Morgunblaðið - 17.06.2017, Side 26

26 FRÉTTIRErlent
MORGUNBLAÐIÐ LAUGARDAGUR 17. JÚNÍ 2017
Loftpressur - stórar sem smáar
Stefán Gunnar Sveinsson
sgs@mbl.is
Rússneski herinn tilkynnti í gær að
hann væri að rannsaka hvort Abu
Bakr al-Baghdadi, leiðtogi hryðju-
verkasamtakanna Ríkis íslams, hefði
fallið í loftárás rússneskra herþotna í
Sýrlandi í síðasta mánuði. Banda-
ríkjastjórn og bandamenn hennar
sögðust ekki geta staðfest að Bagh-
dadi væri látinn.
Baghdadi lýsti sjálfan sig „kalífa“
fyrir þremur árum, þegar samtök
hans höfðu náð
yfirráðum yfir
stórum hluta af
bæði Sýrlandi og
Írak. Baghdadi
hefur ekki komið
fram opinberlega
síðan þá.
Samkvæmt
heimildum Rússa
mun Baghdadi
hafa fallið þegar
Sukhoi-þotur þeirra gerðu loftárás
nálægt borginni Raqqa í Sýrlandi,
sem sögð hefur verið „höfuðborg“
hryðjuverkasamtakanna. Mun árás-
in hafa beinst að stað, þar sem sagt
var að helstu foringjar Ríkis íslams
hefðu verið að leggja á ráðin um
flótta frá borginni.
Heimildirnar óstaðfestar enn
„Æðstu yfirmenn hersveita hins
svokallaða Ríkis íslams, um 30 her-
foringjar og um 300 vígamenn sem
gættu þeirra féllu í þeirri árás,“
sagði í tilkynningu rússneska hers-
ins í gær. Kom þar einnig fram að
enn væri eftir að staðfesta það að
Baghdadi hefði verið á meðal þeirra
sem sóttu þennan fund.
Bandaríkjamenn og bandamenn
þeirra sögðust heldur ekki geta stað-
fest að Baghdadi væri fallinn, en þeir
fengu vitneskju um loftárás Rússa
þegar hún var gerð.
Þetta er ekki í fyrsta sinn sem
Baghdadi, sem stundum hefur verið
kallaður „draugurinn“, er talinn af
eða sagður hafa særst í átökunum í
Sýrlandi, en hann hefur farið huldu
höfði í nærri þrjú ár.
Segja kalífann fallinn
 Rússar telja sig hafa náð að fella leiðtoga Ríkis íslams í loftárás í síðasta mánuði
Abu Bakr
al-Baghdadi
Donald Trump Bandaríkjaforseti hlustar hér á kúb-
anska fiðluleikarann Luis Haza spila bandaríska þjóð-
sönginn. Trump hafði stuttu áður undirritað forseta-
tilskipun, þar sem hann nam úr gildi samkomulag
Baracks Obama, fyrirrennara síns, við stjórnvöld í
Kúbu um aukin viðskipti. „Við munum ekki aflétta
refsiaðgerðum okkar fyrr en allir samviskufangar á
Kúbu eru frjálsir ferða sinna,“ sagði Trump.
AFP
Mun viðhalda refsiaðgerðum um sinn
Samskipti Bandaríkjanna og Kúbu
Tveir menn létu
lífið í mótmælum
í Venesúela í
fyrrinótt. Tala
þeirra sem hafa
látist í mótmæl-
unum er þar
með komin í 72.
Nánast dagleg
mótmæli hafa
staðið síðan 1.
apríl gegn Nicolas Maduro, forseta
Venesúela. Krafist er að hann stígi
til hliðar og að nýjar kosningar
verði haldnar. Mótmælin hafa
gerst mun ofsafengnari síðustu
vikur en meira en þúsund manns
hafa slasast. Þá hafa yfir þrjú þús-
und einstaklingar verið hand-
teknir. Mótmælendur kenna Mad-
uro um að hafa valdið
efnahagskreppunni sem ríkir í
landinu. Mikill skortur er á mat,
lyfjum og öðrum nauðsynjum.
Maduro segir kreppuna vera sam-
særi stutt af Bandaríkjunum.
Fleiri láta lífið í mót-
mælum í Venesúela
Nicolas Maduro
VENESÚELA
Kínversk yfirvöld sögðu í gær að
sprenging í fyrradag, þar sem átta
manns létust og fjöldi annarra
særðist við leikskóla, hefði verið
framin af 22 ára gömlum manni,
sem er á meðal hinna látnu.
Maðurinn er sagður hafa átt við
andleg vandamál að stríða, en hann
bjó í nágrenni skólans í Fengxian í
austurhluta Kína og starfaði á veit-
ingastað.
Lögreglan fann efni til sprengju-
gerðar á heimili mannsins, auk þess
sem líflátshótanir voru skrifaðar á
veggi íbúðarinnar.
Maðurinn, sem hafði eftirnafnið
Xu, mun hafa verið einrænn og
feiminn í samskiptum við annað
fólk. Ekki er enn vitað hvers vegna
Xu ákvað að ráðast á leikskólann.
Mörg hundruð nemendur sækja
skólann. Að minnsta kosti átta
manns létust og 65 særðust í árás-
inni, en í fyrstu var talið að um gas-
sprengingu hefði verið að ræða.
Sökudólgurinn með
geðræn vandamál
KÍNA
Lundúnalögreglan handtók í gær-
morgun mann við breska þinghúsið,
er hann gekk þangað einbeittum
skrefum með hníf í hendi. Beitti lög-
reglan rafbyssu til þess að yfirbuga
manninn, sem var sagður á fertugs-
aldri. Var hann síðan leiddur um
borð í lögreglubíl. Engan sakaði að
sögn lögreglunnar.
Um þrír mánuðir eru liðnir frá því
að Khalid Masood var felldur af lög-
reglunni við þinghúsið, eftir að hann
hafði ekið bíl sínum á gangandi veg-
farendur á Westminster-brúnni og
síðan stungið lögreglumann til bana.
Öryggisgæsla við þinghúsið var
aukin í kjölfar atviksins, og var
starfsfólki þingsins og öðrum í ná-
grenninu meinað um stund að yf-
irgefa svæðið, meðan gengið var úr
skugga um að ástandið væri tryggt.
Samkvæmt yfirlýsingu frá lög-
reglunni var ekki búið að komast að
því hvað manninum gekk til. Var því
ekki búið að skera úr um hvort um
tilraun til hryðjuverks hefði verið að
ræða. Staðsetning atviksins þýddi
þó að öryggislögregla Bretlands
setti rannsókn málsins í algjöran
forgang.
Tekinn með hníf
við þinghúsið
AFP
Viðbúnaður Lögreglan yfirbugaði mann með hníf við þinghúsið í gær.
 Maðurinn yfirbugaður með rafbyssu
Íslamistum í Svíþjóð hefur fjölgað
talsvert á síðustu árum, samkvæmt
nýrri skýrslu sem sænska öryggis-
lögreglan, Säpo, kynnti í gær. Kom
þar fram að fjöldi þeirra sem lög-
reglan skilgreindi sem „ofbeldisfulla
íslamista“ hefði fjölgað úr 200 talsins
árið 2010 og upp í nokkur þúsund.
Var þó sérstaklega tekið fram, að
Säpo telur einungis örfáa þeirra
færa um að skipuleggja hryðjuverk.
Anders Thornberg, yfirmaður ör-
yggislögreglunnar, sagði að ástandið
væri alvarlegt, þar sem öfgamönn-
um yxi ásmegin.
Thornberg sagði að helsta orsökin
fyrir þessari aukningu væru hryðju-
verkasamtökin Ríki íslams og hinn
linnulausi áróður sem þau hefðu haft
uppi á netinu. Árangur samtakanna
væri sá helstur að hafa náð að sam-
eina marga ólíka hópa öfgamanna
undir sínum hatti.
Säpo fær nú um 6.000 ábendingar
um möguleg hryðjuverk í hverjum
mánuði, en árið 2012 fékk lögreglan
um 2.000 ábendingar að jafnaði á
mánuði.
Íslamistum
fjölgað mjög
í Svíþjóð
 Säpo með nýja
skýrslu um öfgar