Morgunblaðið - 17.05.2018, Side 50

MORGUNBLAÐIÐ FIMMTUDAGUR 17. MAÍ 2018
Ágúst Ingi Jónsson
aij@mbl.is
„Jú, þetta hefur gengið ágætlega
undanfarið, en það hefur haldið aft-
ur af mönnum hversu margar vikur
eru bara með fjóra vinnudaga í
landi vegna hátíðisdaga. Það þarf
samt að hafa fyrir þessu segja
strákranir í brúnni og auðvitað er
það ekki sjálfgefið að koma trekk í
trekk með fullfermi að landi á nokk-
urra daga fresti,“ segir Birkir
Hrannar Hjálmarsson, útgerðar-
stjóri ísfiskskipa hjá HB Granda.
Grandatogararnir Engey og
Akurey hafa fiskað vel eins og sjá
má á lista á aflafrettir.is og segir
Birkir að þau hafi undanfarið komið
að landi með blandaðan afla; karfa,
þorsk og ufsa. Fullfermi er um 600
kör eða um 180 tonn af slægðum
fiski. Skipin komu ný til landsins á
síðasta ári frá Tyrklandi og fór
Engey til veiða í lok júlí í fyrrasum-
ar, en Akurey í lok janúar á þessu
ári.
Þriðja systirin af þessum þremur
nýju Grandaskipum er Viðey, sem
Birkir vonast til að fari að minnsta
kosti í prufutúr fyrir sjómannadag,
sem er helgina 2.-3. júní. Síðustu
mánuði hefur verið unnið að nið-
ursetningu á vinnslubúnaði á milli-
dekki í Viðey og sjálfvirku, mann-
lausu lestarkerfi hjá 3X á Akranesi.
Áður þurftu menn að
moka 50-70 tonnum af ís
Í skipum HB Granda er búnaður
til ofurkælingar afla (sub-chilling),
en einnig tæki til að framleiða ís.
Um borð í Engey og Akurey hefur
kælibúnaður án íss og krapa ekki
verið notaður og mörg erfið hand-
tök sparast með því og sjálfvirkni í
lest, en á þennan hátt eru mörg erf-
iðustu handtökin liðin tíð.
„Þetta er léttara fyrir sjómennina
heldur en áður var og þá var ekki
óalgengt að menn væru að moka 50-
70 tonnum af ís í hverjum túr, það
voru nokkur handtökin,“ segir Birk-
ir. Hann segir að ákveðið hafi verið
að gera ráð fyrir bæði ofurkælingu
og kælingu með ís. Báðir möguleik-
arnir eru enn fyrir hendi enda getur
sú staða hæglega komið upp ef
landað er annars staðar en við kæli-
geymslur í heimahöfninni Reykja-
vík að ísa þurfi fiskinn við löndun.
Hann segir að það hafi tekið
nokkurn tíma að gera Engey klára
til veiða og lengri tíma en gert var
ráð fyrir. Það hafi reynt á hugvit,
þor og þolinmæði en hafi gengið
upp með góðri samvinnu og góðu
fólki. Akurey hafi hins vegar nánast
verið tilbúin til veiða undir álagi
strax eftir einn prufutúr.
„Staðan er þannig núna að lestar-
kerfið virkar, kælingin virkar og
hráefnið stenst okkar væntingar.
Barnasjúkdómar í upphafi eru nán-
ast að baki.“
Ljósmynd/Kristján Maack
Um borð Í karfatúr með Engey síðasta haust. Fiskurinn streymir úr móttökunni yfir í vinnsluna þar sem hann er meðal annars flokkaður og kældur áður en hann fer niður í lestar skipsins.
„Ekki sjálfgefið að koma trekk
í trekk með fullfermi að landi“
Afli togara við landið hefur víðast verið góður síðustu vikur. Búnaður í tveimur nýjum
togurum HB Granda hefur sannað gildi sitt og þriðja systirin fer á veiðar á næstunni.
Þrjú íslensk frystiskip, Örfirisey RE, Vigri RE og Arnar HU, hafa síð-
ustu daga verið að veiðum á úthafskarfa á Reykjaneshrygg utan ís-
lenskrar lögsögu. Ekki hefur verið mikill kraftur í veiðunum, en kvóti
íslenskra skipa á Reykjaneshrygg í ár er alls 2.016 tonn, sem er langt
undir því sem var fyrir nokkrum árum.
Karfastofnar þar hafa gefið eftir í mörg ár og Alþjóða
hafrannsóknaráðið hefur lagt til að karfaveiðar verði ekki stundaðar
á Hryggnum. Rússar hafa ekki viljað fallast á það og verið stórtækir í
veiðum miðað við aðrar þjóðir. Afli þeirra hefur gjarnan verið í
kringum 25 þúsund tonn síðustu ár og heildarafli nálægt 30 þúsund
tonnum.
Að sögn Birkis Hrannars Hjálmarssonar máttu íslensku skipin
hefja veiðar á Reykjaneshrygg 10. maí, en Rússar voru þá fyrir
nokkru komnir á miðin. Munu fyrstu rússnesku skipin vera væntanleg
með afla til Hafnarfjarðar upp úr helgi. Einnig hafa skip frá ríkjum
Evrópusambandsins verið að veiðum á þessum slóðum.
Um það leyti sem Íslendingar máttu byrja gerði brælu og „síðan
hafa menn ekki hitt á það að neinu gagni,“ sagði Birkir. Örfirisey,
skip HB Granda, hefur verið að fá í kringum eitt tonn á klukkutíma,
sem þykir í minnsta lagi. „Ef aflabrögð fara ekki að hressast sjáum
við til hvað við gerum. Kvóti fyrirtækisins í úthafskarfa er ekki neitt
neitt miðað við það sem áður var, 550-560 tonn, og ef menn þyrftu að
fjárfesta í veiðarfærum myndi varla svara kostnaði að sækja þetta.“
Tregt á Reykjaneshryggnum
Þrír íslenskir frystitogarar byrjaðir á úthafskarfa
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla z Árstíðabundinn lager z Lager z Sumar-/vetrarvörur
Frystigeymsla z Kæligeymsla z Leiga til skemmri eða lengri tíma