Morgunblaðið - 17.06.2017, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 17. JÚNÍ 2017
Sími 555 2992 og 698 7999
• Við hárlosi
• Mýkir liðina
• Betri næringar-
upptaka
Náttúruolía sem hundar elska
Við höfum notað Dog Nikita hundaolíu fyrir hundana
okkar í 3 ár og við erum ekkert á því að hætta.
Feldurinn á þeim er mjúkur, fallegur og hárlosið á
þeim gengur fyrr yfir. Þófarnir eru mjúkir og sléttir
en ekki harðir og grófir eins og þeir verða oft.Við
mælum með Dog Nikita hundaolíu.
Páll Ingi Haraldsson
EldurÍs hundar
Við mælum með Dog NIKITA hundaolíu
NIKITA hundaolía - Selaolía fyrir hunda
• Fyrirbyggir exem
• Betri og sterkari
fætur
BAKSVIÐ
Guðni Einarsson
gudni@mbl.is
Aðalfundur Síldarvinnslunnar ákvað í
síðustu viku að endurnýja ísfisktog-
araflota félagsins. Um er að ræða
togarana Barða NK, Gullver NS og
systurskipin Vestmannaey VE og
Bergey VE.
Gunnþór Ingvason framkvæmda-
stjóri segir að búið sé að vinna mikla
undirbúningsvinnu vegna nýsmíð-
innar. Hönnun er ekki lokið og end-
anleg tímaáætlun liggur ekki fyrir.
Gunnþór kvaðst vona að hægt verði
að hrinda verkefninu í framkvæmd
fljótlega og bjóða fyrstu smíðina út á
þessu ári. „Það er ljóst að við erum að
tala um tvö minni og tvö stærri skip,“
sagði Gunnþór.
Endurnýjun togaraflota Síldar-
vinnslunnar hófst í fyrra. Bjartur var
seldur til Íran og unnið er að því að
selja Barða til Rússlands. Blængur,
áður Freri, var endurbyggður sem
frystitogari og tekinn í notkun fyrr á
árinu.
Togarar frá Kína
Nýju togararnir Breki VE og Páll
Pálsson ÍS hafa verið málaðir og sjó-
settir í Shidao í Kína. Breki er smíð-
aður fyrir Vinnslustöðina í Vest-
mannaeyjum (VSV) og Páll Pálsson
fyrir Hraðfrystihúsið Gunnvör (HG) í
Hnífsdal. Unnið er að lokafrágangi
skipanna sem eru 50 metra löng.
Reiknað er með að 45 daga heimsigl-
ing hefjist í júlí.
Upphaflega átti að afhenda skipin
um mitt ár 2016. Ýmsir samverkandi
þættir urðu til að tefja afhendingu, að
sögn Sigurgeirs Brynjars Kristgeirs-
sonar, framkvæmdastjóra VSV. Töfin
mun væntanlega kosta skipa-
smíðastöðina einhverjar dagsektir,
en eftir er að gera það upp.
Einar Valur Kristjánsson, fram-
kvæmdastjóri HG, taldi að mannekla
hjá skipasmíðastöðinni, þegar kom að
fínni frágangi, hafi valdið töfum.
Hann sagði að eftir væri að gera veið-
arfæraprófanir og prófa spilbúnað
skipanna. Að því loknu verði staðan
tekin varðandi heimsiglingu.
Vinnslustöðin seldi togarann Jón
Vídalín í fyrra og skuttogarinn Gull-
berg er að seljast til Noregs og verð-
ur væntanlega afhentur fyrir þjóðhá-
tíð. Breka verður ætlað að fiska það
sem þessi tvö skip gerðu áður.
Vinnslustöðin hefur keypt gamla Pál
Pálsson ÍS frá Hnífsdal til að brúa
bilið þar til Breki kemst í gagnið. Páll
Pálsson ÍS verður afhentur um næstu
mánaðamót.
Skrokklag nýju togaranna er með
nýju sniði og skrúfurnar þær stærstu
sem þekkjast miðað við vélarafl.
Skrúfan er 4,7 metrar í þvermál. Með
því á að stytta togtímann og nýta vél-
araflið til hins ýtrasta. Áætlað er að
eldsneytissparnaður verði allt að 40%
miðað við hefðbundna togara. Tog-
ararnir geta dregið tvö troll samtímis
og hafa þannig 60% meiri veiðigetu
en togari með eitt troll. Ganghraði
Breka í reynslusiglingu var 14 sjómíl-
ur.
HB Grandi fær fjóra togara
HB Grandi tók á móti nýsmíðuðum
51,75 m löngum ísfisktogara, Engey
RE, frá Tyrklandi í janúar. Syst-
urskipið Akurey AK 10 er á heimsigl-
ingu og verður tekið á móti Akurey á
Akranesi á föstudaginn kemur. Þriðji
togarinn, Viðey, er enn í smíðum. HB
Grandi hefur samið við spænsku
skipasmíðastöðina Astilleros Armon
Gijon, S.A. um smíði á nýjum 81
metra löngum og 17 metra breiðum
frystitogara.
Samningsupphæðin er nærri fimm
milljarðar króna. Hann mun hafa lest-
arrými fyrir um 1.000 tonn af afurð-
um á brettum. Reiknað er með að
skipið verði afhent á árinu 2019.
Systurskip og frystiskip
Cemre-skipasmíðastöðin í Tyrk-
landi smíðar fjögur systurskip fyrir
Íslendinga. Kaldbakur EA, ísfisktog-
ari Útgerðarfélags Akureyringa, kom
í mars. Annar í röðinni var Björgúlfur
EA, togari Samherja, sem kom til
Dalvíkur fyrr í þessum mánuði. Þriðja
skipið, Drangey SK, fer til Fisk Sea-
food á Sauðárkróki og er væntanlegt í
lok sumars. Það fjórða, Björg EA, er
smíðað fyrir Samherja og kemur til
Akureyrar í haust. Skipin eru 62
metra löng og 13,5 metra breið.
Sólberg ÓF, nýr frystitogari
Ramma hf., kom til Ólafsfjarðar 19.
maí. Skipið var smíðað í Tyrklandi.
Það er tæplega 80 metra langt, 15,4
metrar á breidd og mælist 3.720
brúttórúmlestir. Heildarfjárfestingin
er um fimm milljarðar króna. Sólberg
leysir af hólmi frystitogarana Mána-
berg og Sigurbjörgu.
Áframhaldandi endurnýjun
 Síldarvinnslan lætur smíða fjóra togara  Lokafrágangur eftir við smíði tveggja togara í Kína
 HB Grandi fær þrjá ísfisktogara og semur um frystitogara  Norðlendingar fá fjóra nýja togara
Morgunblaðið/Skapti Hallgrímsson
Dalvík Nýi Björgúlfur EA kemur til heimahafnar í fyrsta sinn. Hann var smíðaður í Tyrklandi og er eitt af fjórum systurskipum sem smíðuð eru fyrir Ís-
lendinga. Gamli Björgúlfur EA, sem nú heitir Hjalteyrin, sigldi á móti arftaka sínum og sést greinilega hvaða þróun hefur orðið í skipasmíðum.
Ljósmynd/vsv.is
Kína Systurskipin Breki VE og Páll Pálsson ÍS eru í smíðum í Kína.
Lokafrágangur er eftir. Rúnar Bogason er eftirlitsmaður með smíðinni.
Undanfarin ár hafa ný og full-
komin uppsjávarskip bæst í
flotann. Meðferð afla hefur
batnað mikið með fullkomnum
kælitönkum skipanna.
Nýjasta viðbótin í uppsjáv-
arflotann er skipið Charisma
sem Eskja hf. á Eskifirði hefur
keypt frá Leirvík á Hjaltlands-
eyjum. Charisma var byggt í
Noregi 2003 og er það 70,7
metra langt og 14,5 metra
breitt. Aðalvélin er 6.000 kW og
8.160 hestöfl. Skipið ber 2.200
rúmmetra í níu tönkum með
RSW-kælingu.
Nýja skipið fær nafnið Jón
Kjartansson og mun leysa af
hólmi eldra aflaskip með sama
nafni sem þjónað hefur útgerð-
inni um árabil. Nýi Jón Kjart-
ansson mun afla hráefnis í nýtt
uppsjávarfrystihús Eskju sem
tekið var í notkun í fyrra.
Nýr Jón
Kjartansson
ESKJA KAUPIR CHARISMA