Morgunblaðið - 17.05.2018, Blaðsíða 12

12 DAGLEGT LÍF
MORGUNBLAÐIÐ FIMMTUDAGUR 17. MAÍ 2018
Kompan Sunna Dís í essinu sínu í Kompunni, hljóðveri tileinkuðu hlaðvarpsupptökum, sem opnuð verður á morgun.
Valgerður Þ. Jónsdóttir
vjon@mbl.is
G
estir geta tekið viðtal
við ömmu sína, haldið
langar einræður um
hugðarefni sín, lesið
inn sögu eða rætt nýj-
ustu fréttir við besta vin sinn, svo
fáein dæmi séu tekin,“ segir Sunna
Dís Másdóttir, verkefnastjóri, um
möguleikana í Kompunni, hljóðveri
fyrir hlaðvarpsupptökur, sem opn-
uð verður í Borgarbókasafninu í
Grófinni kl. 17 á morgun, föstudag-
inn 18. maí.
„Þeir geta síðan farið með
efnið heim til sín á minniskubbi, og
notað það eins og þeir vilja,“ held-
ur hún áfram. „Við erum fyrst og
fremst að skapa aðstöðuna, sem
lánþegar þurfa að bóka fyrirfram
og er þeim að kostnaðarlausu.
Handhafar bókasafnsskírteina fá
afnot af upptökutæki og tölvu og
aðgengilegar leiðbeiningar svo þeir
geti sem best bjargað sér sjálfir.“
Sunna Dís segir að starfsemi
Borgarbókasafnsins sé í stöðugri
þróun og Kompan sé aðeins einn
angi af öllu því starfi. „Þótt bækur
séu í lykilhlutverki, viljum við búa
til rými fyrir fólk á öllum aldri til
að koma, vera og skapa á bóka-
safninu - og lesa auðvitað.“
Bókaormar gleðjast
Fyrir tæpu ári hóf Hlaðvarp
Borgarbókasafnsins göngu sína
með þáttaröðinni Um allt land, þar
sem starfsfólkið spjallaði um bók-
menntir, sem tengdust lands-
hlutum Íslands. Síðan hafa fjöl-
margir þættir bæst við, sem allir
eru tiltækir gegnum hlekk á vef-
síðunni www.borgarbokasafn.is.
Um svipað leyti fór starfsfólkið,
allt annálaðir bókaormar, að und-
irbúa opnun hljóðupptökustúdíós
fyrir lánþega.
„Hlaðvarp hefur alls staðar
verið að sækja í sig veðrið und-
anfarin ár. Hægt er að fara ýmsar
leiðir, sumir taka upp á snjallsím-
ana sína, aðrir nota Skype. Við
bjóðum upp á mun betri aðstæður
í Kompunni. Hér eru fín upp-
tökutæki og hljóðnemar auk þess
sem herbergið er vel hljóðein-
angrað með afskrifuðum bókum.
Við, bókaormarnir, glöddumst mik-
ið yfir að geta veitt þessum gömlu
bókum framhaldslíf þegar við röð-
uðum þeim upp um alla veggi í
stað þess að nota eggjabakka eða
þvíumlíkt til að einangra.“
Bókasafnsglæpasaga
Þótt bókasöfn víðsvegar um
heim framleiði eigin hlaðvarps-
þætti, er Sunnu Dís er ekki kunn-
ugt um nein sem bjóða upp á
hljóðver í líkingu við Kompuna.
„Við reynum alltaf að vera frum-
kvöðlar,“ segir hún brosandi.
Í tilefni af opnuninni á morg-
un verður gestum og gangandi
boðið að koma og kíkja í stúdíóið,
prófa tækjabúnaðinn og gleðjast
yfir framtakinu. „Við fengum Veru
Illugadóttur, sem ég held að megi
segja að sé ókrýnd drottning hlað-
varpsins á Íslandi, til að vinna fyr-
ir okkur einn stuttan hlaðvarps-
þátt með bókasafnsþema. Hann er
æsispennandi bókasafnsglæpasaga
sem við frumflytjum í opnuninni á
morgun. Vera er í rauninni fyrsti
gesturinn sem notar aðstöðuna í
Kompunni,“ segir Sunna Dís að
lokum.
Bækur fá
framhaldslíf í
hljóðeinangrun
Lánþegum Borgarbókasafnsins í Grófinni er ekki í
kot vísað. Frá og með morgundeginum verður þeim,
sem vilja gera sína eigin hlaðvarpsþætti, vísað í
Kompuna, splunkunýja aðstöðu með tilheyrandi upp-
tökubúnaði.
„Þótt bækur séu í lyk-
ilhlutverki, viljum við
búa til rými fyrir fólk á
öllum aldri til að koma,
vera og skapa - og lesa
auðvitað.“
SLÖKKTU Á DEYFÐINNI OG
NIKVEI SKUN
Eclipse Cross er nýjasti meðlimur Mitsubishi fjölskyldunnar. Hann er hlaðinn staðalbúnaði, með
góða veghæð og mikið innanrými. Háþróuð tæknin gerir allan akstur öruggari og eykur sjálfstraustið
á vegum úti. Nú fylgir 350.000 kr. sumarauki með öllum nýjum Mitsubishi bílum hjá HEKLU.
Slökktu á deyfðinni og kveiktu á dirfskunni með nýjum Eclipse Cross. Hlökkum til að sjá þig!
Mitsubishi Eclipse Cross
Verð frá:
3.990.000 kr.
5 ára ábyrgð fylgir fólksbílum HEKLU að uppfylltum ákvæðum ábyrgðarskilmála. Þá er að finna á www.hekla.is/abyrgd
HEKLA · Laugavegi 170-174 · Reykjavík · Sími 590 5000 · hekla.is
Umboðsmenn um land allt: Höldur Akureyri · Bílasala Selfoss · Bílás Akranesi · HEKLA Reykjanesbæ · BVA Egilsstöðum
FYRIR HUGSANDI FÓLK
Sumarauki að verðmæti350.000 kr. fylgir!