Morgunblaðið - 05.01.2017, Blaðsíða 58

M
unurinn á handlóðum og
ketilbjöllum er að
þyngdin er fyrir utan
handfangið sem gerir
það að verkum að allar
sveifluæfingar verða allt öðruvísi með
ketilbjöllum,“ útskýrir Helgi þegar
samanburðurinn er borinn undir
hann. „Þetta er svolítið eins og að
binda reipi í handlóð. Flestir kveikja
þegar ég lýsi þeim með þessum
hætti.“
Aðspurður í framhaldinu hvaða
máli það skiptir nákvæmlega við lík-
amsþjálfun, bendir hann á að eins og
hann kenni þátttakendum á ket-
ilbjöllur sé það þannig að aukið sé við
þyngdir með svokölluðum sveifluæf-
ingum mun hraðar og þyngra en
hægt væri með hefðbundnum hand-
lóðum. „Það er af því þú notar mun
fleiri vöðva líkamans þegar þú æfir
með ketilbjöllur, samanborið við
handlóð.“
Ketilbjöllurnar kenna lík-
amanum samhæfingu
Ketilbjöllurnar hafa víðtækari
áhrif en þau að reyna á mismunandi
líkamshluta og vöðvahópa, bendir
Helgi á. Með því að nota jafn marga
vöðva við æfingarnar og raun ber
vitni er einstaklingurinn í stuttu máli
sagt að kenna líkamanum samhæf-
ingu.
„Þú ert að nota vöðvana neðst í
tánum alveg upp í fingurgóma, og alla
þar á milli, þegar þú ert að „henda“
bjöllunni upp í sveiflu. Það er gríð-
arlegur munur á því að annars vegar
taka bjölluna einfaldlega upp af gólf-
inu og lyfta henni þannig, og hins veg-
ar að sveifla henni upp.“
Það má ráða af framangreindu að
líkamsþjálfun með ketilbjöllur felur í
sér talsvert tæknilegar æfingar. Það
er því ráðlegt fyrir óreynda að gera
æfingarnar undir leiðsögn reynds
þjálfara, eða hvað? Helgi hristir höf-
uðið.
„Ráðlegt? Það er einfaldlega nauð-
synlegt. Ég hef einmitt fengið marga
í þjálfun til mín sem hafa farið þá leið-
ina að kaupa sér ketilbjöllu og skoða
svo bara myndskeið á Youtube, sem
innihalda oftar en ekki hluti þar sem
ýmislegt þarf að laga. Í kjölfarið þarf
svo að leiðrétta ýmsar hreyfingar hjá
viðkomandi iðkendum.“
Ketilbjöllur eru fyrir alla
Í ljósi þessa vaknar óneitanlega sú
spurning hvort æfingar með ket-
ilbjöllur séu endilega líkamsþjálfun
fyrir óvana? Þarf ekki að vera í ein-
hverju lágmarksformi til að taka á
bjöllunum? Helgi er fljótur til svars
og minnir á að jafnvel færustu þjálf-
arar hafi einhvern tímann verið óvan-
ir byrjendur.
„Alls ekki, því bjöllurnar eru til í
þyngdum niður í nánast ekki neitt, og
svo upp í ótrúlegar þyngdir. Það er
því til bjalla fyrir bókstaflega alla. Þú
byrjar bara á þeim stað sem þú ert í
það skiptið og vinnur þig svo upp í
meiri þyngdir og erfiðari æfingar.“
En hvað með þær hugmyndir að
þar sem maður heldur á ketilbjöll-
unum sé þá ekki bara verið að þjálfa
upp- og framhandleggsvöðva og
kannski axlirnar í mesta lagi?
„Þær hugmyndir eru mjög miklar
ranghugmyndir,“ svarar Helgi að
bragði. „Í rauninni er maður að nota
fætur, bak og kvið miklu meira en
nokkurn tíma hendur. Æfingarnar
reyna mest á það sem kallast á fag-
slangrinu „core“ eða miðjan.“
Mikilvægi þess að miðja
líkamans sé sterk
Helgi er því næst inntur eftir því
hvers vegna það sé svo mikilvægt að
styrkja miðjuna? Það er jú alþekkt að
margir fara í ræktina til að pumpa
upp brjóstkassann, belgja út upp-
handleggsvöðvana ellegar skafa fit-
una burt af þvottabrettinu, öðru nafni
„six-pakkinu“. Ættu viðkomandi
frekar að huga að miðjunni?
„Grunnurinn að því að ná árangri í
þjálfun annarra vöðva er að þessi
hluti líkamans sé í lagi. Það er ekki
flóknara,“ bendir Helgi á. „Ef þú
mætir reglulega í ræktina og gerir
ekkert annað en að hamast í bekk-
pressunni þá er líklegt að þú lendir í
einhvers konar bakvandamálum fyrr
eða síðar. En með ketilbjöllu-
æfingunum færðu það sem ég kýs að
kalla „hagnýtan styrk“ sem þú finnur
mjög mikinn mun á þegar þú þarft
næst að bera þvottavélina eða álíka.
Eftir eitt námskeið muntu finna ótrú-
legan mun næst þegar þú þarft að
bera eitthvað þungt. Það er öruggt.
Næst þegar þú ert að bera þyngsli á
borð við þvottavél þá ertu ekki að fara
á bakið og pumpa hana,“ bætir Helgi
við og hlær. „Það er lítið gagn að því.
Samhæfingin – þetta með að kenna
líkamanum að nota vöðvana – er það
sem gerir það að verkum að þú kem-
ur til með að kunna að lyfta þungu, í
stað þess að lyfta bara með mjóbak-
inu og vera svo að drepast í bakinu í
framhaldinu. Líkaminn lærir þessa
beitingu. Við leggjum á námskeið-
unum ekki sérstaka áherslu á að læra
að nota alla vöðvana í sjálfu sér held-
ur kemur það af sjálfu sér þegar
þyngdirnar í ketilbjöllunum eru
auknar. Með því að tileinka sér
tæknina sem kennd er á námskeið-
unum þá lærir líkaminn sjálfur hvaða
vöðva hann á að nota til að lyfta þessu
eða hinu upp.“
Bjöllurnar og brennslan
Stóra málið varðandi markmið-
asetningu og aukna ásókn í líkams-
þjálfun í upphafi árs er fitubrennsla,
vel að merkja. Við fyrstu sýn verður
máske ekki séð að ketilbjöllur hafi
þar mikið að segja, en vert er að rifja
upp hvað Helgi sagði hér að framan;
við bjölluæfingar notast maður meira
við fótleggi og miðju en handleggina.
Stærstu vöðvar líkamans eru jú lær-
og rassvöðvar, og segja fræðin ekki
einmitt að vilji maður brenna fitu sé
málið að taka ærlega á stærstu vöðv-
unum? Helgi samsinnir þessu bros-
andi.
„Algjörlega. Bjöllurnar eru gríð-
arlega góð leið til að brenna fitu.
Þetta kallast á fagmálinu „cardio-
based“ lyftingar og eru því mjög
áhrifaríkar. Auðvitað fer fitutap fyrst
og fremst eftir mataræðinu en bjöll-
urnar eru hörkugóð leið til að flýta
fyrir og auka brennslu, með háum
púlsi og tilheyrandi.“
Fyrir áhugasama skal bent á að
hægt er að hafa samband við Helga
gegnum tölvupóstfangið hans sem er
helgi@hhthjalfun.is til að forvitnast
um námskeið, hópatíma og annað
sem snýr að líkamsþjálfun með ketil-
bjöllur.
Að samhæfa og
styrkja líkamann
 Æfingar með svokallaðar ketilbjöllur hafa rutt sér til rúms hér á
landi hin seinni ár og njóta vaxandi vinsælda  En eru ketilbjöllur
nokkuð annað en sérkennilega hönnuð handlóð?  Helgi Þorvalds-
son kennir bæði einstaklingum og hópum á ketilbjöllunámskeiði
hjá World Class og segir talsvert meira í bjöllurnar spunnið
Morgunblaðið/Golli
Rétt þjálfun „Ég hef fengið marga í þjálfun til mín sem hafa farið þá leiðina að kaupa sér ketilbjöllu og skoða svo bara
myndskeið á Youtube, sem innihalda oftar en ekki hluti þar sem ýmislegt þarf að laga,“ segir Helgi Þorvaldsson.
58
MORGUNBLAÐIÐ FIMMTUDAGUR 5. JANÚAR 2017
HUGSAÐUMHEILSUNA
HEFUR OPNAÐ STOFU Í
KLÍNÍKINNI ÁRMÚLA 9
Sérgrein: Almennar skurðlækningar
Sérhæfing í meðferð og aðgerðum vegna offitu
Tímapantanir í síma: 519 7000
Aðalsteinn Arnarson,
Sérfræðingur í almennum skurðlækningum
Klíníkin Ármúla · Ármúla 9 · 108 Reykjavík · Ísland · www.klinikin.is
hollur kostur á 5 mín.
Gríms fiskibollur
Retor sérhæfir sig í íslenskukennslu ásamt því að bjóða ýmsar
fræðslulausnir fyrir innflytjendur. Okkar markmið er að auka verðmæti
mannauðsstofnana og fyrirtækja með fræðslu og tungumálakennslu.
Íslenskukennsla
fyrir erlent starfsafl
Opnunartími mán.-fim. kl. 10.00-21.30, föstudagar lokað.
Retor | Hlíðasmára 8 | 201 Kópavogur | retor.is | retor@retor.is
Hjalti Ómarsson
Framkvæmdastjóri
hjalti@retor.is
Beinn sími: 662-3730
Markmið fyrirtækjalausna Retor Fræðslu
er að aðstoða íslensk fyrirtæki með erlent
starfsafl við að gera íslensku að leiðandi
tungumáli á vinnustöðum.
Mikil tækifæri eru fólgin í þeim mannauð sem skapast á vinnustöðum þar sem
samskipti eru til fyrirmyndar. Með góðum samskiptum eykst starfsánægja og því fylgir
jafnari og betri framlegð í starfi, ásamt því að lágmarka kostnað sem hlýst af starfs-
mannaveltu. Íslenskukennsla fyrir erlent starfsafl er mikilvægur hluti af þessu ferli og
það er sú þjónusta sem við sérhæfum okkur í að veita ásamt ýmiss konar fræðslu sem
við bjóðum uppá og þróum í samstarfi við vinnustaði eftir hentugleika.
ÞÚ FINNUR ALLT Á FINNA.IS