Morgunblaðið - 30.11.2017, Blaðsíða 26

26 FRÉTTIRInnlent
MORGUNBLAÐIÐ FIMMTUDAGUR 30. NÓVEMBER 2017
VIÐTAL
Helgi Bjarnason
helgi@mbl.is
„Okkar hlutverk næstu þrjú til
fimm árin verður að vinna með
kínverskum kúabúum og afurða-
stöðvum að því að efla mjólkur-
framleiðsluna með ráðum og dáð,
sér í lagi á stærri búum landsins,“
segir Snorri Sigurðsson, fyrrver-
andi framkvæmdastjóri Lands-
sambands kúabænda, sem ráðinn
hefur verið framkvæmdastjóri
miðstöðvar mjólkurtæknimála sem
mjólkurrisinn Arla rekur í Kína
með þarlendu afurðafélagi. Verk-
efni Snorra er að vinna að mark-
miðum stjórnvalda sem þýðir að
auka þarf framleiðsluna um millj-
arð lítra á ári.
Vegur Snorra innan danska
mjólkuriðnaðarins hefur aukist
hratt síðustu árin, eða frá því hann
flutti með fjölskyldu sinni til Árósa
á árinu 2010 til þess að sækja sér
endurmenntun. Hann vann þá hjá
Landbúnaðarháskóla Íslands á
Hvanneyri og hugsaði sér að snúa
heim og taka við fyrra starfi árið
eftir. Hann segir að ekki hafi verið
hljómgrunnur innan fjölskyld-
unnar við þá hugmynd að fara
strax heim. Börnin voru í skóla og
eiginkonan, Kolbrún Anna Örlygs-
dóttir, í vinnu. „Ég ákvað á þess-
um tímamótum að skipta svolítið
um gír, fara úr kennslu og rann-
sóknum í landbúnaði yfir í ráðgjöf.
Áður hafði ég starfað við hags-
munagæslu fyrir kúabændur á Ís-
landi svo mér þótti þetta rökrétt
framhald, innan sama atvinnu-
geira.“
Vann sig upp á skömmum
tíma
Honum stóð til boða að starfa
við fóðurráðgjöf og mjólkur-
gæðaráðgjöf. Hann valdi síðar-
nefnda starfið vegna þess að þá
gat fjölskyldan búið áfram í Árós-
um. Starfið fólst í því að sinna ráð-
gjafarþjónustu fyrir SEGES, sem
er fyrirtæki í eigu dönsku bænda-
samtakanna, á um 600 kúabúum á
Jótlandi. Hann seldi kúabændum
ráðgjöf til þess að leysa sum af
þeim vandamálum sem herja á bú-
in. „Í fáum orðum sagt gekk þetta
afar vel og mér var vel tekið þrátt
fyrir ákveðna málhelti vegna
tungumálsins í byrjun.“
Honum var boðið að taka við
stöðu landsráðunautar á þessu
sviði á árinu 2015. Við það breytt-
ist starf hans úr því að ráðleggja
kúabændum í það að ráðleggja
mjólkurgæðaráðgjöfum landsins
en um leið að sinna stærstu við-
skiptavinum fyrirtækisins. Í þeim
flokki eru kúabú með eitt þúsund
kýr eða fleiri. „Þetta starf gaf mér
frábært tækifæri til þess að takast
á við mjólkurframleiðslu á búum
með mikla möguleika á hagræð-
ingu og skipulagningu verka. Við
náðum fljótt góðum árangri sem
tekið var eftir. Það varð til þess að
árið eftir var mér falin yfirstjórn
allrar mjólkurgæðaráðgjafar í
Danmörku. Var ég í því starfi þar
til nú, að ég fór til Kína,“ segir
Snorri.
Danir í fararbroddi
Kínverjar horfa mikið til Dana
við eflingu mjólkurframleiðslu
sinnar. Snorri segir að ástæðan sé
sú að meðalnyt kúa er þar meiri
en í öðrum Evrópulöndum, búin
stærri að meðaltali og framleiðslan
hagkvæm. Auk þess sé mjólk-
urframleiðsla í Danmörku í far-
arbroddi í umhverfismálum og
menntastig bænda hærra en gerist
og gengur.
Arla sem er mjólkursamsala 12
þúsund kúabænda í Norður-
Evrópu rekur með kínverska af-
urðafélaginu Mengniu miðstöð
mjaltatæknimála í Kína, í skjóli
stjórnvalda beggja landanna. Hlut-
verk hennar er að miðla þekkingu
og reynslu frá Danmörku. Á með-
an Snorri var hjá SEGES var
hann nokkrum sinnum fenginn til
að halda námskeið og ráðstefnur
um mjólkurframleiðslu í Kína.
„Þessi vinna leiddi til þess að sl.
vor var leitað eftir því að ég tæki
að mér starf sem framkvæmda-
stjóri miðstöðvarinnar og þáði ég
það eftir nokkra umhugsun,“ segir
Snorri.
Í Kína eru framleiddir 35 millj-
arðar lítra af mjólk á ári. Það er
200 sinnum meira en á Íslandi.
Snorri bendir á að þótt talan sé há
sé þetta alls ekki mikil framleiðsla
þegar horft er til stærðar landsins
eða mannfjöldans sem er talinn
nálægt 1,3 milljörðum. „Töluverð-
ur vöxtur í eftirspurn eftir mjólk-
urvörum hefur leitt til stöðugt
vaxandi innflutnings. Yfirvöld hafa
reynt að sporna við því með því að
efla innlenda framleiðslu enn frek-
ar. Í markmiðum um fæðuöryggi
er miðað við að innlend framleiðsla
standi undir að minnsta kosti 70%
af mjólkurvöruneyslu landsmanna.
Hefur það tekist en þegar litið er
til framtíðar þarf að auka fram-
leiðsluna um milljarð lítra á ári til
að halda þessu hlutfalli. Þar kom-
um við inn í myndina með okkar
reynslu og þekkingu,“ segir
Snorri.
Athyglin beinist að stærri
kúabúunum. Í Kína fækkar ört
þeim búum sem eru með færri en
50 kýr en stærri búin vaxa hratt.
Nú eru mörg kúabú með nokkur
þúsund kýr hvert og krefst það
annarskonar vinnubragða en á
litlum búum. „Það er einmitt á
þessum stærri búum, þeim sem
eru með allt frá 300-400 kúm og
upp í þúsundir sem einstök sér-
þekking okkar nýtist,“ segir
Snorri.
Markmið starfseminnar næstu
árin er að bæta gæði kínverskrar
hrámjólkur, auka velferð dýranna
og efla framleiðsluna með endur-
menntunarnámskeiðum, upplýs-
ingaritum og fleiru. „Viðfangsefnin
eru margvísleg en öll á sviðinu frá
frumframleiðslu og að dyrum af-
urðastöðvar. Hér er einnig starf-
rækt, óháð okkar starfsemi, þróun-
armiðstöð mjólkurafurða sem
vinnur að því að þróa og útfæra
mjólkurvörur sem henta kínverska
markaðnum.“
Áhöld fylgi vörunni
Segir Snorri að matarhefðir og
-venjur Kínverja séu töluvert frá-
brugðnar evrópskum og því hafi
margir lent á veggjum þegar þeir
reyna að flytja vörur beint inn á
markaðinn. „Til dæmis þarf að
hafa hugfast að hér borðar fólk
með prjónum og venjulegar te-
skeiðar eða matarskeiðar eru fá-
séðar. Því þurfa áhöld að fylgja
vörunni, eigi að vera hægt að
borða hana. Þá datt víst ein-
hverjum í huga að flytja fasta osta
hingað til lands en ostaskerar eru
á fæstum heimilum svo það var
tómt mál að tala um það. Því þarf
að aðlaga vörur að markaðnum.
Sem dæmi má nefna að Kínverjar
vilja helst sætar og litríkar vörur
sem ekki fara vel í Vesturlanda-
búa. Afar áhugavert er að fylgjast
með þeirri vinnu sem fram fer á
þessu sviði,“ segir Snorri.
Vinnur með þúsund kúa búum
 Snorri Sigurðsson tekinn við stjórn miðstöðvar mjólkurtæknimála sem miðlar danskri þekkingu í
mjólkurframleiðslu í Kína  Markmið stjórnvalda er að auka framleiðsluna um milljarð lítra á ári
Ljósmynd/Arla
Með prjónum Mjólkurneysla eykst á kínverskum heimilum. Þeir sem flytja
mjólkurafurðir til landsins þurfa þó að láta áhöld fylgja.
Framkvæmdastjóri Snorri Sigurðsson vinnur með Dönum og Kínverjum að
því að efla mjólkurframleiðsluna í Kína. Markmiðið er að innflutningur
mjólkurvara aukist ekki þrátt fyrir mikla aukningu í mjólkurneyslu.
Snorri Sigurðsson flutti til Pek-
ing fyrr í mánuðinum, þegar
hann tók við nýja starfinu. Við-
brigðin eru mikil að flytja frá
Árósum, sem eru um 300 þús-
und manna borgarsvæði, í stór-
borg með 23 milljónir íbúa með
tilheyrandi umferð, hávaða og
mengun. „Þetta þarf allt að
venjast en það sem kemur þó
mest á óvart er hversu fáir
skilja annað en kínversku,“ seg-
ir hann.
Fyrir vikið er það krefjandi að
fara út í búð til þess að kaupa
ósköp venjulegar heimilisvörur,
eins og til dæmis mýkingarefni
og hársápu. „Ekki er nokkur leið
að lesa sér til um hvar það er að
finna því fæstar vörur eru
merktar með öðru en kínversku
letri. Sem betur fer er hægt að
nota þýðingarforrit Google hér
en með því að beina símanum
að kínverska letrinu breytist
það yfir í það mál sem maður
velur. Þetta gerir líf nýbúa hér
miklu einfaldara. Þá eru öflug
þýðingaforrit notuð í helsta
samskiptamiðli Kínverja, We-
Chat, sem einnig nýtist til að
spyrja til vegar. Þegar frá líður
náum við vonandi einhverjum
tökum á kínverskunni enda er
það hluti af ráðningu flestra út-
lendinga að veita þeim kín-
verskukennslu, og þá verður
þetta eitthvað léttara.“
Kona Snorra, Kolbrún Anna
Örlygsdóttir, flytur út til hans
eftir áramótin ásamt dóttur
þeirra. Elstu drengirnir eru við
vinnu og í háskóla í Danmörku
„og halda húsinu okkar í Árós-
um heitu og hreinu á meðan við
tökum þátt í þessu ævintýri í
Kína“.
Notar þýð-
ingaforrit
í búðinni
MIKIL VIÐBRIGÐI