Morgunblaðið - 10.06.2017, Blaðsíða 31

31
MORGUNBLAÐIÐ LAUGARDAGUR 10. JÚNÍ 2017
Stuð Rapparinn Aron Can fór mikinn á tónleikum sem haldnir voru á Esjunni, fjalli Reykvíkinga, í gærkvöldi. Nova bauð og fram komu auk Arons þau Þura Stína, Úlfur Úlfur og Emmsjé Gauti.
Hanna
Benedikt Jóhann-
esson fjármálaráð-
herra og Dagur B.
Eggertsson borg-
arstjóri hafa sent frá
sér viljayfirlýsingu um
skipulagsmál Reykja-
víkur. Í henni felst af-
dráttarlaus stuðningur
fjármálaráðherra við
stefnu borgaryfirvalda
í skipulagsmálum. Það
gefur vísbendingu um, að þessir
flokkar, Björt framtíð, Samfylking
og Viðreisn, muni stilla saman
strengi fyrir borgarstjórnarkosning-
arnar á næsta ári, – og e.t.v. vera
með sameiginlegt framboð. Það er
gott að vera klókur í reikningi en
þótt þrisvar sinnum þrír séu níu er
óvíst að það skili sér í kosningum.
Mér finnst rétt að gera þessar at-
hugasemdir við viljayfirlýsinguna:
1. Benedikt og Dagur sjá fyrir sér
að 150 íbúðir verði reistar á „veður-
stofureitnum“ án þess
að hann sé skýr-
greindur, en beint ligg-
ur við að ætla að þar sé
átt við svæðið austan
við hús Veðurstof-
unnar. Þar er reiturinn
þar sem mælitækjum
Veðurstofunnar hefur
verið komið fyrir. Of
nálæg byggð getur haft
veðurfarsleg áhrif, –
valdið hlýnun. Sú staða
gæti því komið upp að
finna yrði annan stað
fyrir mælireitinn sem aldrei yrði þó
fullkomlega sambærilegur. Slíkur
hringlandaháttur spillir fyrir sam-
anburðarrannsóknum á veðurfari
milli ára og áratuga.
Ég fæ ekki séð að hægt sé að
hrugga við lóðaréttindum Veðurstof-
unnar án atbeina Alþingis.
Mér þykir vænt um grænu reitina
í borginni. Þegar ekið er upp á Bú-
staðaveg blasir Veðurstofuhæðin
við, grösug og hlý. Og þegar betur er
að gáð eru þar leifar af holtinu, sem
þar hefur fengið að vera í friði um
aldir, svo að birkið og holtagróður-
inn fær að njóta sín. Ég vil ekki
skipta á þessu landi og steinsteypu.
Að þessi staður sé eftirsóknarverður
fyrir ungt fólk er undarlegur mis-
skilningur. Ég get ekki skilið að
barnafjölskyldur vilji búa á horni
Kringlumýrarbrautar og Bústaða-
vegar, einu mesta umferðarhorni í
Reykjavík.
Vesturhluti Veðurstofuhæðar-
innar er friðlýstur. Vel kemur til
greina og er raunar skynsamlegt að
efna til samkeppni um það, hvernig
svæðið geti nýst sem best í framtíð-
inni. Þaðan er útsýni til allra átta og
auðvelt að leggja gang- og hjóla-
stíga. Þar gæti orðið skemmtilegur
viðkomustaður ferðamanna og veitir
ekki af að dreifa þeim á fleiri staði.
Og svæðið er ekki brattara en svo að
gamlingjar eins og ég gætu rölt þar
um og notið góða veðursins.
Ekki hefur verið tekin ákvörðun
um hvar miðstöð öldrunarlækninga
verði í framtíðinni. Ég sé fyrir mér
að hún verði í Borgarspítalanum.
Sjálfsagt er að halda þeim mögu-
leika opnum að grasflötin neðan við
Borgarspítalann geti nýst honum í
nýju hlutverki þó menn sjái það ekki
fyrir sér í dag.
Á lóð Sjómannaskólans eiga að
rísa 120 íbúðir. Ég lék mér ungur
drengur á holtinu þar. Í þann tíð
spásseruðu Reykvíkingar upp að
gamla vatnsgeyminum í góða veðr-
inu. Ég brá mér upp að Sjómanna-
skóla og gat ekki séð að þar væru
lóðir fyrir 120 íbúðir nema klessa
þeim upp að vatnsgeyminum. Það
yrðu náttúruspjöll því að vatns-
geymirinn er fyrir löngu orðinn eitt
af kennileitum Reykjavíkur og
samgróinn landinu þar. Ég get varla
ímyndað mér að þeir tvímenning-
arnir Benedikt og Dagur, séu svo
heillum horfnir að þeir ætli sér að
gera það. Fyrr má nú vera!
Yfirlýsingunni lýkur með því að
lóð Þjóðarbókhlöðunnar á gatnamót-
um Hringbrautar og Suðurgötu
verði tekin til skoðunar „með tilliti
til framtíðarnýtingar“. Þjóðar-
bókhlaðan var þjóðargjöfin til að
minnast 1100 ára afmælis Íslands
byggðar og var aflað fjár til hennar
með sérstökum hætti. Við skulum
bera þá virðingu fyrir sjálfum okkur
að við látum gjöfina standa. Þjóð-
arbókhlaðan er fallegt hús og nýtur
sín þar sem hún er.
Að lokum þetta: Nauðsynlegt er
að taka húsnæðismálin föstum tök-
um og einbeita sér að því. Reykja-
víkurborg hefur verið eftirbátur
annarra sveitarfélaga hér á höfuð-
borgarsvæðinu í þeim efnum. Þessi
viljayfirlýsing breytir engu um það.
Eftir Halldór
Blöndal » Vel kemur til greina
og er raunar skyn-
samlegt að efna til sam-
keppni um það, hvernig
svæðið geti nýst sem
best í framtíðinni.
Halldór Blöndal
Höfundur er fyrrverandi ráðherra og
forseti Alþingis.
Við viljum hafa græn svæði í Reykjavík
Meirihlutanum í
borgarstjórn Reykja-
víkur, þ.e. Samfylking-
unni, Vinstri grænum,
Pírötum og Bjartri
framtíð, gengur illa að
láta áætlanir í húsnæð-
ismálum ganga upp.
Meðan biðlistar lengj-
ast og húsnæðisvand-
inn eykst þylur borg-
arstjóri upp hverja
áætlunina á fætur ann-
arri og færir eignir á milli A og B, þ.e.
úr eignasjóði Reykjavíkurborgar yfir
til Félagsbústaða, í þeirri von að
borgarbúar átti sig ekki á brellunni.
Loforðið um að fjölga íbúðum um 100
á ári hjá Félagsbústöðum hefur ekki
gengið eftir. Á fyrstu fimm mánuðum
þessa árs hefur íbúðunum aðeins
fjölgað um þrjár þrátt
fyrir áætlanir og veru-
lega fjölgun á biðlistum.
41% aukning
á biðlista
Umsækjendum á bið-
lista eftir almennum fé-
lagslegum leiguíbúðum
hjá Reykjavíkurborg
hefur fjölgað um 41% á
tæpu einu og hálfu ári. Í
árslok 2015 voru þeir
samtals 723 og í árslok
2016 voru þeir samtals
893 og hafði því fjölgað
um 23,5% á einu ári. Nú eru samtals
1.022 umsækjendur á biðlista eftir al-
mennum félagslegum leiguíbúðum
hjá Reykjavíkurborg.
Talnabrellur borgarstjóra
Íbúðir á vegum Félagsbústaða
skiptast í þrennt, þ.e. almennar fé-
lagslegar leiguíbúðir, sértæk búsetu-
úrræði og þjónustuíbúðir fyrir aldr-
aða.
Þar sem ljóst var að áætlanir
meirihlutans í borgarstjórn um að
fjölga eignum hjá Félagsbústöðum
um 100 á ári myndu ekki ganga upp
enn eitt árið var brugðið á það ráð í
árslok 2016 að færa samtals 88 eignir
úr eignasjóði Reykjavíkurborgar yfir
til Félagsbústaða. Voru 16 eignir
færðar undir sértæk búsetuúrræði*
og 72 eignir undir þjónustuíbúðir
aldraðra** (sjá mynd).
Með því að færa 88 eignir á milli A
og B í bókhaldi borgarinnar lítur út
fyrir að fjölgun á eignum Félags-
bústaða hafi verið 119 á árinu 2016 en
ekki 31 sem er hin raunverulega
fjölgun enda íbúar á vegum Reykja-
víkurborgar í öllum eignunum sem
færðar voru. Von meirihlutans er
væntanlega sú að fyrir næstu borgar-
stjórnarkosningar verði allir búnir að
gleyma þessari talnabrellu þegar
borgarstjóri fer að þylja upp allar
íbúðirnar sem hann er búinn að
byggja.
Eftir Guðfinnu Jóh.
Guðmundsdóttur
Guðfinna Jóh.
Guðmundsdóttir
»Með því að færa 88
eignir á milli A og B
í bókhaldi borgarinnar
lítur út fyrir að fjölgun
á eignum Félagsbústaða
hafi verið 119 á árinu
2016 en ekki 31 sem
er hin raunverulega
fjölgun.
Höfundur er borgarfulltrúi
Framsóknar og flugvallarvina.
Áætlanir um félagslegar íbúðir standast ekki
Fjölgun milli ára
Í árslok 2014 2015 2016 2016
1. Almennar félagslegar leiguíbúðir 17 84 25
2. Sértæk búsetuúrræði 3 0 6
Eignir færðar úr eignasjóði* 16
3. Þjónustuíbúðir aldraðra 0 0 0
Eignir færðar úr eignasjóði** 72
Samtals 20 84 31 88