Morgunblaðið - 17.06.2017, Side 42

42 ÍSLENDINGAR
MORGUNBLAÐIÐ LAUGARDAGUR 17. JÚNÍ 2017
Fylgist vanalega með
hátíðarhöldunum
Ég fer vanalega í bæinn og eyði deginum við hátíðarhöldin, enþegar það eru stórafmæli þá hef ég haldið upp á afmælið og íár verð ég með veislu heima hjá mér,“ segir Ólöf Jóna Guð-
mundsdóttir, myndlistarmaður og grafískur hönnuður. Hún á sextíu
ára afmæli í dag, á þjóðhátíðardaginn.
Ólöf vann hjá Tímaritaútgáfunni Fróða sem grafískur hönnuður til
fjölda ára og sá um umbrot og hönnun á tímaritum. Má þar nefna Nýtt
Líf, Mannlíf og Séð og heyrt en Ólöf hefur einbeitt sér að myndlistinni
síðustu tíu ár. „Það kemur þó fyrir að ég taki að mér verkefni í graf-
ískri hönnun. Það getur verið ágætt að kúpla sig frá myndlistnni öðru
hverju, en annars er myndlistin aðaláhugamálið, hún yfirtekur allt.“
Ólöf rekur Art gallery á Laugavegi 44 ásamt 14 öðrum listakonum.
„Við seljum listaverkin okkar þar og það gengur ágætlega, það koma
svo margir útlendingar til okkar. Ég held að um 80 prósent af því sem
við seljum sé til ferðamanna.
Ég mála aðallega myndir af konum og konulíkömum og svo er ég í
abstrakt inni á milli,“ segir Ólöf, þegar hún er spurð nánar út í list
sína. Vinnustofa hennar er á Korpúlfsstöðum og þar hefur hún verið í
í tíu ár, en um 40 vinnustofur eru á Korpúlfsstöðum. „Við erum með
opið hús hjá okkur fjórum sinnum á ári og það hefur verið vel mætt
hjá okkur. Fólk hefur svo gaman af að koma í vinnustofurnar, þetta
er svolítið sérstakur heimur. Svo er líka gaman að skoða húsið.“
Ólöf er í sambandi með Sævari Egilssyni og á tvö börn, Jóhönnu
Júlíönu Óðinsdóttur og Kristin Má Magnússon.
Myndlistarmaðurinn Opið hús á Korpúlfsstöðum.
Ólöf Jóna Guðmundsdóttir er sextug í dag
B
jarni Ingvar Árnason
fæddist að Fjólugötu
13 í Reykjavík 17.6.
1942, ólst upp í Skerja-
firði í foreldrahúsum,
og eftir aðskilnað foreldra sinna,
1952, í Vesturbænum: „Já ég hef
verið, er og verð grjótharður KR-
ingur alla tíð.“
Eftir stuttan námsferil hóf Bjarni
störf hjá Verði-Tryggingum hf. en
stofnaði svo fljótlega, ásamt Helga
Oddssyni, mági sínum, og Hlöðver
Vilhjámssyni, eigið fyrirtæki, Smur-
brauðsstofuna Brauðbæ sf. við
Óðinstorg, árið 1965. Hann keypti
fljótlega þeirra hlut og rak
Brauðbæ einn upp frá því, sem varð
brátt vinsæll fjölskyldu-veitinga-
staður með veisluþjónustu með tugi
starfsmanna: „Árið 1968 hófum við
framleiðslu á Brauðbæjarsamlok-
unum sem dreift var í Nesti hf. og
síðar fjölda matvöruverslana og
söluturna. Þessi samlokugerð óx
dag frá degi og naut gífurlegra vin-
sælda enda hentugur skyndibiti.“
Bjarni rak Prikið í Bankastræti
frá 1972 með sínar sjarmerandi
glömlu innréttingarnar: „Prikið var
alltaf eins og þar mátti sjá banka-
stjóra, heildsala, blaðamenn og
prentara, ásamt dagdrykkjumönn-
um, sitja hlið við hlið, allir jafnir og
ræddu málin. Prikið rak ég nánast
til aldamóta og naut þess vel.“
Bjarni keypti fasteign Silla &
Valda að Laugavegi 126, rak þar
veitingahúsið Krána, sem fljótlega
varð Mamma Rósa, ítalskt veitinga-
hús, með áhersluna á pitsur og
ítalska rétti. Þeim rekstri lauk 1984
er Bjarni leigði veitingastaðinn út.
Bjarni keypti síðan fleiri fast-
eignir eftir því sem umfang rekst-
ursins jókst og árið 1983 sameinaði
hann húsin, Þórsgötu 1 og 3, Týs-
götu 5 og 7 í eina eign, Þórsgötu 1.
Rétt fyrir 1980 var Bjarni frum-
kvöðull jólahlaðborða á Brauðbæ,
sem jók mjög viðskiptin á snardauð-
um tíma aðventunnar, og nú eru
veitingastaðir um allt land pakkaðir
á aðventunni vegna jólahlaðborða.
Hótelið sem byggt var við sam-
eininguna breyttist úr Brauðbæ í
Óðinsvé: Vé Óðins eða bústað hans
við torg Óðins í goðahverfinu. Vinur
Bjarna, Jón Hjaltason (Nonni), átti
veg og vanda af nafngiftinni. Á
Þórsgötu 1. hófst svo rekstur Hót-
els Óðinsvéa 1984, fyrst með 20 her-
bergi, sem síðar varð allt að 50 her-
bergi, auk þess jókst veitinga-
reksturinn með útrás á götur og
gangstéttar Þórsgötunnar, með
opnun garðskálans þar.
Bjarni rak auk þess Prima pylsur
í Austurstræti með Nonna og þeir
hófu framleiðslu og sölu á gos-
drykkjum, m.a. undir nafninu
Ískóla. Þá skrifaði tímaritið Samúel
um „Coca Cola-stríðið“.
Árið 1988 veitti Bjarni ráðgjöf um
opnun Viðeyjarstofu með rekstri
veitingahúss. Í kjölfarið tóku Bjarni
og starfsmenn hans við veitinga-
rekstri í Viðey næsta áratuginn:
„Þar urðu fljótt veisluhöld á heims-
mælikvarða, enda kóngafólk og
höfðingjar oft á ferðinni.“
Þá samdi fyrirtæki Bjarna um
Bjarni Ingvar Árnason veitingamaður – 75 ára
Yngsta kynslóðin Bjarni, Sigrún og barnabörn. Birna Sjöfn var ekki fædd
þegar myndin var tekin, en mætti kokhraust til leiks fyrir þremur árum.
Bjarni í Brauðbæ
Reykjavík Sesselja Katrín
Árnadóttir fæddist þann 23. júlí
2016 kl. 04.22 í Reykjavík. Hún
var 50 cm löng og vó 3.026 g.
Foreldrar hennar eru Árni Grét-
ar Finnsson og Melkorka Þöll
Vilhjálmsdóttir.
Nýr borgari
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is