 170

162
3.2 Salan er kostnaðarsöm
Hagsmunaárekstrar sem þessir eru auðvitað eilífðarþrætumál í öllum greinum, en raunverulega
vandamálið liggur í því hversu dýrt það er að selja ferðaþjónustu á vegum bænda erlendis.
Salan er ekki dýr eingöngu miUiliðanna vegna, heldur þarf margar aðgerðir til þess að fram-
kvæma söluna. Þegar hver eining er mjög lítil þá nægja launin ekki fyrir kostnaðinum.
Styrkur ferðaþjónustu á vegum bænda liggur í fjölbreyttri vöru, en jafnframt er þetta
helsti veikleikinn, 100-150 aðilar um allt land með mismunandi aðstöðu og afþreyingu. Þetta
virkar mjög flókið fyrir sölufólk hérlendis, hvað þá fyrir erlent sölufólk sem lítið þekkir til.
Viðskiptavinurinn vill upplýsingar og ef hann er hið minnsta óöruggur leiðir það til mikilla og
nákvæmra spuminga sem sölufólkið hefur ekki svör við. Niðurstaðan er oft sú að viðskipta-
vinurinn kaupir aðra þjónustu eða ekkert.
Eftir slíka reynslu getur sölumaðurinn jafhvel forðast þjónustu bænda og beint við-
skiptavinum inn á aðrar brautir, "til þess að losna við vesenið."
3.3 Tölvuvœðing
Vandamál eins og þau sem hér hefur verið lýst eru alls ekkert séríslenskt fyrirbrigði, heldur vel
þekkt um alla Evrópu í tengslum við ferðaþjónustu í dreifbýli.
í leit leiða til einföldunar á söluferlinum þá horfa menn til tæknivæðingar og tölvukerfa.
Sem dæmi má nefna að Ferðaþjónusta bænda í Frakklandi er með tvö kerfi, sérhæft sölukerfi
sem byggir eingöngu á sölu til einstaklinga og kerft sem fer í gegnum ferðaskrifstofu sem þeir
eiga sjálfir.
í írlandi hafa menn í gegnum Evrópusamstarf með ítölum og Frökkum verið að vinna
við að útbúa kerfi fyrir ferðaþjónustu í dreifbýli sem sameinar bæði upplýsingasöfnun og
sölumöguleika. Tölvuvæðingu hjá Ferðaþjónustu bænda verður komið á í samvinnu við þá.
Það gefur einnig möguleika á að tengjast sameiginlegu evrópsku söluneti innan fárra ára.
Það er öllum ljóst sem vinna við sölu á ferðaþjónustu að víða er pottur brotinn í gæða-
málum. Með tölvuvæðingu verða samræmdar gæðakröfur og eftirlit enn mikilvægari. Geti sá
sem notar kerfið og pantar (söluaðilinn/einstaklingurinn) ekki treyst því að það sem þar er á
boðstólnum sé í lagi þá fellur allt um sjálft sig. Menn dæma kerfið ónýtt. Þeir sem ekki upp-
fylla kröfur neytandans munu því ekki fá aðgang að sölukerfinu.
Aukin neytendavemd er einnig staðreynd í Evrópu. Það þýðir að viðskiptavinurinn hefur
í auknum mæli kröfu á söluaðilann og því munu þeir að sjálfsögðu aðeins beina sínum
viðskiptum til traustra aðila.
4.0 KOSTIR OG GALLAR FYRIR BÆNDUR
Þess eru fá dærni að allir séu ánægðir með breytingar sem framkvæmdar eru. Því er víst að
margir bændur munu álíta að tölvuvæðing sé ómöguleg og óþörf og væntanlega mun álit
manna tengjast aðstæðum hvers og eins.