Ráðunautafundur - 15.02.1994, Page 173

165
Eins og sjá má af þessari stuttu sögu er það algert undirstöðuatriði að kröfumar séu
skýrt skilgreindar til þess að eftirlit og leiðbeiningar nái árangri. Þetta sést enn betur á
nokkrum myndum sem mig langar að fá að sýna ykkur núna.
Myndir 1 -12:
Sýnishom af mismunandi aðstöðu á ferðaþjónustubæjum.
2. KRÖFUR HL VEITINGA- OG GISTISTAÐA
Öryggi gesta og hollustuvemd em að sjálfsögðu undirstöðuatriði í allri þjónustu við ferða-
menn. í reglugerð Samgönguráðuneytisins um veitinga- og gististaði er skýrt kveðið á um að
allir staðir sem auglýsa gistingu og veitingar þurfi að hafa fullgild rekstrarleyfi. Til þess að fá
slíkt leyfi þarf að liggja fyrir vottorð heilbrigðisfulltrúa og branaeftirlits um að viðkomandi
staður standist kröfur um öryggismál og hollustuhætti. Því miður er það samt svo að brota-
löm er í eftirlitskerfum þessara aðila og samræming í vinnubrögðum ekki nægjanleg. Sem
dæmi má nefna að einn staðurinn sem ég sýndi myndir frá rétt áðan, þar sem allur búnaður
var ófullnægjandi, rúmin örmjóir bekkir og ein snyrting látin nægja fyrir 15 gesti, var með
vottorð heilbrigðisfulltrúa. Síðastliðin ár hefur Félag Ferðaþjónustubænda verið í auknum
mæli í samvinnu við Hollustuvemd ríkisins og átt fundi með forsvarsmönnum Hollustu-
verndar og heilbrigðisfulltrúum. Trúum við því að með aukinni umræðu um þessi mál færist
þau í betra horf.
Kröfur þær sem Ferðaþjónsta bænda hefur skilgreint fyrir félaga í FFB era einnig
byggðar á reglugerð Samgönguráðuneytisins um veitinga og gististaði, þar sem kveðið er á
um búnað gististaða, rúmastærð og fleira. Að auki kynntum við okkur kröfur og upp-
byggingu eftirlits í ýmsum Evrópulöndum, og ekki má gleyma því að á meðan á þessari
vinnslu stóð vora haldnir fundir með ferðaþjónustubændum sjálfum og þeim gefið tækifæri
til að koma með athugasemdir og tillögur.
3. GÆÐAMÁL OG MARKAÐURINN
Önnur ástæða fyrir að kanna kröfur og gæðaeftirlit í öðram Evrópulöndum er sú að einmitt
þaðan kemur stór hluti gesta ferðaþjónustubænda. Þetta fólk er með ákveðnar væntingar í
huga þegar það kemur á ferðaþjónustubæ á íslandi, jafnt sem annars staðar.
Ferðaþjónusta bænda er ekki auðveld söluvara fyrir ferðaskrifstofur, sérstaklega er-
lendis. Þess vegna er nauðsynlegt fyrir íslenska ferðaþjónustubændur og þeirra starfsmenn að
gera það sem í þeirra valdi stendur til að gera hana aðgengilegri. Lykilatriði þar er flokkun
og samræmt gæðaeftirlit. Markaðurinn er stór og kröfur viðskiptavina mismunandi. Sjálf-
sagt er fyrir ferðaþjónustubændur að aðlaga sig að kröfum dagsins í dag og bjóða sem breið-
asta þjónustu. Sem dæmi um slikt má nefna að margir efnaðir ferðamenn kjósa kyrrð
sveitanna og persónuleg tengsl við gestgjafa þó svo þeir geri kröfu um gistingu með sér
baðherbergi. íslendingar era einnig stór markhópur og kröfuharður. í takt við aukin ferðalög