Morgunblaðið - 15.03.2018, Blaðsíða 66

Friðrika Hjördís Geirsdóttir
rikka@mbl.is
„Markaðssetning kemur mjög
náttúrulega til mín þannig ég vissi
nákvæmlega hvernig ég átti að
markaðsetja hann og gerði það eins
vel og ég gat,“ segir Alda Karen
Hjaltalín um fyrirlesturinn Leynd-
armálin mín í sölu, markaðssetningu
og lífinu sjálfu sem hún hélt fyrir
fullum sal í Eldborgarsal Hörpu fyr-
ir stuttu. „ Ég er ekki að kenna
neinum neitt, ég er bara að miðla
því sem ég læri jafnóðum og ég læri
það,“ segir Alda sem byrjaði ung að
veita vinum og kunningjum ráðgjöf
um sölu- og markaðssetningu og
virðist sem þetta sé henni í blóð bor-
ið.
Fjölbreytt verkefni í New York
Alda býr og starfar í New York
en þar vinnur hún í fjölbreyttum
verkefnum sem flest tengjast sjálfs-
styrkingu. „Ég er núna viðriðin
fimm fyrirtæki þannig ég er með
marga bolta á lofti núna en það
verkefni sem ég hef mesta ástríðu til
er Mindgyms. Við erum að opna
fyrsta Pop-upið okkar núna 28.apríl
í miðborg New York og síðan opnum
við alvöru stöð þann 1. júní, en þar
verður að finna allt fyrir heilann. Á
stöðinni verður að finna æfingar til
að bæta langtíma- og skammtíma-
minnið, hóptímar um tilfinningar og
svo eru sálfræðingar í staðinn fyrir
einkaþjálfara,“ segir Alda og bætir
við að hugmyndin sé að sameinast
annarri líkamsræktarstöð þar sem
hægt er að fara í hefðbundna lík-
amsrækt og fara síðan í æfingar fyr-
ir heilann í leiðinni. „Það eru brjál-
æðislega margir sem hafa áhuga á
þessu og það hefur verið uppselt á
öll workshop hjá okkur. Við erum
búin að lifa af iðnbyltinguna, svo er-
um við búin að lifa tæknibyltinguna
sem er svona að hörfa frá okkur og
núna erum við að fara inn í eitthvað
sem erlendis er kallað tilfinninga-
byltingin.“ Spurð að því hvort hún
sé hreinlega raunveruleikafirrt seg-
ir Alda að það sé einmitt eitt besta
hrós sem hún hafi fengið. „Veistu
hvernig er fljótlegast að verða með-
almaður?“ spyr hún á móti. „Það er
að verða raunsær og ég ætla heldur
betur ekki að vera raunsæ heldur
framúrskarandi í því sem ég er að
gera.“ Þeir sem vilja fylgjast með
daglegum innslögum frá Öldu Kar-
en geta fylgt henni á Instagram
undir nafninu: aldakarenh
Meðalmaðurinn er raunsær
Í útrás Alda Karen býr og starfar í New York þar
sem hún vinnur að fjölbreyttum verkefnum.
Fyrirlesari Alda flutti
fyrirlesturinn sinn fyrir
framan fullan Eldborgar-
sal Hörpu undir lok janúar
s.l.
66
MORGUNBLAÐIÐ FIMMTUDAGUR 15. MARS 2018
Fást í betri byggingavöruverslunum, matvöruverslunum og flestum bensínstöðum.
Umhverfisvænar
hágæða hreinsivörur