Morgunblaðið - 10.06.2017, Blaðsíða 60

LAUGARDAGUR 10. JÚNÍ 161. DAGUR ÁRSINS 2017
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
5 6 9 0 9 0 0 0 0 0 9 0 0
Í LAUSASÖLU 941 KR. ÁSKRIFT 5.950 KR. HELGARÁSKRIFT 3.715 KR. PDF Á MBL.IS 5.277 KR. I-PAD ÁSKRIFT 5.277 KR.
VEÐUR » 8 www.mbl.is
»MEST LESIÐ Á mbl.is
1. „Réð hinum látna ekki bana“
2. Algengustu mistökin í Costco
3. Öll grunuð um aðild að manndrápi
4. Klofningur í Costco-hópi
 Björn Hlynur Haraldsson mun fara
með hlutverk Tómasar Stokkmanns
læknis í uppfærslu Þjóðleikhússins á
Óvini fólksins eftir Henrik Ibsen sem
frumsýnd verður á Stóra sviðinu 16.
september. Leikstjórinn Una Þorleifs-
dóttir vinnur nýja leikgerð í samvinnu
við Grétu Kristínu Ómarsdóttur. Þær
hafa gert nokkrar breytingar á kyn-
hlutverkum í verkinu. Má þar nefna
að Pétri Stokkmann, bæjarstjóra, er
breytt í Petru sem leikin verður af
Sólveigu Arnarsdóttur. Af öðrum leik-
unum má nefna að Snæfríður
Ingvarsdóttir leikur Petru dóttur
Tómasar og Sigurður Sigurjónsson
leikur Martein Kíl, tengdaföður Tóm-
asar. Í Óvini fólksins segir af bæ sem
laðar til sín fjölda ferðamanna vegna
glæsilegra heilsubaða. Þegar Tómas
læknir uppgötvar að böðin eru meng-
uð ákveður bæjarstjórinn að mæta
honum af fullri hörku. Átök systkin-
anna skekja innviði samfélagsins og
brátt logar allur bærinn í illdeilum.
Björn og Sólveig eru
Stokkmann-systkinin
 Félagar úr Leikfélagi Mosfells-
sveitar koma fram á stofutónleikum
Gljúfrasteins á morgun, sunnudag, kl.
16. Flutt verða valin lög úr Skilaboða-
skjóðunni. Söngleikurinn er byggður
á samnefndri bók Þorvaldar Þor-
steinssonar með lögum eftir Jóhann
G. Jóhannsson.
Miðaverð er
2.000
krónur.
Flytja valin lög úr
Skilaboðaskjóðunni
FÓLK Í FRÉTTUM
VEÐURÍÞRÓTTIR
SPÁ KL. 12.00 Í DAG Norðaustan 5-13 og úrkomulítið og bjart með köflum vestan- og
norðanlands. Heldur hlýnandi.
Á sunnudag (sjómannadagurinn) Norðan og norðaustan 5-13 m/s, hvassast vestan-
lands og austast á landinu. Skýjað en úrkomulítið norðan- og austanlands.
Á mánudag Norðlæg eða breytileg átt, 3-8 m/s. Skýjað en úrkomulítið fyrir norðan, en
bjart með köflum sunnanlands. Hiti 5 til 16 stig, mildast sunnan heiða.
Íslenska landsliðið í handknattleik
karla fagnaði þriggja marka sigri á
pólska landsliðinu í annarri umferð
alþjóðlega mótsins í handknattleik í
Elverum í Noregi í gær, 24:21.
Ísland hafði yfirhöndina frá upp-
hafi til enda í leiknum og skakkaði
t.d. einu marki á liðunum að loknum
fyrri hálfleik, 13:12. Síðasti leikurinn
verður við Svía á morgun. »2
Öruggur íslenskur sigur
á Pólverjum í Noregi
Ólafía Þórunn Kristinsdóttir
atvinnukylfingur náði ekki í
gegnum niðurskurðinn í
gær að loknum öðrum
keppnishring á Manulife
LPGA Classic-mótinu í golfi
í Ontario í Kanada. Ólafía
lék tvo fyrstu hringina á
einu höggi undir pari og
lengi vel leit út
fyrir að það
myndi duga.
»3
Ólafía féll naum-
lega úr leik
„Ég held að liðin muni fara varlega í
leikinn og Króatar munu reyna að
taka stjórnina strax á meðan Ísland
mun verjast og bíða eftir tækifærinu.
Ég hef trú á því að Ísland geti með
sínu skipulagi og föstu leikatriðum
náð góðum úrslitum,“ segir Srdjan
Tufegdzic, þjálfari KA,
um viðureign Ís-
lands og Króatíu í
undankeppni HM á
Laugardalsvell-
inum annað
kvöld. »1
Króatar reyna að
stjórna en Ísland verst
Steinþór Guðbjartsson
steinthor@mbl.is
Marín Magnúsdóttir flutti til Dan-
merkur fyrir um 20 árum, hóf störf í
galleríi við höfnina í Skagen, nyrst á
Jótlandi, kynntist núverandi eigin-
manni sínum, Knud Degn Karsten-
sen, eiganda skipasmíðastöðvarinnar
Karstensens Skibsværft a/s, og var
meðal annars til svara í bás fyrirtæk-
isins á sjávarútvegssýningunni í
Klakksvík í Færeyjum fyrir skömmu.
„Ég hélt á vit ævintýranna og lenti
á Skagen af öllum stöðum,“ segir
Marín, sem vann áður í tengslum við
kvikmyndaframleiðslu, kvikmynda-
hátíðir og annað sem tengist kvik-
myndum og á þrjú uppkomin börn,
tvö á Íslandi og eitt í Danmörku, frá
fyrra hjónabandi. Hún segir að þegar
þau Knud kynntust hafi fyrirtækið
verið mun minna og þá hafi hún farið
með honum á sýningar og fleira. Síð-
an hafi hún opnað eigið gallerí en eft-
ir að hún hafi selt það fyrir um hálfu
ári hafi hún aftur farið að fylgja eig-
inmanninum í sístækkandi fyrirtæki,
sem sé nú með um 500 manns í vinnu.
„Ég er félagslynd, það hentar mér
vel að tala við fólk og honum finnst
gott að hafa mig með,“ segir hún, en
sjávarútvegssýningin í Færeyjum
var sú fyrsta sem hún sótti í um ára-
tug.
Öflug skipasmíðastöð
Skipasmíðastöðin er ein sú öflug-
asta í Evrópu í smíði togara og fjöl-
veiðiskipa, en stöðin smíðaði meðal
annars Þórunni Sveinsdóttur VE fyr-
ir fjölskyldufyrirtækið Ós í Vest-
mannaeyjum. Marín segir að mörg
skip hafi verið smíðuð fyrir Fær-
eyinga, síðast Þrándur í Götu, og gott
samband sé við þá, en auk þess hafi
Norðmenn fengið fjölda nýrra skipa
fá fyrirtækinu. Ennfremur hafi skip
meðal annars verið smíðuð fyrir Íra,
Skota og Svía. „Um þessar mundir
eru um 20 stór skip á mismunandi
stigi í smíði og að jafnaði eru þrjú til
fjögur skip afhent árlega,“ segir
Marín. Hún segir að þrátt fyrir
stærðina og fjölda starfsmanna anni
fyrirtækið ekki eftirspurn, allur
vinnutími sé upppantaður næstu tvö
árin. Það segi meira en mörg orð um
gæðin og orðsporið.
Marín segir að það sé langur vegur
frá kvikmyndaiðnaðinum í skipa-
smíðastöðina. Hún áréttar samt að
það sé mjög gaman að vera á Skagen,
ekki síst vegna þess að það sé svo
mikið líf við höfnina. „Þetta er helsta
löndunarhöfnin í Danmörku og
hjarta bæjarins,“ segir hún. Þau búa
fyrir utan bæinn og eru þar með ís-
lenska hesta, en koma reglulega til
Íslands. Við höldum góðu sambandi
við Íslendinga, ekki síst fjölskyldu og
vini, og verðum með bás á sjávar-
útvegssýningunni í haust.“
Marín andlit stöðvarinnar
 Úr kvikmynda-
bransa í danska
skipasmíðastöð
Athafnafólk Hjónin Knud Degn Karstensen og Marín Magnúsdóttir í skipasmíðastöðinni.
Ísfisktogari Þórunn Sveinsdóttir VE var afhent eigendum 2010.