Morgunblaðið - 17.06.2017, Qupperneq 52

LAUGARDAGUR 17. JÚNÍ 168. DAGUR ÁRSINS 2017
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
5 6 9 0 9 0 0 0 0 0 9 0 0
Í LAUSASÖLU 941 KR. ÁSKRIFT 5.950 KR. HELGARÁSKRIFT 3.715 KR. PDF Á MBL.IS 5.277 KR. I-PAD ÁSKRIFT 5.277 KR.
VEÐUR » 8 www.mbl.is
»MEST LESIÐ Á mbl.is
1. Konan á kassa í Bónus hefur …
2. Læknir selur sveitasetrið
3. Rennandi vatn bjargaði fjölskyldu
4. Ronaldo vill yfirgefa Real Madrid
 Mireya Samper myndlistarmaður
opnar í dag einkasýningu í galleríinu
Appollonia í Strassborg í Frakklandi.
Sýningin nefnist Core, Kjarni á ís-
lensku, og á henni vinnur Mireya með
óendanleika spíralsins og birtist
hann í ólíkum myndum í verkum
hennar, m.a. teikningum á pappír.
Sýningin er afrakstur vinnustofu-
dvalar Mireyu ytra og á myndinni má
sjá hana að störfum í vinnustofunni.
Mireya opnar einka-
sýningu í Strassborg
 Boðið verður til
hátíðar í sýning-
arrýminu Harbin-
ger að Freyjugötu
1 í tilefni af
þjóðhátíðardegi
kl. 20 í kvöld.
Gestum verður
boðin brauðterta
og drykkir, tónlist
leikin af hljóðsnældum og myndlist-
armennirnir átta, Eirún Sigurð-
ardóttir, Rebecca Erin Moran, Sig-
urður Ámundsson, Bjarki Bragason,
Hekla Dögg Jónsdóttir, Nikulás Stef-
án Nikulásson, Carl Boutard og Berg-
lind Jóna Hlynsdóttir, flytja fjall-
konuerindi.
Átta fjallkonuerindi
 Kvartett saxófónleikarans Sigurðar
Flosasonar kemur fram á þriðju sum-
artónleikum veitingahússins Jómfrú-
arinnar í dag kl. 15, á Jómfrúartorgi.
Sérstakur gestur kvartettsins
verður hinn ástsæli söngv-
ari Ragnar Bjarnason og á
efnisskránni verða sí-
gild sveiflulög. Að-
gangur að tón-
leikunum er
ókeypis.
Raggi Bjarna og
kvartett í sveiflu
FÓLK Í FRÉTTUM
VEÐURÍÞRÓTTIR
SPÁ KL. 12.00 Í DAG Suðvestan 3-8 m/s, skúrir eða rigning S- og V-lands, skýjað með
köflum á N- og A-landi og skúradembur síðdegis en 8-13 m/s og þurrt á Austfjörðum.
Á sunnudag Suðvestan og vestan 5-10 m/s, en snýst smám saman í norðvestlæga átt
N-til. Rigning eða súld NV-lands, bjart SA-lands, en annars skúrir, einkum síðdegis. Hiti
víða 8 til 17 stig, hlýjast SA-lands, en kólnandi NV-lands og hiti þar 3 til 8 stig.
Á mánudag Norðvestan 5-13, hvassast við NA-ströndina. Léttir til um kvöldið.
Breiðablik hafði betur gegn Íslands-
meisturunum í Stjörnunni þegar liðin
mættust í stórleik 8. umferðar Pepsi-
deildar kvenna í knattspyrnu í gær-
kvöld. Breiðablik er þó sex stigum á
eftir toppliðinu, Þór/KA, sem enn er
með fullt hús stiga eftir 8 umferðir
og burstaði Grindavík 5:0. Stjarnan
er nú átta stigum á eftir Þór/KA eins
og ÍBV sem burstaði Fylki. » 2-3
Stjarnan átta stigum
á eftir toppliðinu
„Það má segja að þeir hafi
einfaldað hlutina, á jákvæðan
hátt. Mér finnst að við höfum
gírað okkur betur upp fyrir
leikina, lagt okkur meira
fram um að mynda liðsanda
og náð betri samstöðu en áð-
ur. En fótboltinn snýst alltaf
um það sama, að ná í þrjú
stig,“ segir Alex Freyr Hilm-
arsson úr Víkingi í Reykjavík
um sigur liðsins á Stjörnunni
í fyrrakvöld. »4
Fótboltinn snýst
alltaf um það sama
„Þetta er stórhættulegur leikur fyrir
okkur. Það er alls ekki sjálfgefið að
vinna alla leiki á heimavelli. Þótt við
höfum ekki tapað leik í undankeppni
stórmóts í Laugardalshöll í háa herr-
ans tíð þá er það ekki ávísun á að
leikir vinnist af sjálfu sér vegna hefð-
ar. Það má ekki líta á það sem sjálf-
sagðan hlut,“ segir Geir Sveinsson,
þjálfari karla-
landsliðsins í
handknatt-
leik, sem
mætir
Úkraínu í
hreinum úr-
slitaleik um
sæti á EM 2018
annað kvöld. » 1
Sigur í Höllinni er ekki
sjálfsagður hlutur
Axel Helgi Ívarsson
axel@mbl.is
Þjóðhátíðarganga Ferðafélags Ís-
lands yfir Leggjabrjót fer fram í 15.
sinn á sunnudaginn. Gönguferðin
hefur notið mikilla vinsælda allt frá
upphafi en 80 manns mættu fyrsta
árið, að sögn Leifs Þorsteinssonar,
fararstjóra hjá Ferðafélagi Íslands.
Hann segist hafa haft litla trú á vel-
gengni þessarar ferðar í upphafi, en
dagsferðir Ferðafélagsins áttu erfitt
uppdráttar á þessum tíma. Ferðin
hafi hins vegar alveg hitt í mark,
segir Leifur.
Alla jafna hafa á bilinu 20-40
manns verið með í ferðinni ár frá
ári, sama hvernig viðrar. Leifur
Þorsteinsson, sem hefur verið far-
arstjóri ferðarinnar frá upphafi
hennar, verður þó ekki í því hlut-
verki í ár. Er það dóttir hans, Stein-
unn Leifsdóttir, sem tekur við hlut-
verki fararstjóra í ferðinni 18. júní
næstkomandi. Sú dagsetning er
einnig nýbreytni en vanalega er
gengið á þjóðhátíðardaginn sjálfan,
17. júní.
Fólk sem sækir í náttúruna
„Ég hef enga sérstaka skýringu á
því,“ segir Leifur þegar hann er
spurður að því hvað dragi fólk í
þessa tilteknu göngu á þjóðhátíðar-
daginn. Helst er það fólk sem vill
komast út úr borginni og njóta sín í
fallegri náttúru að sögn Leifs. Stein-
unn segir að gangan sé einfald-
lega skemmtileg en þó
krefjandi, en gangan
tekur um fimm til sex
klukkustundir.
Þau Leifur og Stein-
unn segja einnig að
ferðin þyki spennandi
þar sem upphaf og end-
ir ferðarinnar eru tveir
mismunandi staðir.
Slíkar gönguferðir af
þessari lengd eru oft
flóknari á eigin vegum og því er
þessi ganga svo vinsæl hjá ferða-
félaginu.
Gengið er frá Svartagili í Þing-
vallasveit, inn eftir Öxarárdal, yfir
Leggjabrjót og niður að Stórabotni í
Botnsdal í Hvalfirði, að því er kemur
fram á vefsíðu Ferðafélags Íslands.
Að mati Leifs er mest heillandi
þegar hópurinn nær hæsta punkti
leiðarinnar. Á góðviðrisdegi sést þá
langt til allra átta, m.a. til Heklu og
Eyjafjallajökuls, „drottningar og
konungs sunnlenskra fjalla,“ segir
Leifur. Steinunn segir að það heilli
mest að koma niður í Botnsdal, í
gróðurinn sem þar er, og sjá Botns-
súlur. Heilt yfir segja þau að göngu-
leiðin sé mikið fyrir augað og algjört
jarðfræðiundur.
Afar vinsæll Leggjabrjótur
 Fólk sækir mik-
ið í náttúruna á
þjóðhátíðardaginn
Ljósmynd/Leifur Þorsteinsson
Feðgin Leifur Þorsteinsson og Steinunn Leifsdóttir, bæði fararstjórar hjá Ferðafélagi Íslands, stýra vinsælum
þjóðhátíðargöngum félagsins. Steinunn tekur við keflinu af föður sínum sem fararstjóri ferðarinnar í ár.
Leggjabrjótur er um sautján
kílómetra löng forn þjóðleið
frá Þingvöllum til Botns-
dals í Hvalfirði. Fyrir utan
mikilfenglegt landslag
fylgir leiðinni og nálægum
stöðum mikil saga. Sögu-
svið Kjalnesinga sögu er í
næsta nágrenni við
gönguleiðina. Hvalvatn og
Glymur eru nátengd þjóð-
sögu um Rauðhöfða sem
var illhveli. Á prestur einn að hafa
leitt hvalinn frá hafinu, upp með
Botnsá og í vatn sem síðan er
nefnt Hvalvatn. Þá hafa fundist
hvalbein við þetta tiltekna vatn
sem er í um 300 metra hæð.
Ein þjóðsagna úr safni Jóns
Árnasonar segir um Öxará að áin
breytist í vín eina stund á hverju
ári. Í sögunni segir einnig að áin
hafi orðið að blóði er mannfall
varð mikið á Alþingi.
Mikil saga fylgir leiðinni fornu
ÞJÓÐLEIÐIN YFIR LEGGJABRJÓT VEKUR ÁHUGA FÓLKS