Morgunblaðið - 30.11.2017, Blaðsíða 81

MENNING 81
MORGUNBLAÐIÐ FIMMTUDAGUR 30. NÓVEMBER 2017
Hið árlega Bókakonfekt Bókasafns
Reykjanesbæjar fer fram í kvöld kl.
20 í safninu. Barnakór Tónlistar-
skóla Reykjanesbæjar kemur fram í
upphafi dagskrár, undir stjórn
Birtu Rósar Sigurjónsdóttur og við
undirleik Jónínu Einarsdóttur.
Kórinn syngur nokkur falleg lög
fyrir gesti áður en rithöfundar lesa
upp úr bókum sínum.
Hallgrímur Helgason les úr nýj-
ustu bók sinni, ljóðabókinni Fiskur
af himni en í henni fjallar hann m.a.
um atburði í lífi sínu og fjölskyldu
sinnar á árstímabili. Jón Kalman
Stefánsson les úr nýjustu bók sinni,
Sögu Ástu sem fjallar um ást í ólík-
um myndum, íslenska sveit, skáld-
skap og menntunarþrá og hjónin
Jón Gnarr og Jóga Gnarr lesa úr
bókinni Þúsund kossar sem Jón
skrifaði með Jógu. Bókin fjallar um
erfiða lífsreynslu Jógu þegar hún
fór ung utan sem au pair.
Boðið verður upp á kaffi og kon-
fekt á Bókakonfekti.
Áritun Jóga og Jón Gnarr við áritun bók-
arinnar Þúsund kossar í byrjun mánaðar.
Barnakór, bóklestur, kaffi og konfekt
Unglingsstúlkan Ragnheið-ur flytur í smábæ á Ís-landi eftir að hafa upp-lifað skelfilegt andlegt og
líkamlegt einelti og útskúfun í
Bandaríkjunum þar sem hún var bú-
sett. Hún er vör um sig eftir þá
reynslu og á erfitt með að trúa því
þegar Hekla, sem er á svipuðu reki,
sækist eftir vináttu hennar og kem-
ur henni síðan í kynni við fleiri
krakka í bænum.
Samskipti krakk-
anna þróast á
ófyrirséðan hátt
og skyndilega er
Ragnheiður kom-
in hinum megin
við borðið og þarf
að taka ákvörðun
um hvort hún
ætlar að feta í fót-
spor kvalara
sinna úr bandaríska skólanum eða
taka öðruvísi á málum.
Sagan hefst að sumarlagi og
Heklu leiðist lífið, bestu vinkonur
hennar í útlöndum og hún hefur fátt
við að vera. Hún tekur því komu
nýju stelpunnar, Ragnheiðar, fegins
hendi og fyrst í stað leikur allt í
lyndi. Ástin spilar að sjálfsögðu inn í
– en ekki hvað – þetta eru jú ung-
lingar í 9. og 10. bekk. Þegar Hekla
verður vitni að atviki, sem hún túlk-
ar sem einelti gegn bróður sínum,
fer í gang ófyrirséð atburðarás sem
hún missir fljótlega stjórn á.
Einelti er gríðarlega flókið fyr-
irbæri og á sér ótal birtingarmyndir
og Elísa fer býsna vel með þetta
vandmeðfarna efni. Hún lýsir því
hvernig smávægileg atvik geta orðið
að einhverju risastóru sem enginn
veit hvernig byrjaði, en þannig eru
oft rætur eineltis. „Af litlum neista
verður oft mikið bál, “ söng Pálmi
Gunnarsson hérna um árið (fyrir
hundrað árum eða svo ...) og það er
það sem gerist í þessari bók. Hún
lýsir því líka vel hvernig Hekla, sem
er vinsælasta stelpan í skólanum,
hálfgerð býflugnadrottning, áttar
sig engan veginn á því að allt sem
hún gerir og segir hefur miklu meira
vægi en það sem aðrir gera vegna
þess hversu vinsæl hún er og aðrir
vilja vera eins og hún.
Elísa forðast að mála hlutina
svarta eða hvíta, enda er lífið aldrei
þannig og heldur ekki í flóknum
samskiptum unglingsáranna.
Krakkarnir eru hvorki góðir né
vondir, heldur bara fólk sem tekur
misgáfulegar ákvarðanir en að lok-
um snýst besta ákvörðunin um að
standa með sjálfum sér.
Er ekki allt í lagi með þig? fékk
nýverið Íslensku barnabókaverð-
launin 2017 og er vel að þeim komin.
Sagan rennur vel áfram og þó að við-
fangsefnið sé vissulega alvarlegt er
sagan bráðskemmtileg og fyndin,
skrifuð af innsæi og næmni og það er
vissulega fengur í nýjum höfundi
eins og Elísu sem skrifar af svona
miklum metnaði fyrir unglinga.
Morgunblaðið/Hanna
Verðlaunahafi Elísa Jóhannsdóttir hlaut Íslensku barnabókaverðlaunin 17. október
síðastliðinn fyrir bók sína Er ekki allt í lagi með þig? sem hlýtur jákvæða rýni.
Flott og fersk
unglingabók
Barna- og unglingabækur
Er ekki allt í lagi með þig? bbbmn
Eftir Elísu Jóhannsdóttur.
Vaka-Helgafell 2017. 315 blaðsíður
ANNA LILJA
ÞÓRISDÓTTIR
BÆKUR
Teiknarinn Hugleikur Dagsson
mætir í Gallery Port í dag kl. 15
með penna og skissubók og teiknar
myndir eftir pöntunum til kl. 20.
Verður það í eina skiptið fyrir jól
sem Hugleikur býður aðdáendum
sínum upp á það.
Í galleríinu stendur nú yfir sýn-
ing á verkum 12 myndlistarmanna
sem Hugleikur hafði samband við
og bað um að vinna út frá teikn-
ingum sínum. Hver listamaður
valdi sér eina mynd eftir Hugleik
og hafði frjálsar hendur til þess að
„betrumbæta“ hana eftir eigin
höfði, eins og því er lýst í tilkynn-
ingu en sýningin ber titilinn
Ábreiður. Listamennirnir sem eiga
verk á sýningunni eru Árni Jón
Gunnarsson, Bobby Breiðholt, Frið-
rik Sólnes, Halldór Baldursson,
Helga Páley Friðþjófsdóttir, Inga
Birgisdóttir, Lóa Hlín Hjálmtýs-
dóttir, Pétur Antonsson, Rán
Flygenring, Sigrún Eldjárn, Þorri
Hringsson og Þrándur Þórarins-
son. Auk verka þessara listamanna
má á sýningunni sjá verk úr nýút-
kominni brandarabók Hugleiks, Er
þetta frétt?
Hugleikur teiknar eftir pöntunum
Óviðjafnanlegur Hugleikur Dagsson.
Danska tónskáldið Bent Sørensen hlýtur Grawemeyer-
verðlaunin fyrir árið 2018 sem veitt eru fyrir tónsmíðar
og eru ein þau virtustu í heimi samtímatónlistar. Að
verðlaununum stendur Háskólinn í Louisville í Kentucky
og fylgja þeim peningaverðlaun, 100.000 Bandaríkjadal-
ir sem eru jafnvirði um 10,4 milljóna króna.
Verkum Sørensen hefur verið líkt við málverk
Georges Seurat en verðlaunin hlýtur hann fyrir verkið
L’Isola della Città.
Í frétt New York Times segir um verk Sorensen að
þau séu full af lágstemmdri dramatík og flöktandi stefj-
um sem skapi draugalega heima sundrunar og melankólíu. Af öðrum verk-
um hans má nefna The Weeping White Room, The Deserted Churchyards
og This Night of No Moon.
Sørensen hlýtur Grawemeyer-verðlaun
Bent Sørensen
Morgunblaðið/Stella Andrea
SÝND KL. 5.30SÝND KL. 8SÝND KL. 10
SÝND KL. 8, 10.15 SÝND KL. 5.30
Miðasala og nánari upplýsingar
5%
SÝND KL. 5.30, 8
Í GÓÐU FORMI
HEIMA Í STOFU
Æfingatæki fyrir
þol- og styrktarþjálfun,
sem auðvelt er að nota
heima í stofu.
Kíktu á úrvalið
í verslun
okkar eða á
fastus.is
ICQC 2018-20