Morgunblaðið - 30.11.2017, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 30. NÓVEMBER 2017
holar@holabok.is — www.holabok.is
Hún lék hlutverk sitt
sem harður sjómaður
þar til hún gat ekki
meira og ákvað að
bertjast fyrir tilveru
sinni sem kona.
Mergjaðar frásagnir
af Héraðsmönnum.
Gamansögur af
íslenskum
sjómönnum.
Átök á hafi úti,
óvenjulegar jólagjafir,
örnefni á hafsbotni,
sviptingar í pólitík og
margt fleira.
Íslandstengdar
frásagnir úr seinni
heimsstyrjöldinni.
Fróðlegar og fyndnar!
Agnes Bragadóttir
Arnar Þór Ingólfsson
Magnús Heimir Jónasson
Vilhjálmur Andri Kjartansson
Stjórnarsáttmáli Vinstri grænna,
Sjálfstæðisflokks og Framsóknar-
flokks, var samþykktur af stofnunum
stjórnmálaflokkanna þriggja, á fund-
um sem haldnir voru í gær. Í dag
verður efni sáttmálans kynnt og þá
verður einnig tilkynnt formlega
hverjir munu skipa ráðherraembætti.
Fyrsti ríkisráðsfundur nýrrar stjórn-
ar mun fara fram laust eftir hádegi á
Bessastöðum.
Flokksráðsfundur Sjálfstæðis-
flokksins var haldinn í Valhöll síðdeg-
is í gær. Um 250 manns sóttu fundinn,
sem hófst kl. 16.30 og stóð yfir í tæpa
tvo tíma. Bjarni Benediktsson las upp
stjórnarsáttmálann í heild sinni fyrir
flokksmenn. Þeir fulltrúar sem Morg-
unblaðið ræddi við lýstu yfir almennri
ánægju með efni sáttmálans.
Á fundinum voru léttar umræður
um sáttmálann og höfðu einhverjir
fulltrúar Sjálfstæðisflokksins m.a.
áhyggjur af útgjaldaaukningu hins
opinbera, hækkun fjármagnstekju-
skatts og þá var spurt um hvort gisti-
náttagjald í ferðaþjónustu ætti að
renna í jöfnunarsjóð. Kosið var með
handauppréttingu á fundinum og var
sáttmálin samþykktur samhljóða.
Flokksráð VG kom saman á Grand
Hóteli í Reykjavík en á annað hundr-
að félagsmanna sótti fundinn og hafði
þar málfrelsi og tillögurétt. Rúmlega
eitt hundrað flokksráðsfulltrúar
höfðu hinsvegar atkvæðisrétt á fund-
inum sem hófst klukkan 17.00 og stóð
yfir í á fimmtu klukkustund. „Það
voru ýmsar tilfinningar í gangi sem er
bara eðlilegt og fólk tjáði sig og þetta
voru hreinskiptnar umræður og góð-
ar,“ sagði Kolbeinn Óttarsson
Proppé, þingmaður VG, um fundinn í
gær. „Það er bara eðlilegt að það séu
skiptar skoðanir í lýðræðislegri
hreyfingu,“ segir Kolbeinn og bætir
við að samstaða meðal flokksmanna
fundi loknum væri síðan mikilvæg.
Samþykktu fundarmenn að ganga til
samstarfs við Sjálfstæðisflokks og
Framsóknarflokks á grundvelli fyrir-
liggjandi stjórnarsáttmála en 15
greiddu atkvæði gegn samstarfinu og
75 fulltrúar með. Alls greiddu 93 at-
kvæði. 81% flokksmanna samþykktu
stjórnarsáttmálann en 16% sögðu nei
og 3% skiluðu auðu.
Meðal þeirra sem höfnuðu stjórn-
arsáttmálanum voru Andrés Ingi
Jónsson og Rósa Björk Brynjólfs-
dóttir, þingmenn VG. Þingstyrkur
Vinstri grænna í ríkisstjórninni verð-
ur því 9 þingmenn í stað 11 eins og úr-
slit þingkosninga gáfu tilkynna að
hann yrði.
Andrés Ingi birti ræðu sína af
flokksráðsfundinum á Facebook í
gærkvöldi. Katrín Jakobsdóttir yrði
„stórfínn forsætisráðherra“, en að
hann væri ekki sannfærður um að
þetta væri rétta ríkisstjórnin fyrir
hana eða VG. Hann sagðist sjá of
mikla annmarka á sáttmálanum og
myndi ekki styðja hann.
Hann sagðist sjá of margt líkt með
nýjum sáttmála og stjórnarsáttmála
fráfarandi ríkisstjórnar og fá merki
þess að Vinstri græn gætu „dregið
samstarfsflokkana í rétta átt“.
Þá sagði hann stjórnarsáttmálann
byggjast um of á trausti gagnvart
samstarfsflokkunum og að stóru
deilumálin á milli andstæðra póla í
íslenskum stjórnmálum væru ekki
útkljáð í efni hans.
Einnig sagðist hann óttast að VG
yrði samdauna samstarfsflokkunum
og fyndist honum stjórnarsáttmál-
inn þegar bera þess merki. Hann
sagði upphafsorð kaflans um skatta-
mál líkari orðalagi sem hann myndi
búast við frá Viðskiptaráði Íslands
og lýsti sig að auki ósáttan við að
NATO-aðild Íslands og varnarsamn-
ingur Íslands og Bandaríkjanna
væri sagður lykilstoð í vörnum Ís-
lands.
Þá sagðist Andrés ekki sannfærð-
ur um að hægt væri að treysta Sjálf-
stæðisflokknum í samstarfi. Að hans
mati þyrfti að lesa málefnasamning-
inn „í samhengi við ástæður þess að
boðað var til síðustu kosninga og
hvaða flokkar eru hinum megin við
borðið“.
Framsóknarmenn samhljóða
Miðstjórn Framsóknarflokksins
kom saman um áttaleytið í gær-
kvöldi og stóð fundurinn í um tvo
klukkutíma. Létt var yfir framsókn-
armönnum í gær og var stjórnarsátt-
málinn og samstarfið samþykkt
samhljóða af miðstjórnarfólki.
„Það er ánægja með kraftmikinn
stjórnarsáttmála sem fólk er sátt
við,“ segir Sigurður Ingi Jóhanns-
son, formaður Framsóknarflokks-
ins. Samkvæmt heimildum Morgun-
blaðsins lýsti enginn á fundinum yfir
óánægju sinni með stjórnarsáttmál-
ann eða samstarfið.
Sýnt á ráðherrakapalinn
Flokkformennirnir höfðu lokið við
að funda einslega með hverjum og
einum þingmanni þegar þingflokkar
og aðrar flokksstofnanir komu sam-
an til að ráða örlögum stjórnarsam-
starfsins. Á einkafundunum var ekki
upplýst með hvaða hætti ráðherra-
embættum yrði úthlutað. Morgun-
blaðið hefur það hins vegar eftir
heimildum að brotthlaup tveggja
þingmanna VG frá stjórnarsam-
starfinu hafi ekki áhrif á skiptingu
ráðuneyta og annarra embætta milli
flokkanna. Stendur hún óhreyfð þótt
VG hafi nú að baki sér 9 þingmenn í
stað 11 eins og kosningaúrslit gáfu
til kynna. Sjálfstæðisflokkur mun
skipa fimm ráðherra og VG og
Framsókn þrjá hvort.
Katrín Jakobsdóttir verður for-
sætisráðherra, Bjarni Benediktsson,
fjármála- og efnahagsráðherra,
Svandís Svavarsdóttir verður heil-
brigðisráðherra og Steingrímur J.
Sigfússon verður forseti Alþingis. Þá
munu Vinstri grænir einnig fá emb-
ætti umhverfisráðherra. Athygli
vekur að Sigurður Ingi Jóhannsson,
formaður Framsóknarflokksins,
verður samgöngu- og sveitarstjórn-
arráðherra í stað Jóns Gunnarsson-
ar og þá tekur Lilja Alfreðsdóttir við
menntamálaráðuneytinu af Krist-
jáni Þór Júlíussyni. Þá mun Fram-
sóknarflokkur einnig fá embætti fé-
lags- og jafnréttismálaráðherra.
Auk fjármála- og efnahagsráðu-
neytis munu Sjálfstæðismenn fá
dómsmálaráðuneytið, utanríkisráðu-
neytið og báða ráðherrastólana í at-
vinnuvega- og nýsköpunarráðuneyt-
inu.
Fengu samþykki flokksstofnana
 Sigurður Ingi verður samgöngu- og sveitarstjórnarráðherra  Sjálfstæðisflokkur fær embætti land-
búnaðar- og sjávarútvegsráðherra  VG fær stól þingforseta þrátt fyrir brotthlaup tveggja þingmanna
Morgunblaðið/Hari
VG Loft var lævi blandið á flokksráðsfundi VG á Grand Hóteli í gærkvöldi. Þar mæltu tveir þingmenn flokksins gegn
stjórnarsamstarfinu. Að lokum var gengið til atkvæðagreiðslu um stjórnarsáttmálann og féllst flokksráðið á hann.
Morgunblaðið/Kristinn Magnússon
XD Flokksráð Sjálfstæðisflokksins kom saman í Valhöll í gær og var þar
samþykkt einum rómi að ganga til stjórnarsamstarfs með VG og Framsókn.
Morgunblaðið/Kristinn Magnússon
XB Miðstjórn Framsóknarflokksins hittist í Bændahöllinni og eftir um
tveggja tíma fund var stjórnarsáttmáli nýrrar ríkisstjórnar samþykktur.
Andrés Ingi Jónsson og Rósa
Björk Brynjólfsdóttir, þing-
menn Vinstri grænna, styðja
ekki ríkisstjórnarsáttmála
Vinstri grænna, Framsóknar og
Sjálfstæðisflokksins.
Ólafur Þ. Harðarson, pró-
fessor í stjórnmálafræði við
Háskóla Íslands, segir fá dæmi
þess að þingmenn hafi ekki
stutt ríkisstjórnarsáttmála eig-
in flokks í upphafi kjör-
tímabils.
„Ég man ekki til þess að það
hafi gerst með þessum hætti
en það hefur iðulega gerst að
það kvarnist úr stjórnarliðinu á
kjörtímabilinu. Rétt eins og
gerðist t.d. í ríkisstjórn Sam-
fylkingar og Vinstri grænna
2009-2013. Það koma reyndar
fyrir við upphaf nýsköp-
unarstjórnarinnar að fimm
þingmenn Sjálfstæðisflokks
studdu hana ekki. Það kom þó
ekki að sök þar sem stjórnin
var með góðan þingmeirihluta
segir Ólafur en að nýsköp-
unarstjórninni komu Sjálfstæð-
isflokkur, Alþýðuflokkur og
Sósíalistaflokkur árið 1944.
Ganga klofin
til leiks
FÁ FORDÆMI Í SÖGUNNI