Ægir - 01.07.2017, Síða 120

Við erum dyrnar að Vestmannaeyjum í ýmsum skilningi. Umsvifin hér við höfnina eru mikil og vaxandi og eru í
takti við það sem er að gerast bæði í sjávar-
útvegi og ferðamennsku hér í Eyjum. Við
höfum góða aðstöðu til að veita hafnar-
þjónustu í dag en því er ekki að neita að
með stækkun skipanna finnum við þörf fyrir
viðbótaraðstöðu,“ segir Andrés Þorsteinn
Sigurðsson, yfirhafsögumaður hjá Vest-
mannaeyjahöfn.
Lífið snýst um fisk í Vestmannaeyjum og
hefur alla tíð gert. Einn veigamesti þáttur-
inn í því að sjávarútegur blómstri í Eyjum er
hafnaraðstaðan og hafnarþjónustan. „Fyrst
og fremst eru það útgerðir hér í Vest-
mannaeyjum sem eru okkar viðskiptavinir
hvað varðar landanir á fiski og þann hluta
hafnarstarfseminnar. Hér höfum við stór og
öflug sjávarútvegsfyrirtæki á borð við Ís-
félagið og Vinnslustöðina en svo hafa verið
hér gamalgrónar fjölskylduútgerðir í gegn-
um tíðina sem þó hefur farið fækkandi, líkt
og víðar um land. Skipunum hefur fækkað
en á hinn bóginn hafa þau stækkað og sú
þróun gerir líka kröfur til hafnarþjónust-
unnar. Staðan hjá okkur er góð en vissulega
gætum við þegið meiri aðstöðu því hafnar-
aðstaðan þarf að þróast áfram í samræmi
við skipin sem höfnin þjónustar,“ segir
Andrés.
Löndun afla og útskipun afurða
Á síðasta ári var landað 110.000 tonnum af
uppsjávarfiski og 31.500 tonnum af bolfiski í
Vestmannaeyjum. Sveiflur geta þó verið í
magni frá einu ári til annars eftir því hvernig
fiskast af uppsjávarafla en annar afli er
nokkuð stöðugur. Eins og gefur að skilja
kallar löndun sjávarafla til vinnslu á mikla
umferð flutningaskipa sem flytja afurðir á
erlenda markaði. Þar um að ræða ferskan
fisk, frosnar afurðir, mjöl og lýsi. Vest-
mannaeyjar eru því gott þversnið af því sem
er að gerast í sjávarútvegi á Íslandi hverju
sinni.
„Við byggjum fyrst og fremst á útgerð
stærri báta og fiskiskipa hér í Eyjum. Smá-
bátaútgerð er svo til engin hjá okkur því
veiðisvæðið hér við Eyjar er mjög opið og
hentar ekki vel fyrir útgerð lítilla báta.“
Margföldun í komum skemmtiferða-
skipa
Komum skemmtiferðaskipa til Vestmann-
eyja hefur með hverju árinu farið fjölgandi
en höfnin á aðild að samtökunum Cruise
Iceland ásamt öðrum höfnum á landinu
sem markaðaðssetja sína þjónustu gagn-
vart erlendum skemmtiferðaskipaútgerð-
um. Andrés segir að fyrir 10 árum hafi komið
10-15 skip á sumri en nú stefnir í að 50
skemmtiferðaskip komi til Eyja í sumar.
„Þessi þjónusta er farin að skipta okkur
talsverðu máli. Skipin koma yfirleitt að
morgni og fara að kvöldi en eitt af fyrirliggj-
andi verkefnum er að bæta aðstöðun og
þjónustuna við þessi skip. Ég á ekki von á
öðru en sama þróun haldi áfram og að
skemmtiferðaskipunum haldi áfram að
fjölga,“ segir Andrés en einnig er þess beðið
með eftirvæntingu í Eyjum að ný Vest-
mannaeyjaferja verði tekin í notkun, vænt-
anlega um mitt næsta ár. „Hún mun nota
sömu hafnaraðstöðu og Herjólfur gerir og
eina breytingin fyrir okkur hjá höfninni felst í
að endurskipuleggja biðsvæðið fyrir ferjuna
þegar þar að kemur,“ segir Andrés.
vestmannaeyjar.is
Hafnarþjónstan er lífæð
sjávarútvegs í Eyjum
Mikil umferð er um Vestmannaeyjahöfn árið um kring. Í
fyrra var landað yfir 140 þúsund tonnum af fiski í
höfninni, komur flutningaskipa eru tíðar og umferð
skemmtiferðaskipa stöðugt vaxandi.
120