Morgunblaðið - 15.03.2018, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 15. MARS 2018
Höskuldur Daði Magnússon
hdm@mbl.is
„Það var send krafa til dómara um
framlengingu gæsluvarðhalds og
það mætti saksóknari í dóm til að fá
réttarhaldið sem boðað var til, vel
fyrir þann tíma
sem fyrra gæslu-
varðhald rann út.
Þá brá svo við að
Sveinn neitaði að
mæta fyrir dóm-
inn,“ segir Jón
H.B. Snorrason,
saksóknari hjá
Ríkissaksóknara.
Morgunblaðið
greindi á þriðju-
dag frá undar-
legri uppákomu sem varð við fang-
elsið á Hólmsheiði í byrjun
vikunnar. Þá rann út gæsluvarð-
haldsúrskurður yfir Sveini Gesti
Tryggvasyni, sem dæmdur var í sex
ára fangelsi fyrir að hafa orðið
Arnari Jónssyni Aspar að bana og
bíður nú áfrýjunar fyrir Landsrétti.
Virtist sem Sveini Gesti hefði verið
sleppt úr fangelsi fyrir misgáning og
hann svo handtekinn að nýju á bíla-
stæði fangelsisins á Hólmsheiði. Jón
H.B. Snorrason segir þetta ekki alls-
kostar rétt, það að Sveinn neitaði að
mæta fyrir réttinn hafi einungis taf-
ið málið.
Sex lögreglumenn auk fylgdar
„Hann á rétt á því að neita að
mæta fyrir réttinn en dómari vildi
að hann yrði samt sem áður færður
fyrir réttinn. Það þótti eðlilegt að fá
sex lögreglumenn í þennan flutning,
því þetta var gegn vilja hans, og
fylgd með flutningnum. Af því varð
þessi töf að hann kæmi fyrir dóm-
inn. Honum var aldrei sleppt.“
Sveinn virðist hafa skilið aðstæð-
ur þannig að hann hafi verið hand-
tekinn að nýju fyrir utan fangelsið.
Jón segir að það sé ekki rétt.
„Honum er tilkynnt að hann sé
undir valdi. Hann virðist hafa haldið
að með því að neita að fara þá gæti
hann bara labbað út klukkan fjögur,
frjáls maður. Það var byggt á ein-
hverri óskhyggju.“
Voruð þið ekki eitthvað seinir fyr-
ir fyrst þetta dregst fram yfir fjög-
ur, þegar gæsluvarðhaldið rann út?
„Það tekur nú ekki nema 20 mín-
útur að keyra af Hólmheiði niður í
héraðsdóm og kortéri fyrir voru allir
tilbúnir. Hann neitaði öllu og því
varð að færa hann með valdi og við-
búnaði. Þetta varð aðeins tafsamara
en leiðir ekki til þess að hann sé
frjáls maður. Við vorum bara var-
færnir vegna þessa flutnings.“
Björgvin Jónsson, lögmaður
Sveins Gests, staðfesti við Morgun-
blaðið að gæsluvarðhaldsúrskurður-
inn hefði verið kærður. Beðið er
niðurstöðu Landsréttar við kærunni.
Segir að Sveinn hafi neit-
að að mæta fyrir dóminn
 Saksóknari hafnar því að Sveini Gesti hafi verið sleppt
 Fluttur gegn vilja sínum í héraðsdóm  Sveinn áfrýjar
Morgunblaðið/Kristinn Magnússon
Áfrýjar Sveinn Gestur hefur áfrýjað
gæsluvarðhaldsúrskurði yfir sér.Jón H.B.
Snorrason
Franskar Alpaperlur
sp
ör
eh
f.
Sumar 3
Fegurð landsins fjalla leikur um okkur í bænum Annecy
sem er sannkölluð perla frönsku Alpanna. Við förum m.a.
til Chamonix og tökum þaðan kláf upp í 3.842 m hæð
fjallsins Aiguille du Midi og heimsækjum Genf, Montreux
og Lausanne við Genfarvatn. Í ferðinni gefst góður tími til
að slaka á og njóta ómældrar náttúrufegurðar.
19. - 26. maí
Fararstjóri: Þóra Björk Valsteinsdóttir
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 199.900 kr. á mann í tvíbýli. ÖRFÁ SÆTI LAUS
Mjög mikið innifalið!
Helgi Bjarnason
helgi@mbl.is
Unnið er að stjórnunar- og verndar-
áætlun fyrir náttúruvættið Kattar-
auga í Vatnsdal. Drög hafa verið lögð
fram til kynningar. Ekki er gert ráð
fyrir miklum framkvæmdum á svæð-
inu, aðeins sett upp nýtt upplýsinga-
skilti og göngustígar afmarkaðir.
Glittir í auga kattarins
Kattarauga er alldjúp tjörn í landi
Kornsár 2 í Vatnsdal. Í henni eru
tveir fljótandi gróðurhólmar sem
rekur undan veðri og vindi. Í botni
tjarnarinnar er lindarauga sem glitt-
ir á þegar logn er og bjartur dagur.
Af því dregur tjörnin nafn sitt.
Náttúruvættið var friðlýst árið
1975. Ingibjörg Marta Bjarnadóttir,
sérfræðingur hjá Umhverfisstofnun,
segir að það sé á verksviði stofnunar-
innar að vinna stjórnunar- og vernd-
aráætlanir fyrir friðlýst svæði. Hún
segir að Kattarauga sé lítið og mjög
viðkvæmt svæði. Ekki er vitað
hversu margir ferðamenn leggja leið
sína þangað. Svæðið er ekki á rauð-
um lista Umhverfisstofnunar en
Ingibjörg segir að það sé engu að
síður mjög viðkvæmt fyrir ágangi.
Stjórnunar- og verndaráætlunin
gildir til tíu ára og henni fylgir að-
gerðaáætlun til fimm ára.
Í aðgerðaáætluninni er kveðið á
um eftirlit Umhverfisstofnunar með
svæðinu og þeim framkvæmdum
sem fyrirhugaðar eru. Gert er ráð
fyrir að komið verði fyrir nýju
upplýsingaskilti við náttúruvættið á
vormánuðum. Þá er fyrirhugað að
setja upp lágar stikur með köðlum
meðfram göngustígnum umhverfis
tjörnina.
Tekið við athugasemdum
Umhverfisstofnun vann drög að
verndaráætlun í samvinnu við full-
trúa Húnavatnshrepps og eiganda
landsins. Áætlunin hefur verið aug-
lýst til umsagnar og athugasemda.
Hægt er að gera athugasemdir á
heimasíðu Umhverfisstofnunar fyrir
23. þessa mánaðar. Áætlunin verður
síðan send til umhverfisráðherra til
staðfestingar.
Ljósmynd/Kristín Ósk Jónasdóttir
Kattarauga Svæðið er lítið og þolir illa mikinn ágang ferðafólks. Náttúruvættið er þó ekki í hættu af þeim sökum.
Verndaráætlun fyrir nátt-
úruvættið Kattarauga
 Hólmana á tjörninni rekur undan veðri og vindum
Magnús Heimir Jónasson
mhj@mbl.is
Aðfaranótt þriðjudags og miðviku-
dags sópuðu tveir vélsópar alls 13
tonnum af fíngerðu ryki upp úr
Hvalfjarðargöngunum. Á vefsíðu
Spalar, sem fer með rekstur á göng-
unum, kemur fram að þetta sé að
hluta til ryk sem hefur safnast fyrir
á einungis einni viku. „Eiginlega er
nauðsynlegt að lesa hægt og helst
tvisvar sinnum til að nema þessar
tölur til fulls, svo ótrúlegar eru þær
en sannar samt. Samt er ekki sagan
öll sögð því ekki vannst tími til að
fara yfir allar vegaxlir ganganna
síðastliðna nótt og því verki lýkur
því ekki fyrr en í nótt,“ sagði á vef-
síðu Spalar í gær. Sópað verður
áfram næstu nætur því enn berst
mikið ryk inn í göngin með bílum
sem óhreinkast á blautum þjóðveg-
um og skilja eitthvað af þeim óhrein-
indum eftir í dragsúg ganganna
undir Hvalfirði. Hluti af rykinu er
einnig vegna slits á akbrautum eftir
nagla í dekkjum bifreiða.
Fengu nýjan vélsóp í verkið
Spölur fékk í fyrsta sinn nýjan
götusóp í verkið. Götusópurinn er
frá Hreinsitækni og losaði hann um
rykið með rúmlega 20 tonnum af
vatni undir miklum þrýstingi en
sópurinn sogar rykið samstundis
upp. Spölur hefur hingað til verið
með eigin vélsóp sem er umsvifa-
minni og er hann notaður til að
safna ryki úr göngunum í hverri
viku. Með honum voru fjarlægð 5
tonn í síðustu viku og var að sögn
Spalar sópað ryki á sömu stöðum og
síðustu nætur í tonnatali. Þannig
hefur alls 18 tonnum af ryki verið
sópað úr Hvalfjarðargöngunum á
einni viku.
Talsvert verk að þrífa göngin
Gísli Gíslason, stjórnarformaður
Spalar, segir að magnið hafi ekki
komið þeim á óvart en mikið af ryki
berist inn í göngin í erfiðri veðráttu.
„Þetta er talsvert verk að fjarlægja
þetta og þetta er býsna drjúgt,“ seg-
ir Gísli í samtali við Morgunblaðið.
Hann bendir jafnframt á að hafa
verði í huga að hér sé um sex kíló-
metra vegarkafla að ræða en engu
að síður teljist hátt í 20 tonn af ryki
á einni viku mikið. Verkfræðistofan
Mannvit hafi fengið hluta af þessu
fíngerða ryki til rannsóknar til að
skoða samsetningu þess.
13 tonn af ryki á
tveimur dögum
 Hvalfjarðargöngin hreinsuð í vikunni
Ljósmynd/Spölur
Hvalfjarðargöngin hreinsuð Hreinsitækni ehf. sendi nýjan bíl í göngin sem náði
að sópa á annan tug tonna af ryki. Hreinsibíll Spalar tók um 5 tonn í vikunni.